San Lucas 10:2 - Biblia

² Jare jei chupe reta umbɨjaanga rewe: “Jetaete oï yambaewɨro waerä, erëi mbowɨete oï umbaewɨro wae reta. Jáeramo piyerure koo iYa pe ombou waerä umbaewɨro wae reta,” jei chupe reta umbɨjaanga rewe.

Guaraní Pe (Western): Simba

² Jare jei chupe reta: —Jeta ete co yaavɨro vaerã. Ẽrei mbovɨ ete co umbaevɨro vae reta. Jáeramo pe reta piyerure yandeYa pe omondo vaerã uparavɨquɨ vae reta umbaevɨro reta vaerã —jei—.

San Lucas 10:2 Iomraidhean Croise

San Mateo 20:1

“Echa’ä Tumpa oï ma yawe opaete wae imburuwicha wasurä jaeño mái pewa, jayawe ramo uyeyapota oï kuri kua rami: Yambɨjaanga. Ime iko pëti kuimbae uvarupa onoi wae,” jei. “Jare ndimboweasɨ oë oo ueka kía reta uparawɨkɨ waerä chupe.

Marcos 13:34

“Yandepuere yambɨjaanga jokua ara ayu yeta wae pëti kuimbae ikokatu wae oota ambɨe ɨwɨ pe wae re,” jei. “Oota ma jëta wi yawe, kuimbae ueya uyeyokui chupe wae reta ipo pe uyandareko kawi waerä jëta re, jare ueya wi pëti pëti pe iparawɨkɨrä. Jare oyokui öke järoa umae kawi waerä jendawe pe,” jei.

Marcos 16:15

Joko wi Jesús jei chupe reta: “Pekua opaete ɨwɨ rupi jare pemɨmbeu opaete wae pe ñee ikawi wae che rewa,” jei chupe reta.

Marcos 16:20

Jayawe jemimboe reta opa yuraa umɨmbeu Tumpa iñee opaete kerupi rupi. Jare yandeYa umee chupe reta mbaepuere uyapo waerä mbaembae ipuere’ä ambɨe kuimbae reta uyapo wae. Jare jukuärái jae uikuaaka opaete wae pe añetete wae ko jemimboe reta jei wae. Jaeño ma.

San Lucas 9:1

Pëti ara Jesús umbatɨka jokua doce jemimboe tenondewaete reta, jare umee chupe reta mbaepuere omoë waerä aña uyembɨiya jese wae reta wi jare umɨnguera waerä imbaerasɨ wae reta.

Hechos 11:19

Jokua ara uyuka reta Esteban wiwe, jeta Jerusalén pewa reta umbɨpɨ iarasɨ rewe uiporaraka Cristo re wɨrowia wae reta pe. Jáeramo jeta hermano reta opa uñemɨái ambɨe ɨwɨ reta rupi. Amokue reta yuraa uwäe ɨwɨ reta Fenicia jare Chipre jee wae rupi. Jare ïru wae reta yuraa uwäe tëta wasu Antioquía pe, ɨwɨ Siria jee wae pe. Opaete jae reta jekuaeño umɨmbeu ñee ikawi wae, erëi judío reta peño.

Hechos 13:2

Pëti ara jokua kuimbae reta uñeñono tee ukaru mbae waerä amokue ara rupi uyerure reta waerä Tumpa pe. Jare uyerure yureko reta rambuewe, Espíritu Santo jei chupe reta: “Piñono tee pepɨte wi Bernabé jare Saulo uyapo reta waerä mbarawɨkɨ amee aï chupe reta wae,” jei chupe reta.

Hechos 13:4

Jayawe Bernabé jare Saulo yuraa kiape Espíritu Santo jei chupe wae rupi umɨmbeu reta waerä Jesús rewa. Jare Juan Marcos oo wi jae reta ndiwe omborɨ reta waerä. Jayawe oë yuraa reta Antioquía wi tëta wasu Seleucia jee wae pe. Joko pe uyupi reta pëti chalana wasu pe jare oë yuraa reta pëti ɨwɨ ɨ mbɨte pe oï wae Chipre jee wae kotɨ. Jare yuraa uwäe yawe Chipre pe, yuraa reta tëta wasu Salamina jee wae pe. Joko pe umɨmbeu reta Tumpa iñee judío reta itupao reta rupi.

Hechos 20:28

Jare jei wi chupe reta: “Jayawe, pe reta Cristo re wɨrowia wae itenondewa reta, piyandareko kawi piyé,” jei. “Jare piyandareko kawi wi opaete hermano reta Tumpa umee pewe wae re. Pikuaa peï kërái pëti owecha iyandarekoa uyandareko kawi iowecha reta re. Jukuärái wi piyandareko kawi hermano reta re jare pemboe kawi reta. Echa’ä yandeYa uepɨ reta jae juwɨ pɨpe etei, jare jukuärái jae reta yandeYa imbae ko. Jekuaeño pemandúa Espíritu Santo ko peparawo pe reta piko waerä jae reta itenondewarä,” jei Pablo chupe reta.

Hechos 22:21

“Jayawe yandeYa jei chewe: ‘Ekua. Echa’ä che nomondota mbɨrɨ judío mbae wae reta kotɨ,’ jei chewe,” jei Pablo chupe reta.

Hechos 8:4

Jesewe jokua uñemɨái wae reta jekuaeño umɨmbeu ñee ikawi wae opaete kerupi yuraa reta wae rupi.

1 Corintios 12:28

Jukuärái ko yande jae imaerä yaiko wae reta. Jare yandepɨte pe Tumpa tenonde oñono amokue reta Cristo etei omondo jae jee re wae. Jaɨkue rupi oñono ïru wae reta umɨmbeu waerä ñee Tumpa wi etei ou wae. Jare jaɨkue rupi Tumpa oñono wi ïru wae reta oporomboe kawi waerä. Jare jaɨkue rupi Tumpa umee mbaepuere amokue wae reta pe uyapo waerä mbaembae kiawe ipuere’ä uyapo wae, jare ïru wae reta pe umɨnguera waerä amokue wae reta imbaerasɨ wi. Jare Tumpa oñono wi ïru wae reta ikatuete oporomborɨ waerä, jare amokue ïru wae reta upurumbɨarakuaa kawi waerä, jare amokue ïru wae reta uyemɨngeta waerä ambɨe ye ye ñee reta pe.

1 Corintios 15:10

Erëi jesewe Tumpa ipɨakawi rupi Cristo omondo wae ko che. Jare jokua ipɨakawi uechaka chewe wae ukañɨ'ä etei ko oï. Echa’ä che aparawɨkɨ tätaete ïruwe kuimbae reta Cristo etei omondo wae wi. Erëi añetete cheiño’ä ko aparawɨkɨ. Tumpa ipɨakawi rupi chemborɨ oï.

2 Corintios 6:1

Ore nduparawɨkɨ noï Tumpa pewarä, jare jukuärái pumɨñera awɨye waerä piyuwangaiño Tumpa ipɨakawi re.

Filipenses 2:21

Echa’ä opaete ïru wae reta imandúa iyeeño. Mbaetɨ imandúa oï reta Jesucristo iparawɨkɨ re.

Filipenses 2:25

Erëi che aipota amondo ye pekotɨ Epafrodito. Pe reta pembou cheré uyandareko waerä. Che au cherɨwɨ rami, jare jae uparawɨkɨ ma che ndiwe Tumpa pewarä pëti sɨndaro ikawi wae Tumpa pewa rami.

Filipenses 2:30

Echa’ä jae umano seri uyeyokui Cristo pe ramo. Echa’ä jae ou kua pe pepepɨka pe chemborɨ waerä, jare jukuärái uñemɨjëwa mano pe.

Colosenses 1:29

Jokuaerä ko che aparawɨkɨ aï täta. Jare yepe tëi yawái ko, erëi Cristo imbaepuere rupi chemɨmɨräta che amɨamɨri waerä yembɨawái.

Colosenses 4:12

Jare jae nunga wi perëtáɨwa Epafras omondo oï pewe saludo. Jae uyeyokui kawi oï Jesucristo pe. Jare jae jekuaeño täta rupi uyerure oï Tumpa pe peré pepɨräta waerä Tumpa kotɨ jare pikuaa kawi waerä opaete Tumpa uipota wae.

1 Tesalonicenses 2:9

Pemandúa kawi peï, hermano reta, kërái ore täta nduparawɨkɨ ara rupi jare pɨ̈tu rupi ime waerä nonoi orerembiurä. Jukuärái nduyapo awɨye waerä pe reta piyembɨpɨa’ä oreré numɨmbeu pewe rambuewe ñee ikawi wae Tumpa wi ou wae.

1 Tesalonicenses 5:12

Añawe hermano mii reta, imeño amokue mbaembae mii pumbɨarakuaa waerä. Tenonde ko jae petenondewa reta rewa. Echa’ä jae reta uparawɨkɨ ñonoï pepɨte rupi uyandareko waerä peré, jare pembɨarakuaa ñonoï yandeYa rewa. Jáeramo ore pumɨñera pipɨu waerä chuwi reta.

2 Tesalonicenses 3:1

Jayawe hermano mii reta, kuaño ma aipota pe reta piyapo waerä: Piyerure mii Tumpa pe oreré yandeYa iñee jekuaeño uñemɨái waerä ɨmambae, jare opaete wae wɨrowia waerä jese pe reta perowia jese rami.

1 Timoteo 4:10

Jokuaerä ko ñanekɨrëɨ rewe yaparawɨkɨ täta. Jare jukuärái yayapo, echa’ä yarowia Tumpa ikoño mái wae re. Echa’ä jaeño ko Upuruepɨ wae ɨwɨ pewa reta pewarä. Jare jae uepɨ opaete kía wɨrowia jese wae.

2 Timoteo 4:5

Erëi nde, jekuaeño iyandareko kawi ndiyé mbaembae kachi wae wi. Jekuaeño emɨmbeu ñee ikawi wae Jesucristo rewa, jare emɨawäta ndiporara yawe ñee ikawi wae jeko pewa. Jare opa iyapo kawi mbarawɨkɨ Tumpa umee ndewe wae.

Filemón 1:1

Nde, Filemón, cheïru nduau mii wae jare cheparawɨkɨ ïru, che ko jae Pablo aikuatía aï ndewe kua tupapire. Mase, che parawete peresorɨru pe aï amɨmbeu Jesucristo rewa ramo. Jare hermano Timoteo wi ime oï kua pe che ndiwe.

Hebreos 3:6

Erëi Cristo ko jae tëta iya taɨ rami etei. Jare jae ko Tumpa jëta iyandarekoa. Jare yande reta ko jae Tumpa jëta pewa reta, jekuaeño ñaneratangätu yawe jare ñaäro yawe yarowia katu rewe Tumpa umeeta oï yandewe wae.

Apocalipsis 2:1

Jare yandeYa jei wi chewe: “Ime pëti araɨwa uyandareko oï opaete cheré wɨrowia wae reta re tëta wasu Éfeso pe. Ikuatía chupe kua chiñee kuärái: ‘Che ko jae jokua chiu yasɨtata ipo iyakata kotɨ onoi wae, jare jokua chiu mechero iwapɨka oro pewa ipɨte rupi uwata wae.