San Lucas 1:35 - Biblia

³⁵ Jayawe araɨwa jei chupe: “Espíritu Santo outa nderé, jare Tumpa imbaepuere tuichaete wae rupi ndepuruata neï kuri. Jáeramo nemembɨ oa yawe, jeita chupe reta Tumpa Taɨ jupiete ye wae,” jei chupe.

Guaraní Pe (Western): Simba

³⁵ Jayave ángel jei María pe: —Espíritu Santo outa ndeve. Tumpa imbaepuere rupi cua uyeyapota ndeve. Jáeramo nemembɨ oata iyoa mbae reve jare jeeta co Tumpa Taɨ —jei—.

San Lucas 1:35 Iomraidhean Croise

San Mateo 1:18

Añawe tamɨmbeu Jesucristo oa wae rewa. Jae ichɨ María jee wae José ndiwe jei umendata. Erëi ndei uyereroke reta mbowe, uyekuaa María ipurúa ma oï. Kua uyeyapo chupe Espíritu Santo imbaepuere rupi.

San Mateo 1:20

Jukuärái José uyemɨngeta iko tëi ipɨa pe. Erëi pëti pɨare, José oke iko rambuewe, pëti araɨwa Tumpa ombou wae uyekuaa chupe ipau pe jare jei chupe: “José, David iñemoñaa pewa,” jei chupe. “Nde ndepuere nemenda ndepɨawiwe rewe María ndiwe, echa’ä jae mbaetɨ ko ipurúa oï kuimbae pewarä. Jae ipurúa ko oï Espíritu Santo imbaepuere rupi etei,” jei chupe.

San Mateo 14:33

Jare Jesús jemimboe chalana pe ñonoï wae reta umbutuicha Jesús. “Añetete yepe nde ko jae Tumpa Taɨ,” jei reta chupe.

San Mateo 27:54

Jayawe sɨndaro reta itenondewa Jesús re umae iko wae jare sɨndaro reta uecha reta yawe kërái ɨwɨ ukäta wae jare opaete mbae uyeyapo wae, ukɨyete reta, jare jei reta iyupe: “Añetete yepe, kua kuimbae ko jae Tumpa Taɨ,” jei reta.

San Mateo 4:3

Jayawe Añawasu ou jei chupe: “Nde ko jae Tumpa Taɨ yawe, yaecha ere kua ita reta pe tuyeyapo ndewe mbɨyaperä,” jei chupe.

Marcos 1:1

Kua wiwe uyembɨpɨ ñee ikawi wae Tumpa Taɨ Jesucristo rewa.

Marcos 1:24

“Jesús Nazaret pewa, ¿mbae pa ndeyu ndeka kua pe?” jei. “¿Ndeyu pa orerukachi waerä? Che ndukuaa. Nde ko jae Tumpa Taɨ jupiete wae,” jei.

San Lucas 1:27

Joko pe iko pëti kuñatái María jee wae. María ko jae pëti kuñatái oroke’ä etei kuimbae wae. Erëi jae uyemɨngeta ma iko umenda waerä pëti kuimbae José jee wae ndiwe. José ko jae pëti kuimbae mburuwicha wasu David iñemoñaa pewa.

San Lucas 1:34

Jayawe María jei araɨwa pe: “¿Këraita ra kua uyeyapo chewe? Echa’ä ndei etei ake kuimbae ndiwe,” jei chupe.

San Lucas 1:36

“Mase, nerëtara Elisabet, yepe tëi ukuakuaaete ma, erëi jae nunga ipurúa oï wi. Yepe tëi jei reta chupe imembɨ mbaei wae, erëitu owa yasɨ ma ipurúa oï.

San Juan 1:49

“Oporomboe wae,” jei Natanael, “añawe aikuaa nde ko jae Tumpa Taɨ. Nde ko jae oremburuwicha wasurä ndikota wae,” jei chupe.

San Juan 20:31

Erëi kua uyekuatía oï wae uyekuatía ko pe reta perowia waerä Jesús jae ko Cristo jei chupe reta wae jare Tumpa Taɨ etei ko. Jare jukuärái perowia jese yawe, penoita tekowe opa mbae wae jae imbaepuere rupi.

Hechos 8:36

Jare tape rupi yuraa rambuewe, oo uwäe reta ɨpa michi wae pe. Jare eunuco jei: “Ko oï ɨpa raɨ. ¿Mbae yembɨawái ra anoi ayembɨsakambuka waerä?” jei chupe.

Romanos 1:4

Jare Tumpa uikuaaka yandewe kua uyeyapo kuimbaerä wae, jae ko Taɨ wae. Echa’ä Espíritu Santo rupi Tumpa umbɨjekowe ye ueru umanokue wae reta ipɨte wi imbaepuere tuichaete wae rupi. Kua Tumpa Taɨ, jae ko yandeYa Jesucristo etei.

Gálatas 2:20

Echa’ä che arowia Cristo re ramo, cherekowe indechikue umano rami jokua kurusu re Cristo ndiwe. Jare ndarau ye ma aiko tenonde aiko rami, echa’ä añawe Cristo oï ma chepɨa pe. Jare añawe imeño cherekowe aï rambuewe, jekuaeño arowiata Tumpa Taɨ re. Echa’ä jae cherau jare uñemee umano waerä cheré.

Efesios 2:3

Jare pe judío mbae piko wae retaño’ä ko jukuärái pikose, echa’ä ore judiorä nduiko wae jukuärái wi nduikose. Añetete opaetei yande jukuärái yaikose ndei yarowia Jesucristo re mbowe. Yande yaikose yae wae rupiño, jare jekuaeño yayapo mbaembae kachi wae yandepɨayemɨngeta jei wae rupiño. Jáeramo kua yandereko indechikue jeko pewa, jupi ko Tumpa uiporaraka yandewe waerä tëi opaete ïru wae reta pe uiporarakata oï wae rami.

Hebreos 4:15

Kua yandesacerdote tenondewaete umae yanderé yandeparareko rewe ñanepɨräta’ä ñaï yawe, echa’ä jae uikuaa kërái ko jokua ñanepɨräta’ä wae. Echa’ä kua ɨwɨ pe iko rambuewe, ou Jesús pe opa kërái rupi uyawɨka waerä tëi chupe Tumpa kotɨ wae yande rami. Erëi jae pëti wese awe uyawɨ'ä Tumpa kotɨ.