San Lucas 10:1 - Biblia

¹ Kua jaɨkue rupi yandeYa uiparawo ïru setenta kuimbae reta jare omondo tenonde mokui mokui rupi opaete tëta wasu reta jae oota wae rupi.

Guaraní Pe (Western): Simba

¹ Cua jaɨcue rupi yandeYa uiparavo ĩru setenta cuimbae reta jare omondo jenonde mocui mocui rupi opaete tenta guasu reta jae oota joco pe vae pe.

San Lucas 10:1 Iomraidhean Croise

San Lucas 1:17

Jae ikota Tumpa iñee arakae umɨmbeu wae Elías rami, jare onoita mbaepuere Elías wɨreko wae rami,” jei. “Jare jae oota oï tenonde uyapɨkatu waerä yandeYa iwäe ara pewarä. Echa’ä jae iñee rupi tu reta uyeapɨkatuta isambiaɨ reta ndiwe. Jare jukuärái wi kía kía tenonde yawe Tumpa jei wae uipota’ä uyandu wae reta uyapɨsakata oï reta jese. Jayawe iyarakuaa katuta ñonoï jare uyapota reta jupi wae,” jei. “Jukuärái nderaɨ uyapota oï Israel pewa reta uyeyapɨkatu waerä yandeYa iwäe ara pewarä,” jei araɨwa Zacarías pe.

San Lucas 1:76

Joko wi Zacarías jei taɨ mii pe kuärái: “Nde, cheraɨ mii,” jei chupe. “Tumpa imbaepuere tuichaete wae etei neñono jae iñee nemɨmbeu waerä. Echa’ä nde rani ndeota neï yandeYa wi nemɨmbeu waerä opaete wae pe yandeYa iwäe ara koiñoete ma oï wae.

San Lucas 7:13

Jare yandeYa uecha yawe jokua kuña, uiparareko umae jese jare jei chupe: “Awɨye iyao,” jei.

San Lucas 7:19

Jayawe Juan ueni mokui jemimboe reta jare jei chupe reta: “Pekua yandeYa oï wae pe pepɨrandu chupe jae ra ko Upuruepɨ wae outa iko wae, ani jekuaeño ñaärota ïru wae,” jei chupe reta.

San Lucas 9:52

Jayawe omondo amokue jemimboe reta jenonde. Jare jae reta yuraa ɨwɨ Samaria pe pëti tëta wasu raɨ pe, joko pe ueka reta waerä tëi pëti o Jesús pewarä.