San Lucas 11:13 - Biblia

¹³ “Pe reta, yepe tëi pereko ikawi mbae wae ko, erëi pikuaa ko pemee waerä mbaembae ikawi wae pesambiaɨ reta pe. Jare jukuärái yawe, ¿këraita pa peRu ara pe oï wae umeeta’ä pewe Espíritu Santo peka chupe yawe?” jei Jesús jemimboe reta pe.

Guaraní Pe (Western): Simba

¹³ Yepe tẽi pe reta jecuaeño piyapo icavi mbae vae, ẽrei pemee co mbaembae icavi vae pesambiaɨ reta pe. Jáeramo peRu ara pe oĩ vae iquɨrẽɨ ete umee Espíritu Santo uyerure chupe jese vae reta pe —jei.

San Lucas 11:13 Iomraidhean Croise

Génesis 8:21

Jayawe Tumpa uyerowia umae Noé umee chupe wae re, jare utimbo kawiete chupe. Jare Tumpa jei iyupe: “Ndarau ye ma ayepɨpeyu ɨwɨ re kuimbae reta jeko pewa,” jei. “Yepe tëi michi wiwe ipɨayemɨngeta ikawi mbae wae reño, jesewe ndarau ye ma ambái opaete jekowe wae kërái ayapo wae rami,” jei.

San Mateo 5:16

“Jukuärái wi pe reta, jokua tembipe rami, jekuaeñota ko pechaka pereko ikawi wae opaete wae jowake jae reta uecha waerä jare umbutuicha waerä peRu ara pe oï wae jee,” jei Jesús chupe reta.

San Mateo 5:45

“Jukuärái piyapo yawe, piyekuaakata pe reta ko jae peRu ara pe oï wae taɨ reta jare tayɨ reta, echa’ä piyapo peï jae uyapo wae rami,” jei. “Añetete peRu Tumpa jeko kawiete ko, echa’ä jae umee warasɨ jeko kawi wae reta pe jare jeko kachi wae reta pe wi, opaete wae onoi waerä tembipe. Jae ramiño wi jae ombou ama jupi wae reta pe jare jupi mbae wae reta pe wi, jukuärái opaete wae onoi waerä ɨ. Jukuärái ko peRu Tumpa jeko,” jei.

San Mateo 6:14

“Añetete pe reta piparareko yawe uyawɨ pekotɨ wae reta, jayawe jukuärái wi peRu ara pe oï wae pepararekota wi piyawɨ ikotɨ yawe.

San Mateo 6:30

“Jukuärái Tumpa omopöra kawi ñana reta, yepe tëi ñana reta pëti ara jekowe rewe oï jare pɨarewe pe ñañono tata pe,” jei. “Jare pe reta, Tumpa perauete ye ko jokua mbaepotɨ reta wi. Jayawe ¿këraita pa jae umeeta’ä pewe peremimonderä? Tumpa re perowia wae michiete ko,” jei chupe reta.

San Mateo 6:32

Echa’ä jokua nunga mbaembae reta re ko uyembɨpɨa’ä Tumpa re wɨrowia mbae wae reta. Erëi pe reta, awɨye piyapo jukuärái, echa’ä peRu ara pe oï wae uikuaaño mái jokua mbaembae piporuta wae,” jei.

San Mateo 7:11

“Pe reta, yepe tëi pereko ikawi mbae wae ko, erëi pikuaa ko pemee waerä mbaembae ikawi wae pesambiaɨ reta pe. Jare jukuärái yawe, ¿këraita pa peRu ara pe oï wae umeeta’ä pewe mbaembae ikawi wae peka chupe yawe?” jei chupe reta.

San Lucas 11:12

“Jae ramiño wi nderaɨ ueka ndewe yawe ururupía, ¿nemeeta yerá chupe pëti chumɨkaräpe?” jei.

San Lucas 11:2

Jayawe Jesús jei jemimboe reta pe: “Pe reta piyerure yawe Tumpa pe, piyerureta ko kuärái: ‘OreRu mii ara pe neï wae, nderee tuñeñono tee opaete ïru tee reta wi. Tuwäe ara ɨmambae nde ndiko waerä opaete wae imburuwicha wasurä jaeño mái pewa. Jare jukuärái tuyeyapo kua ɨwɨ pe nde ndipota wae kërái ara pe uyeyapo oï wae rami.

San Lucas 18:7

“Erëi Tumpa tuichaete ye ipɨakawi chuwi. ¿Këraita pa jayawe Tumpa uepɨta’ä jae uiparawo wae reta, jae reta ara rupi jare pɨ̈tu rupi uyerure chupe yawe? ¿Këraita yerá jayawe jae ɨma uäro uepɨ reta waerä?

San Juan 4:10

Jayawe Jesús jei chupe: “Nde ndikuaa’ä jokua mbae Tumpa uipota umee ndewe wae. Jare ndikuaa’ä wi kía ko che ɨ aeka aï ndewe wae. Jokua ndikuaa yawe, nde ndekata tëi chewe ɨ tekowe umee wae, jare che ameeta tëi ndewe,” jei chupe.

Hechos 2:38

Jayawe Pedro jei chupe reta: “Opaete pe reta piyawɨ ma Tumpa kotɨ jare jukuärái ime ma penoi teko ikotɨ. Jáeramo peya pepɨayemɨngeta kachi wae jare piyembɨsakambuka ɨ pe Jesucristo jee re. Jukuärái rupi pechakata ïru wae reta pe Tumpa umbái ma ko pewi jokua teko penoi wae. Jare Tumpa umeeta pewe Espíritu Santo,” jei chupe reta.

Romanos 5:17

Añetete, jokua pëti kuimbae Adán uyawɨ Tumpa jei wae jeko pewa mano uyembɨiya opaete wae re. Erëi yaipɨsɨ Tumpa ipɨakawi yawe, jare jae umae yanderé yandereko mbae wae rami yawe, tuichaete ye uyembɨiyata oï yanderé tekowe opa mbae wae jokua pëti kuimbae Jesucristo uyapo yandewe wae rupi.

Romanos 7:18

Jare che aikuaa amaeño jese yawe, jare aiko che jae wae rupiño yawe, ndarau uyekuaa ikawi wae. Echa’ä ndarau ayapo ikawi wae aipota tëi ayapo wae. Erëi jokua mbae ikawi mbae wae aipota’ä tëi ayapo wae, jekuaeño jokua ayapo parawete.

Romanos 8:32

Echa’ä Tumpa umbɨete’ä Taɨ umee waerä yandewe jare umano waerä yanderé. Jare jukuärái yawe, ¿këraita pa Tumpa umbɨete mbaembae yandewe jae ndiwe ñaï kawi waerä?

Tito 3:3

Emɨmandúa reta yande ndei Cristo re yarowia mbowe, yandereko ikawi’äse. Yande yaikose yandearakuaa mbae echa. Yaikose yaipota wae reño yayembɨyerowia waerä. Jare yayembɨtawɨse. Mbaembae kachi yanderete re yareko wae jekuaeño ime wɨreko mbaepuere yanderé. Yayapoñoise mbaembae kachi wae, jare ñañemɨrose yanderapicha reta pe. Ñañeamɨtäase yanderapicha reta ndiwe. Jukuärái yande yaikose tenonde yawe.