San Lucas 11:42 - Biblia

⁴² “Pe fariseo piko wae reta, ¡Tumpa tuicha uiporarakata oï pewe!” jei chupe. “Echa’ä pemeeñoi diezmo penoi wae wi, jare mbaembae tembiu pembɨpiche pɨpe wae retawe wi pemee diezmo. Erëi uata oï pewe piyapo waerä mbae jupi wae jare peau waerä Tumpa. Erëi pe reta pewarä, mbae’ä ko jokua,” jei chupe. “Pe reta diezmo pemee wae, jaekawi oï tëi. Erëi piyapota tëi ko wi jokua ïru mbaembae reta,” jei chupe.

Guaraní Pe (Western): Simba

⁴² Pe reta co jae fariseo reta. Piporarata co. Echa'ã pemee Tumpa pe diezmo temitɨ reta penoi vae güi. Ẽrei piyapo'ã jupi piyapo vaerã vae, jare peau'ã Tumpa. Icavi co pemee vaerã Tumpa pe jocua nunga diezmo. Ẽrei piyapota tẽi jupi co piyapo vaerã vae, jare peauta tẽi Tumpa —jei—.

San Lucas 11:42 Iomraidhean Croise

San Mateo 23:13

Joko wi Jesús jei: “Pe Moisés uikuatía wae re peporomboe wae reta jare fariseo reta, pe reta añetete wae nunga piyeyokui Tumpa pe. ¡Tumpa tuicha uiporarakata oï pewe!” jei chupe reta. “Echa’ä peporomboe kachi wae rupi piyopia peï ïru wae reta wi awɨye waerä ñonoï Tumpa ndiwe jae oï ma yawe opaete wae imburuwicha wasurä. Pe reta mbaetɨ penoi Tumpa pemburuwicha wasurä, jare jukuärái piyopia peï wi chuwi reta awɨye waerä jae reta wi onoi Tumpa,” jei chupe reta.

San Mateo 23:23

“Pe Moisés uikuatía wae re peporomboe wae reta jare fariseo reta, pe reta añetete wae nunga piyeyokui Tumpa pe. ¡Tumpa tuicha uiporarakata oï pewe!” jei chupe reta. “Echa’ä pemeeñoi diezmo penoi wae wi, jare mbaembae tembiu pembɨpiche pɨpe wae retawe wi pemee diezmo. Erëi pe reta mbae piyapo wae michiete ko. Jetaete ko kua wi Tumpa jei pewe piyapo waerä wae. Echa’ä jei pewe piyapo waerä jupi wae, jare piparareko waerä perapicha, jare perowia kawi waerä Tumpa re. Erëi pe reta pewarä, mbae’ä ko jokua,” jei chupe reta. “Pe reta diezmo pemee wae, jaekawi oï tëi. Erëi piyapota tëi ko wi jokua ïru mbaembae reta,” jei chupe reta.

San Mateo 23:27

“Pe Moisés uikuatía wae re peporomboe wae reta jare fariseo reta, pe reta añetete wae nunga piyeyokui Tumpa pe. ¡Tumpa tuicha uiporarakata oï pewe!” jei chupe reta. “Echa’ä pe reta ko jae teöwerenda reta uñemɨtïi kawi oï wae rami. Jokua nunga teöwerenda ipöra uyekuaa yandewe oka rupi, erëi japɨpe rupi tɨnee maekäwe reta pe jare opa yea kërái ikɨa,” jei.

San Lucas 18:12

Che añono teeñoi mokui ara opa semana rupi akaru mbae waerä numbɨyerowia waerä. Jare jae nunga wi amee ndewe payandepo wae wi pëti opaete che amɨngana wae wi,’ jei jokua fariseo.

San Juan 5:42

Erëi jukuärai’ä ko pe reta. Che pukuaa kía nunga kuimbae reta ko pe reta wae. Aikuaa pe reta mbaetɨ ko peau Tumpa pepɨa pe añetete rewe,” jei.

1 Juan 4:20

Erëi ime yawe kía jei, “Che au Tumpa,” erëi uñamɨtäa yawe ïru hermano, jayawe iyapu ko oï. Echa’ä yaau’ä yawe ïru hermano yaecha ñanoi wae, jayawe ¿këraita pa yandepuere yaau Tumpa yaecha’ä ñaï wae? Ndarau yandepuere.