San Lucas 11:32 - Biblia

³² “Jae ramiño wi, uwäe yawe ara piyemboɨ waerä Tumpa jowai, arakae tëta wasu Nínive pewa reta pembɨjekota ñonoï wi, pe añawe peï wae reta,” jei chupe reta. “Echa’ä arakae rupi Jonás umɨmbeu yawe chupe reta Tumpa iñee, jae reta opa woi ueya ipɨayemɨngeta jupi mbae wae Tumpa rewa. Erëi pe reta piyapo’ä ko jae reta uyapo wae rami, yepe tëi chembaepuere tuichaete ye ko Jonás imbaepuere wi,” jei Jesús chupe reta.

Guaraní Pe (Western): Simba

³² Tumpa upuruãa yave, Nínive pegua reta upũata umbɨjeco vaerã añave yugüɨreco vae reta. Echa'ã jae reta ueya iyemɨngueta icavi mbae vae ipɨa pe oĩ vae, Jonás umɨmbeu chupe reta yave Tumpa iñee. Ẽrei chembaepuere tuicha ete co Jonás imbaepuere güi —jei—.

San Lucas 11:32 Iomraidhean Croise

Jonás 3:4

Jayawe Jonás oo uwäe tëta wasu pe. Jare uike uwata pëti ara ma yawe, joko pe umbɨpɨ umɨmbeu tëta wasu pewa reta pe kuärái: “¡Kua wi cuarenta ara pe Tumpa opata umbái kua tëta wasu Nínive jare opaete kua tëta wasu pewa reta wi!” Jukuärái umɨmbeu chupe reta.

Jonás 3:5

Jokua uyandu reta yawe, Nínive pewa reta wɨrowia Tumpa iñee re. Jáeramo tëta wasu itenondewa reta wiwe jare iparawete wae retawe oñono tee amokue ara reta ukaru mbae reta waerä. Jare wi omonde reta temimonde jaimbe wae mbɨatɨtɨ pewa uikuaaka waerä ipɨatɨtɨ ñonoï Tumpa kotɨ uyawɨ reta ramo.

San Mateo 12:39

Jayawe Jesús jei chupe reta: “Pe reta añawe peï wae reta, pereko kachi ko jare jupi’ä ma ko peï Tumpa kotɨ,” jei chupe reta. “Pipota tëi ayapo waerä pewe mbae tuicha wae Tumpa imbaepuere pe jukuärái aechaka waerä pewe Tumpa ko chembou wae. Erëi jaeño uasata oï kërái Tumpa iñee arakae umɨmbeu wae Jonás pe uasa wae rami,” jei chupe reta.

San Mateo 12:41

“Jare uwäe yawe ara piyemboɨ waerä Tumpa jowai, arakae tëta wasu Nínive pewa reta pembɨjekota ñonoï, pe añawe peï wae reta,” jei chupe reta. “Echa’ä arakae rupi Jonás umɨmbeu yawe chupe reta Tumpa iñee, jae reta opa woi ueya ipɨayemɨngeta jupi mbae wae Tumpa rewa. Erëi pe reta piyapo’ä ko jae reta uyapo wae rami, yepe tëi chembaepuere tuichaete ye ko Jonás imbaepuere wi,” jei chupe reta.

San Lucas 11:31

“Jare uwäe yawe ara piyemboɨ waerä Tumpa jowai, imeta ambɨe wae pembɨjeko oï wi, pe añawe peï wae reta,” jei chupe reta. “Jae ko kuña mburuwicha wasu arakae iko sur kotɨ wae. Echa’ä jae ou mbɨrɨete ye wi uyapɨsaka waerä mburuwicha wasu Salomón iyarakuaa re. Erëi yepe tëi che chearakuaa katuete ye ko Salomón wi, erëi pe reta piyapɨsaka’ä chiñee re,” jei chupe reta.

Hebreos 7:26

Kua nunga sacerdote tenondewaete ikawi ko yandewe. Echa’ä jae ko jupi wae, jare jeko mbae wae, jare ikɨa mbae Tumpa kotɨ wae. Añetete Jesús mbaetɨ etei ko Tumpa kotɨ uyawɨ wae reta rami. Jáeramo Tumpa oñono Jesús iwapɨka ɨwate opaete ara pe oï wae reta wi.