San Lucas 10:9 - Biblia

⁹ “Pemɨnguera imbaerasɨ wae reta jokoropi ñonoï wae. Jare pemɨmbeu opaete joko pewa reta pe kërái uyembɨpɨ ma Tumpa imbaepuere mburuwicha wasu pewa kua ɨwɨ pe, jare koiñoete ma oï chuwi reta,” jei chupe reta.

Guaraní Pe (Western): Simba

⁹ Pembɨgüera imbaerasɨ vae joco pe ñugüɨnoi vae reta. Jare pere chupe reta: ‘Tumpa iporoyocuia coiño ma peve’ —pere, jei—.

San Lucas 10:9 Iomraidhean Croise

San Mateo 3:2

“Koiño ma oï uyekuaa waerä Tumpa imbaepuere mburuwicha wasu pewa kua ɨwɨ pe. Jáeramo peya pepɨayemɨngeta jupi mbae wae jare perowia Tumpa jei wae re peï waerä jae ndiwe,” jei Juan chupe reta.

San Mateo 4:17

Jayawe Jesús oo uwäe Capernaum pe yawe, umbɨpɨ umɨmbeu chupe reta kuärái: “Koiño ma oï uyekuaa waerä Tumpa imbaepuere mburuwicha wasu pewa kua ɨwɨ pe. Jáeramo peya pepɨayemɨngeta jupi mbae wae jare perowia Tumpa jei wae re peï waerä jae ndiwe,” jei Jesús.

Marcos 4:30

Jare Jesús jei wi chupe reta: “¿Kërái ra uyekuaa Tumpa imbaepuere mburuwicha wasu pewa? ¿Mbae ye re ra yambɨjaangata kërái ra jekuaeño ukuakuaa oo oï?” jei chupe reta.

Marcos 6:13

Jare jae reta omoë jeta aña uyembɨiya jese wae reta wi. Jare jeta imbaerasɨ wae reta re uipichɨ aceite pɨpe umɨnguera reta waerä.

San Lucas 10:10

“Erëi peo ma pewäe yawe pëti tëta wasu pe, jare joko pewa reta uipota’ä pepɨta waerä joko pe yawe, peë calle rupi jare pere joko pewa reta pe:

San Lucas 10:11

‘Numɨtɨmo noï ɨwɨkuí perëta wasu pewa orepɨ re oya wae, pikuaa waerä pe reta pereko pewái ko Tumpa uiporarakata oï pewe. Pikuaa peyupe kua: Tumpa imbaepuere mburuwicha wasu pewa uyembɨpɨ ma kua ɨwɨ pe jare koiño ma oï tëi pewi.’ Jukuärái pereta chupe reta,” jei.

San Lucas 9:2

Jayawe omondo reta upurumɨnguera waerä jare umɨmbeu waerä kërái uyembɨpɨ ma Tumpa imbaepuere mburuwicha wasu pewa kua ɨwɨ pe.

San Juan 3:3

Jayawe Jesús jei chupe: “Pëti ara Tumpa ikota mburuwicha wasurä jaeño mái pewa kua ɨwɨ pe. Jare che tae ndewe añetete wae, ndarau kía ipuere oï jae ndiwe mbaetɨ oa pɨau ye yawe,” jei chupe.

San Juan 3:5

Jayawe Jesús jei chupe: “Kua ɨwɨ pe opaete wae onoi tekowe ichɨ wi oa ma yawe. Erëi che tae ndewe añetete wae, kía mbaetɨ oa pɨau ye Espíritu Santo rupi wae, ndarau ipuere onoi Tumpa imburuwicha wasurä jaeño mái pewa.

Hechos 28:28

Jare Pablo jei wi jokua judío reta pe: “Pikuaa kawi kua: Tumpa umbɨpɨ ma uikuaaka judío mbae wae reta pe kërái rupi ipuere onoi reta waerä tekowe opa mbae wae Tumpa ndiwe. Jare jae reta uyapɨsakata jese,” jei Pablo chupe reta.

Hechos 28:31

Jare ukɨye mbae rewe jekuaeño oporomboe yandeYa Jesucristo rewa jare këraita oï mbaembae Jesús oï ma yawe opaete wae imburuwicha wasurä jaeño mái pewa. Jare jokua mokui año rupi, mbaetɨ kiawe umbɨawái Pablo wae.