San Lucas 10:39 - Biblia

³⁹ Jayawe joko pe oï rambuewe, Jesús umbɨpɨ oporomboe Tumpa iñee re. Jare Marta ipɨkɨɨ María jee wae uwapɨ yandeYa iyɨpɨ pe uyapɨsaka waerä iñee re.

Guaraní Pe (Western): Simba

³⁹ Jare Marta ipɨquɨɨ co jee María. Jare María uguapɨ yandeYa iyɨpɨ pe uyapɨsaca vaerã jese.

San Lucas 10:39 Iomraidhean Croise

San Lucas 10:42

Erëi ime pëtiño mbae ikawiete wae, jare jokua ko María uiparawo iyupe. Jokua ndarau kiawe upɨ̈ro chuwi,” jei Jesús Marta pe.

San Lucas 2:46

Jare mbapɨ ara rupi ma ueka reta yawe, uwäe wɨte reta chupe tupao wasu joka pe. Joko pe Jesús uwapɨ oï Moisés uikuatía wae re oporomboe wae reta ndiwe. Uyapɨsaka oï jese reta, jare uyapo oï chupe reta mbɨrandu.

San Lucas 8:35

Jayawe uyandu wae reta yuweru uecha waerä mbae ko uasa wae. Jare yuweru uwäe reta yawe Jesús oï wae pe, uecha reta jokua kuimbae aña reta uyembɨiyase jese wae uwapɨ oï Jesús jowai. Uecha reta uyemonde ye ma oï jare iyarakuaa ye ma oï. Jáeramo opa ukɨye reta.

San Juan 11:1

Ime iko pëti kuimbae Lázaro jee wae tëta wasu raɨ Betania pe. Jare jae jindɨ reta ko jae María jare Marta jee wae reta. Kua María ko jae taɨkue rupi upɨyereta iko mbae utimbo kawi wae yandeYa ipɨ re jare umɨtinita iko ía pɨpe wae. Jare Lázaro imbaerasɨ iko.

San Juan 11:19

Jare jeta judío reta yuweru ma Jerusalén wi Marta jare María ipɨ umbɨpɨakatu waerä tëi ikɨwɨ umano ramo.

San Juan 12:3

Jayawe Lázaro jindɨ María jee wae ueru medio kilo nardo jee wae. Kua ko mbae utimbo kawi wae jare jepɨete wae. Jayawe upɨyere Jesús ipɨ re jare umbɨpɨ umɨtini ipɨ ía pɨpe. Jare o rupi opa tɨnee utimbo kawi wae.

Hechos 22:3

Jayawe Pablo jei chupe reta: “Che ko jae pëti judío. Chesɨ wi aa tëta wasu Tarso pe ɨwɨ Cilicia pe oï wae, erëi akuakuaa kua tëta wasu Jerusalén pe. Gamaliel chemboe kawi yanderamɨkue reta jeko re. Jare che chekɨrëɨete aiko opaete Tumpa jei wae rupi, opaete pe reta añawe pipota rami,” jei chupe reta.