San Lucas 10:14 - Biblia

¹⁴ “Jáeramo jokua ara ɨwɨ pewa reta uyemboɨ yawe Tumpa jowai, Corazín jare Betsaida pewa reta tätaete ye uiporarata ñonoï Tiro jare Sidón pewa reta wi,” jei.

Guaraní Pe (Western): Simba

¹⁴ Ẽrei Tumpa upuruãa yave, Corazín jare Betsaida pegua reta tanta uiporarata Tiro jare Sidón pegua reta güi —jei—.

San Lucas 10:14 Iomraidhean Croise

San Mateo 10:15

“Che tae pewe añetete wae, jokua ara ɨwɨ pewa reta uyemboɨ yawe Tumpa jowai Tumpa umbɨjeko reta waerä, jokua tëta wasu pewa reta tätaete ye uiporarata ñonoï jokua arakae tëta wasu Sodoma jare Gomorra pewa reta wi,” jei Jesús chupe reta.

San Mateo 11:21

“Jokua tëta wasu Corazín jare Betsaida pewa reta, ¡ikuasɨ parawete reta!” jei. “Jeta mbaembae ayapo tëi ipɨte rupi Tumpa imbaepuere pe. Jukuärái moná ayapo yawe tëta wasu Tiro jare Sidón pe, arakaete ma ko jokua tëta wasu pewa reta ueyata tëi ipɨayemɨngeta jupi mbae wae Tumpa rewa,” jei. “Jae reta omondeta tëi temimonde jaimbe wae mbɨatɨtɨ pewa jare oñonota tëi reta tanimbu iñäka re, jukuärái jae reta uechaka waerä ipɨatɨtɨ ko ñonoï jeko kachi re,” jei.

San Juan 3:19

Jare Tumpa jupi ko umbɨjeko reta waerä. Echa’ä Taɨ ou ma umbɨembipe waerä ɨwɨ pewa reta ipɨa jae reta uikuaa waerä añetete wae Tumpa rewa. Erëi jesewe opaete seri uipotaete iko reta pɨ̈tumimbi pe. Uipota’ä iko reta jokua tembipe pe, echa’ä uipota uyapo reta mbaembae ikawi mbae wae ramo.

Romanos 2:1

Aramoi imeta kía ipuere jei yandewe jupi ko Tumpa uiporaraka waerä jokua jeko kachi wae reta pe. Erëi che tae jukuärái uyemɨngeta wae pe kuärái: Nde ndere yawe jukuärái, ndiyembɨjeko ma ko neï wi, echa’ä nde ndiyapo wi ko jokua nunga etei teko ikawi mbae wae. Jáeramo jupi ko Tumpa uiporaraka waerä ndewe wi, ipotawe wae rami ko nde wi.

Romanos 2:27

Jáeramo jokua judío mbae wae jeita oï Tumpa uyapo ko jupi rupi uiporaraka waerä pewe. Jukuärái jeita, echa’ä yepe tëi opaete Tumpa jei wae uyekuatía oï pewe, jare yepe tëi piyembɨcircuncidaka peï, erëi pe reta piyawɨñoi Tumpa jei wae.