San Lucas 11:35 - Biblia

³⁵ “Jáeramo pe reta piyandareko kawi piyé, awɨye waerä pepɨayemɨngeta rupi pepɨta pɨ̈tumimbi pe,” jei chupe reta.

Guaraní Pe (Western): Simba

³⁵ Jáeramo iñemoa ngatu agüɨye vaerã nderete tɨnee pɨ̃tumimbi pe. Echa'ã tɨneeta tẽi tembipe pe —jei—.

San Lucas 11:35 Iomraidhean Croise

San Mateo 6:22

“Kërái pemae pembaembae re, jukuäraita iko pemaerä. Echa’ä neräkateɨ'ä yawe nembaembae re, ndiyekouta neï kuri opa kërái rái rupi. Jokua ikota ndewe pëti tembipe ikawi wae pe ndiko wae rami.

San Lucas 11:34

“Pe reta pëti pëti wae penoi peresa jare pecha tëi ma mbaembae ayapo wae. Erëi pe reta kía jesasɨete oï wae rami ko,” jei. “Yande yaikuaa ñaï kía jesasɨete oï yawe, ndarau ipuere uyemɨngeta jupi ipɨa pe jae mbaembae uecha wae re. Jae ipɨayemɨngeta opa ma uñemɨpɨ̈tumimbi rami,” jei. “Erëi jesa ikawi oï yawe, ipuere uyemɨngeta jupi ipɨa pe jae mbaembae uecha wae re. Jayawe ipɨayemɨngeta oï tembipe pe rami,” jei.

San Lucas 11:36

“Jayawe pe reta piko yawe chiñee rupi, pepɨayemɨngeta oïta ko tembipe pe rami. Jare jukuärái Tumpa umbɨembipeta pepɨa pe pëti tembipe tuicha wae uesape peré rami. Jayawe mbaetɨ ma pɨ̈tumimbi pepɨa pe oï,” jei Jesús chupe reta.

Romanos 1:22

Jae reta iyarakuaa katu wae echa umae tëi iyé. Erëi jae retái uyeyapo iyarakuaa mbae echa.

2 Pedro 1:9

Erëi kía opaete kua mbaembae uata chupe wae, jae ko michi miño umae wae rami ani jesa mbae wae etei Tumpa pewarä. Aramoi jae iñakañɨ ma Tumpa opa ko oyoe chuwi teko ime wɨreko Tumpa kotɨ wae.

2 Pedro 2:18

Jare jokua oporomboe kachi wae reta, ime ye ambɨe mbae kachi uyapo reta wae. Jae reta uyemɨngeta uyembɨkate rewe. Yepe tëi iñeengatu reta, erëi jokua usiriwe’ä etei kía imaeräwe. Jae reta jei tëi: “Yandepuere yaiko yanderete uipota wae rupiño. Jokua mbae’ä ko,” jei reta. Jukuärái jae reta umbɨtawɨ jaeramo wɨrowia Cristo re wae reta. Echa’ä umɨkɨrëɨ uyapo reta ye waerä jokua jaeramo mbaembae kachi opa tëi ueya reta wae.

Apocalipsis 3:17

‘Pe reta pere tëi kuärái: “Yaikokatu ñaï. Jeta mbaembae ñanoi. Mbaetɨ etei mbae uata yandewe,” pere tëi. Erëi jukuärai’ä ko. Pe reta pikuaa’ä kërái chekotɨ pikuasɨete peï, jare peparawete peï, jare peresa mbae echa peï, jare penani etei wae echa peï. Jáeramo ïru wae reta umaeta tëi peré peparareko rewe.