San Lucas 10:16 - Biblia

¹⁶ “Ime yawe kía uyapɨsaka peré wae, cheré uyapɨsaka oï rami ko. Jare ime yawe kía pererɨ̈ro wae, che etei ko chererɨ̈ro wi. Jare chererɨ̈ro wae, wɨrɨ̈ro wi ko chembou wae.” Jukuärái Jesús jei jokua setenta jemimboe reta pe ndei jae omondo reta mbowe.

Guaraní Pe (Western): Simba

¹⁶ Uyapɨsaca peré vae uyapɨsaca co cheré. Ẽrei pererɨ̃ro vae chererɨ̃ro co. Jare chererɨ̃ro vae güɨrɨ̃ro chembou vae —jei.

San Lucas 10:16 Iomraidhean Croise

Éxodo 16:7

“Jare kuriye ndimbowe wi pechata uyekuaa pewe Tumpa imbaepuere jupi wae tembipe uwerasɨ wae rami. Jae uyandu oï piyengeta peï ikotɨ wae. Ore jaeño nduyapo noï Tumpa jei wae rupi. ¿Maera pa piyengetaete orekotɨ?” Jukuärái jei chupe reta.

Éxodo 16:8

Moisés jei wi chupe reta: “Tumpa etei ko umeeta pewe soo peu waerä kaaru rupi. Jare ndimbowe rupi jae umeeta pewe jeta mbɨyape pepunga rewa. Echa’ä jae uyandu ma piyengeta ikotɨ wae. Añetete pe reta piyengeta orekotɨ yawe, Tumpa kotɨ etei ko piyengeta peï,” jei chupe reta.

Números 14:11

Jayawe Tumpa jei Moisés pe: “Chembaepuere tuicha wae rupi ayapo ma mbaembae ipuere mbaei kía uyapo wae Israel iñemoñaa reta pewarä. Erëi jesewe jae reta wɨrowia’ä ñeño cheré jare chererɨ̈ro ñonoï reta.

Números 14:2

Jare opaete Israel iñemoñaa reta iyengeta Moisés jare Aarón pe, jare jei chupe reta: “¡Ikawita tëi ko opa numano waerä ɨwɨ Egipto pe jare kua ɨwɨtini wasu rupi!” jei reta.

San Mateo 10:40

Jesús jei wi chupe reta: “Ime yawe kía pembɨasa kawi jëta pe wae, che ko chembɨasa oï rami. Jare jokua chembɨasa wae, chembou wae etei ko umbɨasa oï wi,” jei.

San Mateo 18:5

“Jeta wae reta jei tëi sambiaɨ reta usiriwe’ä ko. Erëi che tae pewe, ime yawe kía umbɨasa kawi pëti sambiaɨ kua rami wae, jare jukuärái uyapo cheré wɨrowia ramo, chembɨasa kawi ko oï wi,” jei chupe reta.

Marcos 9:37

“Jeta wae reta jei tëi sambiaɨ reta usiriwe’ä ko. Erëi che tae pewe, ime yawe kía umbɨasa kawi pëti sambiaɨ kua rami wae, jare jukuärái uyapo cheré wɨrowia ramo, chembɨasa kawi ko oï wi,” jei. “Jare jokua chembɨasa kawi wae, umbɨasa kawi ko oï wi chembou wae,” jei chupe reta.

San Lucas 9:48

Jare jei jemimboe reta pe: “Jeta wae reta jei tëi sambiaɨ reta usiriwe’ä ko. Erëi che tae pewe, ime yawe kía umbɨasa kawi pëti sambiaɨ kua rami wae, jare jukuärái uyapo cheré wɨrowia ramo, chembɨasa kawi ko oï wi,” jei. “Jare jokua chembɨasa kawi wae, umbɨasa kawi ko oï wi chembou wae. Jayawe jokua pepɨte pe usiriwe mbae echa wae ko jae wae, jokua ko jae petenondewarä wae,” jei Jesús jemimboe reta pe.

San Juan 12:44

Pëti wese ye Jesús omoë iñee chupe reta usapɨkai rewe: “Kía wɨrowia cheré wae, mbaetɨ ko chereño wɨrowia oï. Wɨrowia ko oï wi Tumpa chembou wae re.

San Juan 12:48

“Erëi jokua chererɨ̈ro wae reta jare chiñee wɨrowia mbae wae reta onoita ko teko ara taɨkuewa pe jae reta uyemboɨ yawe cheRu jowai. Añetete, cheRu umbɨjekota reta chiñee jae wae rupi etei,

San Juan 13:20

“Che tae pewe añetete wae, che amondo yawe kía umɨmbeu waerä cheré, jare kía wɨrowia jese yawe, cheré etei ko wɨrowia oï. Jare jokua cheré wɨrowia wae, chembou wae re etei ko wɨrowia oï wi,” jei Jesús jemimboe reta pe.

Hechos 5:4

“Ndei ndewaka ndeɨwɨ mbowe, nembae iko. Jare ndewaka ma yawe, jepɨkue nembae ko wi. ¿Maera pa ndepɨa pe ndiyemɨngeta mbae ikawi mbae wae ndiyapo waerä? Ndapu’ä ko kuimbae reta peño. Ndipota tëi ndapu Tumpa pe etei,” jei Pedro Ananías pe.

Gálatas 4:14

Jare yepe tëi chembaerasɨ yawái iko pewe, jesewe pe reta chererɨ̈ro’ä jare mbaetɨ wi chemombo peyuwi. Pe reta chembɨasa kawi pëti araɨwa rami jare Jesucristo rami etei wi.

1 Tesalonicenses 4:8

Jukuärái ko Tumpa yanemboe. Jare umee wi yandewe Espíritu Santo yanemborɨ yaiko waerä jae yanemboe wae rupi. Jáeramo kía wɨrɨ̈ro yawe kua yemboe, wɨrɨ̈ro ko Tumpa etei. Kuimbae’ä ko wɨrɨ̈ro oï.