San Lucas 10:35 - Biblia

³⁵ “Jare pɨarewe pe jokua kuimbae Samaria pewa oota ma joko wi yawe, ueki korepoti mokui ara mbarawɨkɨ jepɨ pewa jare umee tëta iya pe. Jare jei chupe: ‘Iyandareko mii jese chewe. Jare uepitɨ'ä ndewe yawe kua che amee ndewe wae, iporuka miño ndekorepoti chupe. Jare che ayu ye yawe, opata ambɨepɨ ndewe kuri,’ jei chupe,” jei.

Guaraní Pe (Western): Simba

³⁵ Jare pɨareve pe Samaria pegua oota ma joco güi yave, uequi corepoti mocui ara mbaravɨquɨ jepɨ pegua jare umee tenta iya pe. Jei chupe: ‘Iyandareco mi jese. Jare jeta ete cua güi ndiyemɨngasta yave, ambɨepɨta ndeve ayu ye yave’ —jei, jei—.

San Lucas 10:35 Iomraidhean Croise

San Mateo 18:28

“Erëi jokua pione oë mburuwicha wasu oï wae wi, jare oo owäiti pëti wae jeta’ä mii ipía iko chupe wae. Jare uipɨsɨ iyasɨo wi jare jei chupe pochɨ rewe: ‘Embɨepɨ chewe añawe jokua ndepía chewe wae,’ jei chupe.

San Mateo 20:2

Jare jei chupe reta: ‘Che ambɨepɨta pewe pëti ara ndeparawɨkɨ wae,’ jei chupe reta. ‘Jaikó,’ jei chupe reta. Jayawe koo iya omondo reta uparawɨkɨ waerä iuvarupa pe,” jei.

San Lucas 10:34

“Jayawe jae oya jese, jare ueki vino jare aceite uipɨano waerä chuwi ipere, jare opa oyokua chuwi ipere. Jayawe umupüa jare ombopo jae imburika re, jare wɨraa uruwäe pëti tëta pe. Jare joko pe uyandareko jese,” jei.

San Lucas 10:36

Jayawe Jesús jei jokua mburuwicha pe: “Añawe tapɨrandu ndewe: Kua mbapɨ kuimbae reta wi, ¿kía nunga pa ko uau kua japicha ipere wae añetete rewe? ¿Mbae pa ndere?” jei chupe.

San Lucas 14:13

“Erëi nde ndeparea yawe, eparea jokua ipuereta’ä umɨñatima ndewe wae reta pe,” jei. “Eparea iparawete wae reta pe, jare ipo chutu wae reta pe, jare iköcho wae reta pe, jare jesa mbae wae reta pe. Jare jukuärái ndiyapo yawe, ndiyekoueteta neï kuri. Echa’ä jokua ara jupi wae reta ikowe ye yawe umanokue wae reta ipɨte wi, Tumpa umɨñatimata oï ndewe jokua ndiyapo wae re,” jei Jesús jokua tëta iya pe.

Romanos 16:23

Jare Gayo uipota pembɨsaluda wi. Jae jëta pe ko che ake aï añawe, jare opaete Cristo re wɨrowia wae reta kua tëta wasu pe ñonoï wae reta uyembatɨñoi wi kua jae jëta pe. Erasto wi pembɨsaluda. Jae ko tëta wasu ikorepoti iyandarekoa. Jare hermano Cuarto omondo pewe wi saludo.