San Lucas 10:42 - Biblia

⁴² Erëi ime pëtiño mbae ikawiete wae, jare jokua ko María uiparawo iyupe. Jokua ndarau kiawe upɨ̈ro chuwi,” jei Jesús Marta pe.

Guaraní Pe (Western): Simba

⁴² Ẽrei yaipota'ã jeta mbaembae. Cua María uiparavo icavi vae ndegüi. Ndarau quía ipuere uequi chugüi —jei.

San Lucas 10:42 Iomraidhean Croise

Marcos 8:36

“Kua re ikawi ko piyemɨngeta waerä pepɨa pe. ¿Maera ra ikawita kía umɨngana waerä opaete kua ɨwɨ pe oï wae, erëi umano ma yawe, umɨkañɨ ma iyuwi jekowe opa mbae wae? Añetete jae umɨngana’ä mbae awe,” jei.

San Lucas 10:39

Jayawe joko pe oï rambuewe, Jesús umbɨpɨ oporomboe Tumpa iñee re. Jare Marta ipɨkɨɨ María jee wae uwapɨ yandeYa iyɨpɨ pe uyapɨsaka waerä iñee re.

San Lucas 11:1

Pëti ara Jesús uyerure iko Tumpa pe. Jare opa ma uyerure yawe, pëti jemimboe jei chupe: “CheYa, Juan omboe jemimboe reta kërái uyerure waerä Tumpa pe. Jare ore nduipota wi nde oremboe waerä jukuärái,” jei chupe.

San Lucas 12:20

“Erëi Tumpa jei jokua kuimbae pe: ‘¡Ndearakuaa mbae echa ko nde! Echa’ä kua pɨ̈tu etei aekita aï ndewi nderekowe. Jayawe ndeupi tëi ma ko jeta mbaembae ndeyupe,’ jei chupe.”

San Lucas 12:33

“Jayawe pewaka pembaembae korepotirä, pɨpe pemborɨ waerä iparawete wae reta. Jare jukuärái piyapo yawe, penoita ara pe mbaembae ikawi wae opa mbae wae, kiape imonda wae reta uike mbae wae pe jare kiape kupii ipuere’ä mbae urükumewa wae pe,” jei.

San Lucas 16:2

Jayawe karái uenika jokua uyeyokui wae jare jei chupe: “¿Mbae pa ko kua nereräkua chewe wae? Nemɨmbeuta chewe opaete mbae ndiyapo chembaembae reta ndiwe wae. Kua wiwe ndarau ye ma amee ndewe chembaembae re ndiyandareko waerä,’ jei chupe.

San Lucas 16:25

“Erëi Abraham jei chupe: ‘Tëtara, nemandúa kërái ɨwɨ pe ndikose yawe, ndiyekouse jeta mbaembae ikawi wae re. Erëi Lázaro parawete uiporarase. Erëi añawe jae ipɨakatu oï kua pe, jare nde añawe ndiporara neï,’ jei chupe.

San Lucas 18:22

Jare Jesús kua uyandu yawe, jei chupe: “Imeño mbae uata oï ndewe ndiyapo waerä,” jei chupe. “Ekua ewaka opaete nembaembae, jare jokua korepoti emee iparawete wae reta pe. Jare jukuärái imeta nenoi mbaembae ikawiete wae ara pe. Joko wi eyu kuri che ndiwe ndiko waerä cheremimboerä,” jei chupe.

San Lucas 8:18

“Jáeramo piyandareko kawi piyé piyapɨsaka kawi waerä. Echa’ä ime yawe kía uyapɨsaka kawi jare wɨrowia chiñee re wae, uñemɨïruta chupe iyarakuaa,” jei. “Erëi ime yawe kía uipota’ä uyapɨsaka añetete re wae, jokua jae wɨrowia tëi uikuaa michi mii yepe chiñee wae, jokuawe uñepɨ̈rota chuwi,” jei Jesús chupe reta.

San Juan 11:1

Ime iko pëti kuimbae Lázaro jee wae tëta wasu raɨ Betania pe. Jare jae jindɨ reta ko jae María jare Marta jee wae reta. Kua María ko jae taɨkue rupi upɨyereta iko mbae utimbo kawi wae yandeYa ipɨ re jare umɨtinita iko ía pɨpe wae. Jare Lázaro imbaerasɨ iko.

San Juan 11:19

Jare jeta judío reta yuweru ma Jerusalén wi Marta jare María ipɨ umbɨpɨakatu waerä tëi ikɨwɨ umano ramo.

San Juan 12:3

Jayawe Lázaro jindɨ María jee wae ueru medio kilo nardo jee wae. Kua ko mbae utimbo kawi wae jare jepɨete wae. Jayawe upɨyere Jesús ipɨ re jare umbɨpɨ umɨtini ipɨ ía pɨpe. Jare o rupi opa tɨnee utimbo kawi wae.

San Juan 17:3

“Jare ¿mbae ra jokua tekowe opa mbae? Nde ko jae pëtiño Tumpa añetete wae, jare che ko jae Jesucristo nde chembou wae. Tayandekuaa reta. Jokua ko jae tekowe opa mbae wae,” jei.

San Juan 4:14

“Erëi ipotawe kía jou jokua ɨ che ameeta chupe wae, ndarau etei ma iɨwe yewɨ. Echa’ä jokua ɨ che ameeta chupe wae uyeyapota ipɨa pe pëti ɨkua ɨwororo jekuaeño oë wae rami, jare umeeta chupe tekowe opa mbae wae,” jei chupe.

San Juan 5:24

“Che tae pewe añetete wae, ipotawe kía chiñee re uyapɨsaka wae jare chembou wae re wɨrowia wae, jae onoi tekowe opa mbae wae. Tenonde yawe oo iko Tatawasurenda kotɨ, erëi añawe ime ma onoi tekowe opa mbae wae. Tumpa ndarau ma umbɨjeko,” jei chupe reta.

San Juan 6:27

“Erëi awɨye peparawɨkɨ perembiurä ɨmata’ä iko pewe wae reño. Peparawɨkɨta ko perembiurä opata mbae wae re – jokua ko jae tekowe opa mbae wae che kuimbaerä ayeyapo wae chepuere amee pewe wae. Jare jukuärái chepuere ayapo, echa’ä cheRu Tumpa umee ma chewe mbaepuere jokua ayapo waerä,” jei chupe reta.

1 Corintios 13:3

Jare aramoi chepuere amee opaete chembaembae reta iparawete wae reta pe amborɨ reta waerä. Jare aramoi cherowaicho reta chepɨsɨ chemombo tata pe cheyuka, che arowia Cristo re ramo. Erëi mbaetɨ apuruau yawe, mbaetɨ etei usiriwe chewe.

Gálatas 5:6

Añetete ime yawe kía pëti ramiño oï Jesucristo re wae, mbae’ä ko uyembɨcircuncidaka ma wae. Jare mbae’ä ko wi uyembɨcircuncidaka mbae wae. Erëi mbae ikawi wae ko jae Cristo reño yarowia waerä jare yaechaka waerä yarowia ma ko jese wae yayerau päwe rewe rupi.

Josué 24:15

“Erëi pipota’ä piyeyokui yawe Tumpa pe, jayawe kua ara etei piparawo kía pe piyeyokuita wae,” jei. “Pepuere piyapo peramɨkue reta uyapo wae rami. Echa’ä arakae rupi yureko reta yawe ɨwɨ Mesopotamia pe, umbɨadorase reta tumparaanga reta re. Ani pepuere piyeyokui amorreo reta kua ɨwɨ rupi yureko wae itumpa reta pe. Erëi che jare cherëta pewa reta ndiwe nduyeyokuita noï Tumpa ikoño mái wae pe,” jei Josué chupe reta.