San Lucas 12:16 - Biblia

¹⁶ Jayawe Jesús jei chupe reta umbɨjaanga rewe: “Ime iko pëti kuimbae ikokatu wae iawati yawɨye kawiete chupe wae.

Guaraní Pe (Western): Simba

¹⁶ Jayave jei chupe reta umɨjaanga reve: —Penti cuimbae icocatu vae iavati yagüɨye cavi.

San Lucas 12:16 Iomraidhean Croise

San Mateo 13:8

“Erëi ïru temitɨ oa ɨwɨkawi pe. Jokua reta jeñɨ kawi, ukuakuaa, jare ía. Amokue jetaete ye ía, jare ïru reta jeta katu ía, jare ïru reta mbowɨño ía.” Jukuärái Jesús jei chupe reta umbɨjaanga rewe.

San Mateo 5:45

“Jukuärái piyapo yawe, piyekuaakata pe reta ko jae peRu ara pe oï wae taɨ reta jare tayɨ reta, echa’ä piyapo peï jae uyapo wae rami,” jei. “Añetete peRu Tumpa jeko kawiete ko, echa’ä jae umee warasɨ jeko kawi wae reta pe jare jeko kachi wae reta pe wi, opaete wae onoi waerä tembipe. Jae ramiño wi jae ombou ama jupi wae reta pe jare jupi mbae wae reta pe wi, jukuärái opaete wae onoi waerä ɨ. Jukuärái ko peRu Tumpa jeko,” jei.

San Lucas 12:15

Jayawe Jesús jei opaete wae pe: “Piyandareko kawi piyé awɨye waerä jeta mbaembae pipotaete. Jeta wae reta wɨrowia tëi jeta mbaembae onoi yawe, jekowe ikawita oï. Erëi jukuärai’ä ko,” jei chupe reta.

San Lucas 12:17

Jare jae jei iyupe ipɨa pe: “¿Mbae ra ayapota? Cheawatío reta opa ma tɨnee. Mbaetɨ ma kiape cheawati añono waerä,’ jei.

Hechos 14:17

Erëitu Tumpa jekuaeño uyekuaaka pewe mbaembae ikawi wae jae uyapo pemaerä wae rupi. Echa’ä jae ombou pewe ama, jare umbɨkuakuaa kawi temitɨ reta ime waerä perembiurä. Jukuärái Tumpa uyapo piyerowia kawi piko waerä.” Jukuärái Pablo jei chupe reta.