San Lucas 10:28 - Biblia

²⁸ Jayawe Jesús jei chupe: “Jokua nde ndere wae, jaekawi ko ndere. Jekuaeño ndiyapo jukuärái yawe, imeta nenoi tekowe opa mbae wae,” jei chupe.

Guaraní Pe (Western): Simba

²⁸ Jayave Jesús jei chupe: —Icavi co ndere. Cuarãi iyapo jare nenoita tecove opa mbae vae —jei.

San Lucas 10:28 Iomraidhean Croise

San Mateo 19:17

Jayawe Jesús jei chupe: “¿Maera pa ndere chewe jupi wae? Mbaetɨ ko pëti awe jupi wae. Jaeño ko Tumpa jupi wae,” jei. “Erëi ndipota tekowe opa mbae wae nenoi yawe, ndikota ko Tumpa arakae jei wae rupi,” jei chupe.

Marcos 12:34

Jayawe Jesús uyandu yawe kuimbae arakuaa katu rewe uyemɨngeta oï wae, jei chupe: “Nde ndikuaa kawi neï. Jeta’ä uata oï ndewe Tumpa iko waerä nemburuwicha wasurä,” jei chupe. Jare joko wiwe kiawe uipota’ä ye ma upɨrandu Jesús pe mbae re awe, echa’ä aramoi ipuere uñemɨmaraka reta.

San Lucas 7:43

Jayawe Simón jei chupe: “Jae chawaa jokua kuimbae jetaete ipía opa umɨkañɨ chuwi wae,” jei. “Jaekawi ndere,” jei Jesús chupe.

Romanos 10:4

Erëi Cristo opa ma jupi uyapo yandepepɨka pe opaete Moisés uikuatía wae rupi. Jare jukuärái añawe Tumpa umae opaete kía Cristo re wɨrowia wae reta re jeko mbae wae rami.

Romanos 3:19

Yaikuaa ñaï kua uyekuatía oï Tumpa iñeerɨru pe wae uyemɨngeta oï yande judiorä yaiko wae reta re wi. Jare uyekuatía oï jukuärái awɨye waerä yandepuere yayerepɨ Tumpa jowai. Añetete kua ñee reta rupi yaikuaa yande ñanoi teko Tumpa jowai, opaetei yande judío jare judío mbae yaiko wae reta wi.

Romanos 7:10

Che aikuaa ramo Tumpa jei wae yawe, che jae tëi cheyupe: “Añawe aikuaa kërái Tumpa uipota aiko waerä wae. Añawe ramo anoita tekowe opa mbae wae,” jae tëi. Erëi jukuärai’ä uasa chewe. Echa’ä Tumpa jei wae aikuaa ma yawe, jokua kɨrëɨ mbae kachi ayapo waerä wae jekuaeño uyembɨiya cheré ayawɨ waerä Tumpa jei wae, jare jukuärái chembɨsɨrɨ Tumpa wi. Añetete ayembɨtawɨka aiko parawete.

Gálatas 3:12

Erëi kía uipota iko Moisés arakae uikuatía wae rupiño wae, jokua reño ko ikota. Jukuärái ko jei wi Tumpa iñeerɨru pe. Jáeramo jukuärái yaikuaa kía Moisés arakae uikuatía wae rupiño uipota iko wae, mbaetɨ ko wɨrowia kawi oï Tumpa re.