San Lucas 1:51 - Biblia

⁵¹ Jae uikuaaka ma kërái jae imbaepuere tuichaete ko. Jare opa umɨkañɨ uyembɨkate wae reta ipɨayemɨngeta.

Guaraní Pe (Western): Simba

⁵¹ Uicuaaca quirãi imbaepuere tuicha co. Opa umɨai uyembɨcate vae reta.

San Lucas 1:51 Iomraidhean Croise

Génesis 11:8

Jayawe Tumpa opa umɨái reta opaete ɨwɨ rupi. Jare jae reta opa ueya jokua tëta wasu uyapo yureko wae.

Génesis 6:5

Jare Tumpa uecha opaete wae jeko kachi jeiete ma ɨwɨ pe. Uecha kërái opaete wae ipɨayemɨngeta jekuaeño mbaembae kachi wae reño.

Génesis 8:21

Jayawe Tumpa uyerowia umae Noé umee chupe wae re, jare utimbo kawiete chupe. Jare Tumpa jei iyupe: “Ndarau ye ma ayepɨpeyu ɨwɨ re kuimbae reta jeko pewa,” jei. “Yepe tëi michi wiwe ipɨayemɨngeta ikawi mbae wae reño, jesewe ndarau ye ma ambái opaete jekowe wae kërái ayapo wae rami,” jei.

Romanos 1:21

Jayawe yepe tëi uikuaa reta Tumpa rewa jae mbaembae uyapo wae rupi, erëi jesewe umbutuicha’ä reta jae jee. Umee’äwe reta wi yasurupái chupe opaete jae mbaembae uyapo wae re. Jaeño opa uyembojopa reta ipɨayemɨngeta rupi Tumpa wi. Jare jae reta ipɨayemɨngeta opa uñemɨpɨ̈tumimbi ramo, ipuere’ä etei uikuaa kawi reta mbae ikawi wae rewa.

2 Corintios 10:5

Jukuärái kía uipota yawe umbɨtawɨ jare umbɨawái ïru wae reta awɨye waerä uikuaa Tumpa, ore numɨamɨri jae jei wae. Jare jukuärái nduyapo opaete wae ipɨa pe uyemɨngeta waerä jare uyapo waerä kërái Cristo uipota wae rupi.

1 Pedro 5:5

Taurusu wae reta tuyapo itenondewa reta jei wae rupi. Jare opaete pe reta, piyeyokuita ko peyupe piñemɨmichi rewe. Echa’ä Tumpa ipɨakawi uñemɨmichi wae reta pe, erëi jae oyowaicho uyembutuicha wae reta ndiwe.

Apocalipsis 18:8

Jáeramo pëti ara peño jeta mbaesusere uyeyapota oï chupe reta. Outa chupe reta karuái, jare mano, jare mbɨatɨtɨ. Jare jae reta jëta wasu opata okai chuwi reta. Echa’ä yandeYa Tumpa tuicha imbaepuere uiporaraka waerä chupe reta.” Jukuärái jei jokua ñee ara wi.