San Lucas 1:46 - Biblia

⁴⁶ Jayawe María jei: “Che ambutuicha yandeYa jee chepɨa rewe.

Guaraní Pe (Western): Simba

⁴⁶ Jayave María jei: “Ambɨadora yandeYa.

San Lucas 1:46 Iomraidhean Croise

Romanos 5:11

Jare jokuaño’ä ko. Añetete tuicha yerowia ñanoi, echa’ä Tumpa iarasɨ wasu ndarau ma oa oï yanderé. Erëi ime ñanoi yerowia tuichaete ye wae, echa’ä yandeYa Jesucristo uyapo yandewe wae rupi yayeapɨkatu ye ma Tumpa ndiwe.

1 Corintios 1:31

Jáeramo Tumpa uyapo ma yandewe opaete kua mbaembae reta ramo, ikawi ko yayapo waerä Tumpa iñeerɨru pe uyekuatía oï wae rami. Echa’ä joko pe jei kuärái: “Ime yawe kía uipota uyembutuicha wae, tuyembutuicha yandeYa mbae ikawi wae uyapo chupe wae re.” Jukuärái uyekuatía oï.

2 Corintios 2:14

Erëitu orepɨakatu noï. Numee yasurupái Tumpa pe, echa’ä jae jekuaeño oremborɨ ndupurumɨamɨri waerä, echa’ä ore noï pëti ramiño Cristo re ramo. Jare ore rupi opaete kerupi rupi uikuaa ñonoï Cristo rewa.

Filipenses 3:3

Echa’ä yande reta ko jae Tumpa imaerä añetete wae. Yande reta ko yambutuicha Tumpa jee Espíritu Santo rupi. Jare mbaetɨ yayeko ñaï yandiyé jare mbaembae yayapo wae re ñanoi waerä tekowe opa mbae wae. Jaeño yayeko ñaï mbaembae Jesucristo uyapo yandewe wae re, jare jokua re ko yayemɨngeta.

Filipenses 4:4

Jekuaeño piyerowia yandeYa uyapo yandewe wae re. Jare che tae ye pewe jukuärái. ¡Piyerowia!

1 Tesalonicenses 5:23

Tumpa ko jae yanembɨpɨakatu wae. Jare jae etei tapeñono tee opaete mbae ikawi mbae wae wi. Jare tuyandareko kawi peré – perekowe jare peä jare perete re – awɨye waerä peï teko pe yandeYa Jesucristo ou ye yawe.

1 Pedro 1:8

Yepe tëi pecha’ä Jesucristo, erëi jesewe pe reta peau ko. Jare yepe tëi añawe ndeiño pecha, erëi perowia ma jese, jare penoi ko yerowia tuichaete wae yandepuere rape’ä ñanemiäri jese wae.