San Lucas 1:20 - Biblia

²⁰ “Kua amɨmbeu ndewe wae uyeyapota ko ara Tumpa uiparawo wae ou uwäe yawe. Erëi nde nderowia’ä che jae ndewe wae ramo, añawe ndepɨtata neï niñee mbae jokua ara uwäe rewa,” jei araɨwa Zacarías pe.

Guaraní Pe (Western): Simba

²⁰ Mase, niñeeta'ã ndepɨta cua amɨmbeu ndeve vae uyeyapo regua. Echa'ã nderovia'ã che jae ndeve vae. Ẽrei che jae ndeve vae uyeyapota co ara ou uyeyapo vaerã yave —jei.

San Lucas 1:20 Iomraidhean Croise

Éxodo 4:11

Jayawe Tumpa jei Moisés pe: “¿Kía pa uyapo ɨwɨ pewa reta iyururä? ¿Kía pa uyapo iyapɨsa mbae wae jare iñee mbae wae? ¿Kía pa umee ɨwɨ pewa reta pe jesarä jare uyapo jesa mbae wae? Jaeño che, ndeTumpa, chepuere ayapo,” jei chupe.

Números 20:12

Erëi Tumpa pochɨ rewe jei Moisés jare Aarón pe: “Pe reta piyapo’ä che jae pewe wae chererowia katu’ä ramo, jare jukuärái pechaka’ä chembaepuere Israel iñemoñaa reta jowai. Jáeramo añawe peraata’ä Israel iñemoñaa reta jokua ɨwɨ ikawiete wae pe,” jei chupe reta.

Marcos 16:14

Kua jaɨkue rupi Jesús uyechaka once jemimboe tenondewaete reta pe etei jae reta ukaru yureko rambuewe. Jare umbɨeta chupe reta, echa’ä jae reta ipɨatäta ramo. Echa’ä ïru wae reta uecha Jesús ikowe ye ou umanokue wae reta ipɨte wi, jare umɨmbeu tëi jemimboe reta pe. Erëi jesewe jae reta uipota’ä wɨrowia.

Marcos 9:19

Jayawe Jesús jei joko pe ñonoï wae reta pe: “¿Marái mbate ra pe reta perowia kawi’ä cheré? Chembɨkueri ma peï perowia mbae cheré wae. ¿Kërái yawe rewa ra arupɨata pewe? Peru chewe kua pe jokua kunumi raɨ,” jei chupe reta.

San Lucas 1:19

Jayawe araɨwa jei Zacarías pe: “Che ko jae Gabriel. Che ayemboɨ Tumpa jowai etei ayeyokui waerä chupe. Tumpa chembou amɨmbeu waerä ndewe kua ñee ikawi wae,” jei chupe.

San Lucas 1:21

Jokua rambuewe oka pe ñonoï wae reta uäro ñonoï Zacarías oë waerä tupao wasu wi. Jare ipɨakañɨ reta Zacarías ɨma upɨta tupao wasu japɨpe ramo.

San Lucas 1:22

Erëi Zacarías oë yawe, ipuere’ä omoë iñee chupe reta. Jaeño uyemɨngeta ipo pe chupe reta. Jáeramo jae reta uikuaa Zacarías uecha ko mbae ambɨe ye wae tupao wasu japɨpe.

San Lucas 1:45

“Ndiyekouete neï, echa’ä nde nderowia Tumpa uyapota ko jae jei uyapota ndewe wae,” jei Elisabet María pe.

San Lucas 1:64

¡Jare jupiwoiño Zacarías ipuere ye omoë iñee! Jayawe umbɨpɨ umbutuicha Tumpa jee.

Romanos 3:3

Erëi aramoi kía jeita: “Jukuärái tëi añetete. Erëi amokue yande judío yaiko wae reta yarowia’ä Tumpa iñee re. Jáeramo Tumpa ndarau uyapo mbaembae jae jei uyapota tëi yanemaerä wae.” Jukuärái ipuere jei tëi kía. Erëi ¿añetete ra Tumpa ndarau uyapo jae jei yandewe wae?

2 Timoteo 2:13

Jare yepe tëi amo pe yayapo’ä jupi jae jei yandewe wae rupi, erëi jesewe jae jekuaeño jupi uyapo yandewe opaete jae jei wae, echa’ä jukuärái ko jae, jare jae uyembɨambɨe’ä etei.

Tito 1:2

Jae reta wɨrowia kawi yawe Cristo re jare yemboe añetete wae uikuaa kawi reta yawe, wɨrowia katu rewe uärota ñonoï tekowe opa mbae wae. Echa’ä ndei ɨwɨ uyembɨpɨ mbowe, Tumpa jei umeeta oï yandewe tekowe opa mbae wae. Jare Tumpa ndarau etei iyapu yandewe.

Hebreos 6:18

Jukuärái Tumpa jei jare jae iyapu’ä etei ko. Jáeramo yandepuere yarowia katu Tumpa uyapo waerä jokua jae jei yandewe wae. Jayawe yande reta Tumpa re ñañepɨ̈ro ñaï wae, kua mbaembae ñanemɨatangätuete jekuaeño ñaäro waerä yarowia katu rewe Tumpa jei wae opaetei.

Apocalipsis 3:19

Jukuärái che jae, echa’ä che ambɨeta jare aiporaraka au wae reta pe ambɨarakuaa waerä. Jáeramo peya pepɨayemɨngeta jupi mbae wae jare piyeyokui chewe peratangätu rewe.