San Lucas 12:18 - Biblia

¹⁸ Jayawe kuimbae jei iyupe: ‘¡Aikuaa ma mbae ayapo waerä! Ambaita opaete cheawatío reta jare ayapo yeta ambɨe awatío reta tuicha wae. Jare joko pe aupita opaete cheawati jare chembaembae.

Guaraní Pe (Western): Simba

¹⁸ Jayave jei iyupe ipɨa pe: ‘Aicuaa ma. Ambaita cheavatío reta jare ambutuicha eteta cheavatío reta, jare joco pe añuvatuta opaete cheavati jare opaete uyeavɨro vae’ —jei, jei—.

San Lucas 12:18 Iomraidhean Croise

San Mateo 6:26

“Mase. Pemae wɨra reta re. Mbaetɨ jae reta umaetɨ jare mbaetɨ umbaewɨro wi. Jare mbaetɨ upi reta wi awati awatío pe,” jei. “Erëitu peRu ara pe oï wae umɨngaru reta. Jare jukuärái yawe, ¿këraita pa jae pemɨngaruta’ä pe reta wi? Echa’ä jae perauete ko wɨra reta wi,” jei.

San Lucas 12:17

Jare jae jei iyupe ipɨa pe: “¿Mbae ra ayapota? Cheawatío reta opa ma tɨnee. Mbaetɨ ma kiape cheawati añono waerä,’ jei.

San Lucas 12:19

Jayawe jaeta cheyupe: ‘Jetaete ma awati aupi. Uepitɨta jeta año pewa. Añawe taputuu, takaru, takau, jare tayerowia.’ Jukuärái kuimbae jei tëi iyupe.

San Lucas 12:21

Jayawe Jesús jei wi chupe reta: “Jukuärái etei ko uasata oï ipotawe kía umbatɨ mbaembae imaeräño wae pe, jare ikokatu’ä oï yawe Tumpa kotɨ,” jei chupe reta.

San Lucas 12:24

“Mase. Pemae wɨra reta re. Mbaetɨ jae reta umaetɨ jare mbaetɨ umbaewɨro wi. Jare mbaetɨ upi reta wi awati awatío pe,” jei. “Erëitu Tumpa umɨngaru reta. Jare jukuärái yawe, ¿këraita pa jae pemɨngaruta’ä pe reta wi? Echa’ä jae perauete ko wɨra reta wi,” jei chupe reta.

San Lucas 18:4

“Mbowɨ ara rupi jokua mburuwicha uyapo’ä mbae awe uepɨ waerä jokua kuña. Erëi aramoiño jei wɨte iyupe: ‘Che aipɨu’ä Tumpa wi, jare mbae’ä chewe ïru wae reta kërái oï wae.

San Lucas 18:6

Jayawe yandeYa jei: “Kua re ikawi ko pepɨa pe piyemɨngeta waerä. Kua mburuwicha, yepe tëi ko jae jupi’ä, erëi mase kërái jae uyemɨngeta ipɨa pe,” jei.

Santiago 3:15

Jokua arakuaa pere tëi ime penoi wae ou’ä ko Tumpa wi jare mbaetɨ etei ko Espíritu Santo pewa. Jokua nunga arakuaa ko jae kua ɨwɨ pewaño jare Añawasu wi ko ou.

Santiago 4:13

Piyapɨsaka mii michi pewa kua chiñee re. Amokue pe reta pere peï kuärái: “Kua ara ani kuriye ndoota ikotɨ̈a. Jare joko pe nduparawɨkɨta noï pëti año pewa numɨngana waerä korepoti,” pere peï.

Santiago 4:15

Jáeramo imeta ko pere kuärái: “YandeYa uipota yawe, nduikota kua pe ani ikotɨ̈a, jare nduyapota kua jare pea.” Jukuärái ikawi pere waerä.