San Lucas 1:79 - Biblia

⁷⁹ Jukuärái jokua pɨ̈tumimbi pe mbɨrɨ Tumpa wi yureko wae reta jare mano ipo pe yureko wae reta onoita tembipe. Jukuärái ko uyeyapota yaikuaa waerä kërái yandepɨakatu yaiko waerä Tumpa ndiwe.” Jukuärái Zacarías jei Espíritu Santo rupi.

Guaraní Pe (Western): Simba

⁷⁹ Jae yanemborɨta guarasɨ jembipe yanemborɨ rami. Echa'ã guarasɨ umee yandeve tembipe agüɨye vaerã yaico pɨ̃tumimbi pe. Jae yanemborɨta agüɨye vaerã yaquɨye mano güi. Jae yanemborɨta yaico vaerã yandepɨacatu reve” —jei Zacarías.

San Lucas 1:79 Iomraidhean Croise

Salmo 23:4

Jare nde, cheTumpa, chereruwata neï rambuewe, yepe tëi ou chewe mbaesusere reta jare yembɨawái jasɨ wae reta, jesewe akɨye’ä chuwi, echa’ä nde neï che ndiwe ramo. Kërái owecha iyandarekoa ikawi wae wɨraa ipopoka ngächu rewe wae jare iɨwɨra wi uepɨ waerä pɨpe iowecha reta mbaemɨmba pochɨ wae reta wi, jukuärái wi nde ndiyandareko kawi cheré nembaepuere rupi. Jare jokua chembɨpɨakatu.

San Mateo 4:16

Jokua ɨwɨ pewa reta yureko pɨ̈tumimbi pe mbɨrɨ Tumpa wi. Erëi jae reta uechata ñonoï tembipe tuicha wae. Umbɨembipeta ipɨa pe mano imbaepuere pe yureko wae reta.” Jukuärái jei Isaías arakaete.

San Lucas 2:32

Jae ikota pëti tembipe rami judío mbae wae reta pe, echa’ä jae ndekuaakata oï chupe reta. Jare jae orembutuichata oï, ore Israel pewa nduiko wae reta, echa’ä ore ko jae nde oreparawo wae reta.” Jukuärái jei Simeón.

San Juan 1:9

Echa’ä jokua tembipe uyekuaata ma iko kua ɨwɨ pewa reta pe. Jae añetete pewa ko, jare uikuaaka ɨwɨ pewa reta pe Tumpa rewa.

San Juan 12:46

“Che ayu ko ambɨembipe waerä ɨwɨ pewa reta ipɨa pe. Jare jukuärái ipotawe kía cheré wɨrowia wae ndarau iko pɨ̈tumimbi pe,” jei.

San Juan 8:12

Jayawe Jesús umbɨpɨ ye omboe joko pe ñonoï wae reta: “Che ko jae tembipe rami ɨwɨ pewa reta pe, echa’ä aikuaaka chupe reta añetete wae Tumpa rewa. Jare ipotawe kía che ndiwe oï wae ndarau ye ma iko pɨ̈tumimbi pe rami. Echa’ä che amee chupe tekowe ipɨau wae jare opa mbae wae, jare jokua ko tembipe rami chupe,” jei chupe reta.

San Juan 9:5

Erëi añawe rupi ko aï kua ɨwɨ pe. Jare che ko jae tembipe rami ɨwɨ pewa reta pewarä,” jei chupe reta.

Hechos 10:36

“Pikuaa peï kërái Tumpa ombou ñee ikawi wae ore Israel iñemoñaa reta pe,” jei. “Jokua ñee ikawi wae uikuaaka orewe kuärái: kía ipuere uyeapɨkatu waerä Tumpa ndiwe Jesucristo rupi – jae ko opaete ɨwɨ pewa reta iYa,” jei Pedro chupe reta.

Hechos 26:18

nemɨmaeka reta waerä, jare jukuärái uyerowa reta waerä pɨ̈tumimbi wi tembipe kotɨ, jare wi uyerowa reta waerä Satanás imbaepuere wi Tumpa kotɨ. Kua uyapo reta yawe, Tumpa opata umbái chuwi reta mbaembae ikotɨ uyawɨ reta wae. Jayawe tuicha rupi uyekouta ñonoï, echa’ä Tumpa oñono teeta reta jae imaerä kërái jae uyapo opaete ïru cheré wɨrowia wae reta pe rami.’ Jukuärái jei chewe yandeYa,” jei.

Romanos 3:17

Jare uikuaa’ä etei yureko reta waerä ipɨakatu rewe ïru wae reta ndiwe.”

Efesios 5:8

Echa’ä tenonde yawe pe reta pikose pɨ̈tumimbi pe wae echa mbɨrɨ Tumpa wi. Erëi añawe peï tembipe pe, echa’ä peï pëti ramiño yandeYa Jesucristo re jare jae umbɨembipe oï pepɨa. Jare yaiko yawe jokua tembipe pe, yaikota yandepɨakawi rewe añetete wae rupi jare jupi wae rupi. Tumpa peñono tee ma ko jae imaerä. Jáeramo piko tembipe pe jae umee pewe wae rupi.