San Lucas 10:11 - Biblia

¹¹ ‘Numɨtɨmo noï ɨwɨkuí perëta wasu pewa orepɨ re oya wae, pikuaa waerä pe reta pereko pewái ko Tumpa uiporarakata oï pewe. Pikuaa peyupe kua: Tumpa imbaepuere mburuwicha wasu pewa uyembɨpɨ ma kua ɨwɨ pe jare koiño ma oï tëi pewi.’ Jukuärái pereta chupe reta,” jei.

Guaraní Pe (Western): Simba

¹¹ ‘Numɨtɨmo orepɨ güi ɨvɨcuii, cua tenta guasu pegua reta picuaa vaerã pe reta co teco penoi. Ẽrei turumɨmbeu peve cua: Tumpa iporoyocuia coiño ma peve’ —pere, jei—.

San Lucas 10:11 Iomraidhean Croise

San Mateo 10:14

“Jare mbaetɨ yawe kía uipota pembɨasa jokua tëta wasu pe wae, jare mbaetɨ yawe kía uipota uyapɨsaka peré joko pe wae, jayawe peasa joko wi,” jei. “Jare peë jokua tëta wasu wi yawe, pemɨtɨmo pepɨpasa ɨwɨkuí usururu waerä chuwi. Jukuärái pikuaakata chupe reta jae reta etei ko teko onoi Tumpa uiporaraka chupe reta waerä,” jei.

San Mateo 10:7

“Jare ipotawe kerupi peo wae rupi, pemɨmbeu kua ñee: ‘Koiñoete ma oï uyembɨpɨ waerä Tumpa imbaepuere mburuwicha wasu pewa kua ɨwɨ pe,’ pere chupe reta,” jei.

San Mateo 3:2

“Koiño ma oï uyekuaa waerä Tumpa imbaepuere mburuwicha wasu pewa kua ɨwɨ pe. Jáeramo peya pepɨayemɨngeta jupi mbae wae jare perowia Tumpa jei wae re peï waerä jae ndiwe,” jei Juan chupe reta.

Marcos 6:11

“Erëi ime yawe pëti tëta wasu uipota’ä pepɨta waerä joko pe jare uipota’ä uyapɨsaka peré wae, jayawe peasa joko wi,” jei. “Jare peë jokua tëta wasu wi yawe, pemɨtɨmo pepɨpasa ɨwɨkuí usururu waerä chuwi. Jukuärái pikuaakata chupe reta jae reta etei ko teko onoi Tumpa uiporaraka chupe reta waerä,” jei. “Che tae pewe añetete wae, jokua ara ɨwɨ pewa reta uyemboɨ yawe Tumpa jowai Tumpa jei waerä jae reta jeko rewa, jokua tëta wasu pewa reta uiporarata tätaete ye jokua tëta wasu Sodoma jare Gomorra pewa reta wi.” Jukuärái jei Jesús jemimboe reta pe.

San Lucas 10:10

“Erëi peo ma pewäe yawe pëti tëta wasu pe, jare joko pewa reta uipota’ä pepɨta waerä joko pe yawe, peë calle rupi jare pere joko pewa reta pe:

San Lucas 10:9

“Pemɨnguera imbaerasɨ wae reta jokoropi ñonoï wae. Jare pemɨmbeu opaete joko pewa reta pe kërái uyembɨpɨ ma Tumpa imbaepuere mburuwicha wasu pewa kua ɨwɨ pe, jare koiñoete ma oï chuwi reta,” jei chupe reta.

San Lucas 9:5

“Erëi ime yawe pëti tëta wasu uipota’ä pepɨta waerä joko pe wae, jayawe peasa joko wi,” jei. “Jare peë jokua tëta wasu wi yawe, pemɨtɨmo pepɨpasa ɨwɨkuí usururu waerä chuwi. Jukuärái pikuaakata chupe reta jae reta etei ko teko onoi Tumpa uiporaraka chupe reta waerä,” jei Jesús jemimboe reta pe.

Hechos 13:26

“Jayawe cherɨkeɨ reta jare cherɨwɨ reta – jae ko pe Abraham iñemoñaa pewa reta jare Tumpa wi pipɨu wae reta wi – che tae pewe jokua ñee tekowe opa mbae wae pewa ou ma uwäe yandewe,” jei.

Hechos 13:40

Jare Pablo jei wi chupe reta: “Jayawe piyandareko kawi piyé awɨye waerä uyeyapo pewe kërái Tumpa iñee arakae umɨmbeu wae reta jei wae rupi,” jei. “Echa’ä pëti wae uikuatía kuärái:

Hechos 13:46

Jayawe Pablo jare Bernabé ukɨye mbae rewe umbɨeta chupe reta kuärái: “Tumpa oreokui numɨmbeu waerä iñee judío reta pe rani; jáeramo jukuärái nduyapo,” jei reta. “Erëi pe reta pipota’ä etei piyapɨsaka jese. Echa’ä perɨ̈ro ma Tumpa iñee numɨmbeu pewe wae. Jare jukuärái pechaka ma jupi’ä ko penoi waerä tekowe opa mbae wae,” jei reta. “Jáeramo añawe wiwe ore numɨmbeuta judío mbae wae reta pe kërái ipuere onoi reta waerä tekowe opa mbae wae,” jei reta.

Hechos 13:51

Jayawe ndei oë yuraa reta mbowe, Pablo jare Bernabé umɨtɨmo ipɨpasa ɨwɨkuí usururu waerä chuwi. Jukuärái uikuaaka iko jokua judío itenondewa reta pe jae reta etei ko teko onoi Tumpa uiporaraka chupe reta waerä. Joko wi oë yuraa reta tëta wasu Iconio jee wae kotɨ.

Romanos 10:21

Erëi Isaías imiäri yawe Israel iñemoñaa reta rewa, jei kuärái: “Tumpa jei ipɨatɨtɨ rewe: ‘Ɨma rupi ma aeni tëi anoi reta uñatima ye chekotɨ waerä. Erëi jae reta jekuaeño uyembowaicho ñonoï chekotɨ, jare uipota’ä etei uyapo reta che jae wae rupi,’ jei Tumpa.” Jukuärái uikuatía Isaías arakae.

Romanos 10:8

Jare Tumpa jei iñee rewa kuärái: “Chiñee mbɨrɨ'ä oï pewi. Piñee pe etei oï jare pepɨa pe oï wi.” Jukuärái jei. Kua ñee re imeta ko yarowia, jare jokua ñee etei ko numɨmbeu noï pewe.

Hebreos 1:3

Jare Taɨ iñee imbaepuerete wae rupi opaete jokua mbaembae jekuaeño ime ñonoï. Taɨ rupi uyekuaa Tumpa imbaepuere jembipete ye wae jare kërái etei ko Tumpa wae. Taɨ etei ou kua ɨwɨ pe umano waerä mbaembae yayawɨ Tumpa kotɨ wae re opa umbái waerä yandewi. Joko wi jae ikowe ye ou umanokue wae reta ipɨte wi, jare oo ye ara pe uwapɨ Tumpa iyakata kotɨ kiape onoi mbaepuere Tumpa ndiwe opaete mbaembae re.