San Lucas 1:32 - Biblia

³² Jae onoita mbaepuere tuicha wae, jare ïru wae reta jeita chupe Tumpa imbaepuere tuichaete wae Taɨ. Jare Tumpa ikoño mái wae uyapota iko waerä Israel pewa reta imburuwicha wasurä jae tamɨkue David rami,” jei chupe.

Guaraní Pe (Western): Simba

³² Jae güɨnoita mbaepuere tuicha vae, jare jeeta co Tumpa Taɨ. Jare yandeYa Tumpa uyapota Israel pegua reta juvicha guasurã itenondegua David rami —jei—.

San Lucas 1:32 Iomraidhean Croise

2 Samuel 7:16

Jayawe nde jare niñemoñaa jekuaeño pikota mburuwicha wasurä jaeño mái pewa.’ Jukuärái ere David pe,” jei Tumpa Natán pe.

San Mateo 1:1

Yambɨpɨ kuärái kua tupapire pe tee reta. Kua tee reta jae ko Jesucristo iyɨpɨ reta. Jesucristo ko jae David iñemoñaa pewa jare Abraham iñemoñaa pewa wi.

San Mateo 12:42

“Jae ramiño wi, uwäe yawe ara piyemboɨ waerä Tumpa jowai, imeta ambɨe wae pembɨjeko oï wi, pe añawe peï wae reta,” jei chupe reta. “Jae ko kuña mburuwicha wasu arakae iko sur kotɨ wae. Echa’ä jae ou mbɨrɨete ye wi uyapɨsaka waerä mburuwicha wasu Salomón iyarakuaa re. Erëi yepe tëi che chearakuaa katuete ye ko Salomón wi, erëi pe reta piyapɨsaka’ä chiñee re,” jei Jesús chupe reta.

San Mateo 28:18

Jayawe Jesús oya ou jese reta, jare jei chupe reta kuärái: “CheRu umee ma chewe opaete mbaepuere ara pe ñonoï wae reta re jare ɨwɨ pe ñonoï wae reta re,” jei chupe reta.

San Mateo 3:11

“Che pumbɨsakambu ɨ pe yaechaka waerä peya ma ko pepɨayemɨngeta jupi mbae wae Tumpa rewa,” jei chupe reta. “Erëi cheraɨkue rupi outa pëti wae imbaepuerete chewi wae. Jare che jupi’ä etei ko ipɨpasa mii yepe araa waeräwe,” jei. “Che pumbɨsakambuño ko aï ɨ pe, erëi jae peñonota pëti pëti wae piko waerä pëti ramiño iyé etei Espíritu Santo rupi. Erëi peya’ä yawe pepɨayemɨngeta jupi mbae wae, jae uiporarakata oï pewe tata pe,” jei chupe reta.

Marcos 14:61

Erëi Jesús kïiño. Jei’ä mbae awe. Jayawe sacerdote tenondewaete upɨrandu ye chupe: “¿Nde pa ko jae Cristo yae chupe wae? ¿Nde pa ko jae Tumpa yambutuicha wae Taɨ?” jei chupe.

Marcos 5:7

Jayawe Jesús jei aña pe: “Nde aña, eë kua kuimbae wi,” jei chupe. Jayawe kuimbae jei Jesús pe iñeeäta rewe: “Jesús, Tumpa imbaepuere tuichaete wae Taɨ, ¿mbae pa ndeyu ndeka kua pe? Ere chewe Tumpa jowake awɨye waerä ndiporaraka chewe,” jei chupe.

San Lucas 1:15

echa’ä Tumpa umaeta jese pëti kuimbae jeräkua wae rami,” jei. “Nderaɨ awɨye etei tou vino jare ipotawe mbae upurumbɨsawɨpo wae. Añetete nderaɨ ichɨ jɨe pe oï wiwe imeta onoi Espíritu Santo imbaepuere,” jei chupe.

San Lucas 1:35

Jayawe araɨwa jei chupe: “Espíritu Santo outa nderé, jare Tumpa imbaepuere tuichaete wae rupi ndepuruata neï kuri. Jáeramo nemembɨ oa yawe, jeita chupe reta Tumpa Taɨ jupiete ye wae,” jei chupe.

San Lucas 1:76

Joko wi Zacarías jei taɨ mii pe kuärái: “Nde, cheraɨ mii,” jei chupe. “Tumpa imbaepuere tuichaete wae etei neñono jae iñee nemɨmbeu waerä. Echa’ä nde rani ndeota neï yandeYa wi nemɨmbeu waerä opaete wae pe yandeYa iwäe ara koiñoete ma oï wae.

San Lucas 3:16

Jáeramo Juan jei chupe reta: “Che pumbɨsakambuño aï ɨ pe. Erëi outa pëti wae imbaepuerete chewi wae. Jare che jupi’ä etei ko ipɨpasa ïcha mii yepe ayora waeräwe,” jei. “Che pumbɨsakambuño ko aï ɨ pe, erëi jae peñonota pëti pëti wae piko waerä pëti ramiño iyé etei Espíritu Santo rupi. Erëi peya’ä yawe pepɨayemɨngeta jupi mbae wae, jae uiporarakata oï pewe tata pe,” jei chupe reta.

San Lucas 6:35

“Erëi pe reta imeta ko peau perowaicho reta, jare piyapo ikawi wae chupe reta. Piporuka wi pembaembae chupe reta peäro mbae rewe umɨñatima waerä pewe jokua re,” jei. “Jukuärái piyapo yawe, Tumpa tuicha umɨñatimata oï pewe kuri, jare uyekuaata pe reta ko jae Tumpa imbaepuere tuichaete wae taɨ reta añetete wae,” jei. “Echa’ä Tumpa ipɨakawi oï opaete pewarä, yepe tëi jeta wae reta umee’ä etei yasurupái chupe jare jeko kachi wi.

San Juan 12:34

Jayawe jae reta jei Jesús pe: “Nde ndere tëi neï ndeyupe ‘che kuimbaerä ayeyapo wae.’ Erëi ¿mbae ra jokua uipota jei? Ore nduikuaa Cristo ndoe chupe wae ou yawe, jae upɨtata oï jaeño mái pewa, echa’ä jukuärái Tumpa iñeerɨru pe uyekuatía oï. Jayawe nde ko jae Cristo yawe, ¿këraita pa nde ndere neï orewe, ‘chekututa ñonoï kurusu re jare chembɨyemboɨta cheñono reta’? Kua pe opa orembopa neï,” jei reta Jesús pe.

San Juan 6:69

Jare wi ore ndorowia ko nderé jare nduikuaa ndeeño ko jae Tumpa Taɨ jupiete wae,” jei Pedro Jesús pe.

Hechos 16:17

Jayawe kuñatái umbɨpɨ uwata oreraɨkue rupi, jare usapɨkai rewe jei pɨi: “Kua kuimbae reta uyeyokui Tumpa imbaepuerete wae pe. Jae reta umɨmbeu ñonoï yandewe kërái yandepuere ñanoi waerä tekowe opa mbae wae Tumpa ndiwe,” jei.

Hechos 2:30

Erëi Tumpa jei David pe kuärái: ‘Che etei tae ndewe, pëti niñemoñaa reta ipɨte wi ikota mburuwicha wasurä jaeño mái pewa.’ Jukuärái jei Tumpa chupe, jare yaikuaa jokua David iñemoñaa ko jae Cristo yae chupe wae. Jare David uikuaa iko wi, echa’ä Tumpa uiparawo David uikuaaka chupe waerä Tumpa uyapota iko wae,” jei.

Hechos 2:36

“Jayawe aipota pe cherëtara Israel pewa reta pikuaa kawi waerä kua re: kua Jesús pe reta pikutuka jare piyukaka wae, Tumpa uyapo ma opaete mbaembae iYarä jare Upuruepɨ waerä.” Jukuärái jei Pedro chupe reta.

Hechos 7:48

“Erëitu yaikuaa ñaï Tumpa imbaepuerete wae iko’ä pëti tëta kuimbae uyapo wae pe. Echa’ä Tumpa arakae jei iñee umɨmbeu wae Isaías rupi kuärái:

Romanos 1:4

Jare Tumpa uikuaaka yandewe kua uyeyapo kuimbaerä wae, jae ko Taɨ wae. Echa’ä Espíritu Santo rupi Tumpa umbɨjekowe ye ueru umanokue wae reta ipɨte wi imbaepuere tuichaete wae rupi. Kua Tumpa Taɨ, jae ko yandeYa Jesucristo etei.

Apocalipsis 3:7

Jare yandeYa jei wi chewe: “Ime pëti araɨwa uyandareko oï opaete cheré wɨrowia wae reta re tëta wasu Filadelfia pe. Ikuatía chupe kua chiñee kuärái: ‘Che ko jae Jupiete wae jare Añetete pewa. Cheeño ime anoi tëta wasu Jerusalén ipɨau wae jöke illave, kërái arakaete mburuwicha wasu David jëta wasu illave wɨreko wae rami. Jáeramo che aipea yawe jokua öke, ndarau kía ipuere uyukenda ye. Jae ramiño wi che ayukenda yawe jokua öke, ndarau kía ipuere uipea ye.