San Lucas 1:33 - Biblia

³³ “Jae ikota Jacob iñemoñaa reta imburuwicha wasurä jaeño mái pewa. Jare jae imbaepuere mburuwicha wasu pewa ndarau etei opa,” jei araɨwa María pe.

Guaraní Pe (Western): Simba

³³ Jare jae icota Jacob iñemoñaa reta juvicha guasurã jaeño mai pegua. Jare jae iporoyocuia ndarau opa —jei ángel chupe.

San Lucas 1:33 Iomraidhean Croise

2 Samuel 7:13

Jae ko uyapokata chewe pëti tëta, joko pe cheree umbutuicha reta waerä. Jare jae chekotɨ uyawɨ yawe, che aiporarakata chupe pëti tu uinupa taɨ rami. Erëi jekuaeño aipararekota, jare ndarau ambɨsɨrɨ chuwi aiparareko wae kërái Saúl wi ambɨsɨrɨ wae rami. Echa’ä anoe Saúl numbɨjee waerä Israel pewa reta imburuwicha wasurä. Jare nderaɨ iñemoñaa ipɨte wi ikota mburuwicha wasurä jaeño mái pewa. Che aikota chupe tuurä jare jae ikota cheraɨrä.

2 Samuel 7:16

Jayawe nde jare niñemoñaa jekuaeño pikota mburuwicha wasurä jaeño mái pewa.’ Jukuärái ere David pe,” jei Tumpa Natán pe.

Isaías 9:7

Jae onoita tamɨkue David imbaepuere mburuwicha wasu pewa. Jae imbaepuere uyembutuichaeteta opaete ɨwɨ rupi jare ndarau etei opa. Jáeramo ɨwɨ pewa reta yurekota ipɨakatu rewe jaeño mái pewa. Jae uyapo ñotái ikawi wae jupi wae rupi. Jukuärái uyeyapota, echa’ä Tumpa imbaepuere tuichaete wae ipɨakɨrëɨ rewe uyapota ramo.

San Mateo 1:1

Yambɨpɨ kuärái kua tupapire pe tee reta. Kua tee reta jae ko Jesucristo iyɨpɨ reta. Jesucristo ko jae David iñemoñaa pewa jare Abraham iñemoñaa pewa wi.

San Mateo 28:18

Jayawe Jesús oya ou jese reta, jare jei chupe reta kuärái: “CheRu umee ma chewe opaete mbaepuere ara pe ñonoï wae reta re jare ɨwɨ pe ñonoï wae reta re,” jei chupe reta.

San Lucas 1:34

Jayawe María jei araɨwa pe: “¿Këraita ra kua uyeyapo chewe? Echa’ä ndei etei ake kuimbae ndiwe,” jei chupe.

Romanos 9:6

Jayawe yepe tëi Tumpa jei judío tamɨkue reta pe kërái jae reta iñemoñaa reta uyekouta yureko opaete kua mbaembae ikawi wae re, erëi añawe yaecha ñaï mbaetɨ jeta jae reta uyekou ñonoï. ¿Aramoi uyawɨ ra Tumpa mbaembae jei uyapota iko chupe reta wae? Mbaetɨ etei. Echa’ä mbaetɨ ko opaetei Israel iñemoñaa reta ko jae Israel iñemoñaa pewa añetete wae Tumpa jowai.

Gálatas 3:29

Jare pe reta Cristo pewa yawe, Abraham iñemoñaa reta pewa rami ko wi, echa’ä Cristo ko jae Abraham iñemoñaa. Jáeramo pe reta wi piyekouta peï mbaembae ikawi wae re Tumpa jei umeeta oï Abraham pe wae.

Gálatas 6:16

Jare Tumpa tumbɨpɨakatu jare tuiparareko opaete kua tekowe ipɨau wae rupi yureko wae reta – jae reta ko Tumpa pewa añetete wae reta.

Filipenses 3:3

Echa’ä yande reta ko jae Tumpa imaerä añetete wae. Yande reta ko yambutuicha Tumpa jee Espíritu Santo rupi. Jare mbaetɨ yayeko ñaï yandiyé jare mbaembae yayapo wae re ñanoi waerä tekowe opa mbae wae. Jaeño yayeko ñaï mbaembae Jesucristo uyapo yandewe wae re, jare jokua re ko yayemɨngeta.

Hebreos 1:8

Erëi Tumpa jei Taɨ pe kuärái: “Nde ko jae Tumpa etei, jare nembaepuere mburuwicha wasu pewa ndarau etei opa. Jekuaeño ndiyapota jupi wae rupi.

Apocalipsis 11:15

Jare joko wi ïru araɨwa umɨñee jemimbɨ wasu. Kua re chiu ma umɨñee. Jare umɨñee yawe, aramoiño uyendu ara pe jeta wae reta täta usapɨkai rewe jei reta kuärái: “Añawe wiwe yandeRu Tumpa jare yandeYa Cristo ikota opaete kua ɨwɨ imburuwicha wasurä jaeño mái pewa. Jare imbaepuere mburuwicha wasu pewa ndarau etei opa,” jei reta.