San Lucas 10:37 - Biblia

³⁷ Jare kuimbae jei Jesús pe: “Jokua uiparareko umae jese wae,” jei chupe. Jayawe Jesús jei chupe: “Jukuäraiete ko. Jayawe ekua nde, iyapo wi jae uyapo wae rami,” jei chupe.

Guaraní Pe (Western): Simba

³⁷ Jare mboroyocui re oporomboe vae jei Jesús pe: —Jocua uiparareco vae. Jayave Jesús jei chupe: —Ecua iyapo jae uyapo vae rami.

San Lucas 10:37 Iomraidhean Croise

San Mateo 20:28

“Jukuärái wi che kuimbaerä ayeyapo wae ayu’ä ko ïru wae reta uyeyokui waerä chewe. Che ayu ko ayeyokui waerä ïru wae reta pe jare amee waerä cherekowe jeta wae reta aepɨ waerä.” Jukuärái jei Jesús jemimboe reta pe.

San Mateo 23:23

“Pe Moisés uikuatía wae re peporomboe wae reta jare fariseo reta, pe reta añetete wae nunga piyeyokui Tumpa pe. ¡Tumpa tuicha uiporarakata oï pewe!” jei chupe reta. “Echa’ä pemeeñoi diezmo penoi wae wi, jare mbaembae tembiu pembɨpiche pɨpe wae retawe wi pemee diezmo. Erëi pe reta mbae piyapo wae michiete ko. Jetaete ko kua wi Tumpa jei pewe piyapo waerä wae. Echa’ä jei pewe piyapo waerä jupi wae, jare piparareko waerä perapicha, jare perowia kawi waerä Tumpa re. Erëi pe reta pewarä, mbae’ä ko jokua,” jei chupe reta. “Pe reta diezmo pemee wae, jaekawi oï tëi. Erëi piyapota tëi ko wi jokua ïru mbaembae reta,” jei chupe reta.

San Lucas 10:36

Jayawe Jesús jei jokua mburuwicha pe: “Añawe tapɨrandu ndewe: Kua mbapɨ kuimbae reta wi, ¿kía nunga pa ko uau kua japicha ipere wae añetete rewe? ¿Mbae pa ndere?” jei chupe.

San Lucas 10:38

Jayawe Jesús jare jemimboe reta ndiwe jekuaeño yuraa Jerusalén kotɨ. Jare yuraa uwäe reta pëti tëta wasu raɨ pe. Joko pe iko pëti kuña Marta jee wae. Kua kuña umbɨasa kawi Jesús jëta pe.

2 Corintios 8:9

Echa’ä pikuaa kawi ko kërái yandeYa Jesucristo uikuaaka ipɨakawi wae ko. Jae ikokatuete ko, echa’ä opaete mbaembae ara pewa jae imbae ko. Erëi jae perauete ramo, ueya opaete jokua mbaembae reta ou waerä kua ɨwɨ pe. Jukuärái jae uyembɨparawete pe reta pikokatu waerä Tumpa kotɨ.

Efesios 5:2

Jukuäraita ko piko piyerau päwe rewe. Cristo ko uikuaaka yandewe kërái yayerau päwe waerä. Echa’ä Cristo yanderauete ramo, uñemee umbái waerä yandewi teko Tumpa kotɨ ñanoi wae. Jae umee jekowe yanderé kërái pëti mbaemɨmba kía uyuka umee Tumpa pe wae rami. Jare yandeRu Tumpa uyerowiaete umae Cristo uyapo wae re. Jukuärái Cristo uikuaaka yandewe kërái yayerau päwe waerä.

1 Pedro 2:21

Echa’ä jokuaerä ko Tumpa ueni reta. YandeYa Cristo uiporara yanderé, jare jukuärái uechaka yandewe kërái ñamɨawäta waerä yaiporara wae rupi. Jayawe pemomoe mii jae jeko.