San Lucas 1:17 - Biblia

¹⁷ Jae ikota Tumpa iñee arakae umɨmbeu wae Elías rami, jare onoita mbaepuere Elías wɨreko wae rami,” jei. “Jare jae oota oï tenonde uyapɨkatu waerä yandeYa iwäe ara pewarä. Echa’ä jae iñee rupi tu reta uyeapɨkatuta isambiaɨ reta ndiwe. Jare jukuärái wi kía kía tenonde yawe Tumpa jei wae uipota’ä uyandu wae reta uyapɨsakata oï reta jese. Jayawe iyarakuaa katuta ñonoï jare uyapota reta jupi wae,” jei. “Jukuärái nderaɨ uyapota oï Israel pewa reta uyeyapɨkatu waerä yandeYa iwäe ara pewarä,” jei araɨwa Zacarías pe.

Guaraní Pe (Western): Simba

¹⁷ Jae oota yandeYa jenonde uauca vaerã tu reta pe isambiaɨ reta jare Tumpa jei vae uyapo'ã vae reta uyeyapo vaerã iyaracuaa vae retarã jare jupi vae retarã. Jucuarãi uyapota, Israel pegua reta uãro vaerã yandeYa. Jae icota Elías icose vae rami jare güɨnoita mbaepuere Elías güɨnoise vae rami —jei ángel Zacarías pe.

San Lucas 1:17 Iomraidhean Croise

San Mateo 11:14

“Yaikuaa kawi ñaï, Tumpa iñeerɨru pe jei ndei Upuruepɨ wae ou mbowe tenonde ou yeta rani Elías. Jare kua che jae pewe wae pipota perowia yawe, Juan ko jae jokua Elías jei chupe wae Tumpa iñee arakae umɨmbeu wae reta jei outa iko wae,” jei.

San Mateo 3:3

Kua Juan ko jae jokua uyekuatiaño mái iko Tumpa iñeerɨru pe jesewa wae. Echa’ä pëti kuimbae Tumpa iñee arakae umɨmbeu wae Isaías jee wae umɨmbeu mbaembae Juan uyapota iko wae rewa kuärái: “Jae oïta ɨwɨtini wasu rupi, jare jeta wae reta yuraata jae oï wae pe. Jare jae usapɨkai rewe jeita chupe reta kuärái: ‘Piyerowa jare piyeyapɨkatu yandeYa kotɨ, echa’ä koiñoete ma oï yandeYa iwäe ara,’ jeita.” Jukuärái jei arakae Isaías Juan rewa.

San Mateo 3:4

Jare Juan jemimonde mbaemɨmba camello jee wae jawe pewa ko, jare jumbɨkuaa ko wakapi pewa. Jare jembiu ko jae tuku jare ei ñana rupiwa.

San Lucas 1:16

“Jare nderaɨ ukuakuaa ma yawe, umbɨyerowa yeta oï jeta Israel pewa reta yandeYa Tumpa kotɨ.

San Lucas 1:76

Joko wi Zacarías jei taɨ mii pe kuärái: “Nde, cheraɨ mii,” jei chupe. “Tumpa imbaepuere tuichaete wae etei neñono jae iñee nemɨmbeu waerä. Echa’ä nde rani ndeota neï yandeYa wi nemɨmbeu waerä opaete wae pe yandeYa iwäe ara koiñoete ma oï wae.

San Juan 1:13

Jae reta ko jae Tumpa taɨ reta, echa’ä Tumpa etei uyapo reta jukuärái ramo. Mbaetɨ uyeyapo reta jukuärái kua ɨwɨ pewa reta jeko rupi – jae ko tu jare ichɨ uipota uñemoña ramo.

San Juan 3:28

“Jare wi pe reta pikuaa kawi peï che jae pewe wae, ‘Che jae’ä ko Cristo yande yae chupe wae. Jaeño ko Tumpa che rani chembou chuwi,’ jae ma pewe.

Hechos 10:33

“Jáeramo jupiwoiño amondo ndekotɨ, jare ore nduyerowiaete noï ndeyu wae re. Ore nduikuaa yandeYa umee ma ndewe ñee nemɨmbeu yuapɨ ye waerä orewe. Jare añawe opaete ore kua pe noï Tumpa jowai nduyapɨsaka waerä nderé,” jei Cornelio Pedro pe.

Romanos 9:23

Jukuärái Tumpa uyapo, echa’ä jae uipota ïru wae reta uecha waerä imbaepuere tuichaete ye wae jokua ara jae uitɨ yawe iarasɨ wasu jowaicho reta re. Jare jokua ïru wae reta ko jae Tumpa uiparareko wae reta. Jae reta Tumpa uipota uyekou waerä jae imbaepuere jupiete ye wae re, echa’ä jokua ko jae ipɨayemɨngeta iyɨpɨ wiwe.

Colosenses 1:12

Jare pemeeta wi yandeRu pe yasurupái, echa’ä jae peñono tee ma jae imaerä, jare ime onoi pemaerä mbaembae ikawiete ye wae umee waerä pewe kuri. Jayawe pe reta tuicha rupi piyekouta peï jokua ara opaete Cristo re wɨrowia wae reta tembipe pe ñonoï wae reta ndiwe.

2 Timoteo 2:21

Jae ramiño wi yande pëti pëti wae ime ñanoi yandereko ikawi wae jare yandereko kachi wae. Erëi yaeya yawe yandereko kachi wae, yande reta ko jae jokua mbaembae jɨru jepɨete wae rami. Jare yandeYa ñaneñono teeta jae imaerä ipuere waerä yandeporu mbaembae ikawiete wae pewarä.

1 Pedro 2:9

Erëi pe reta ko jae Tumpa uiparawo wae reta. Pe reta ko jae sacerdote reta piyeyokui peï yaneMburuwicha wasu ara pewa pe. Jare Tumpa peñono tee ma pe reta piko waerä jae imaerä, pemɨmbeu waerä kërái jokua jae uyapo wae ikawiete ye ko. Echa’ä tenonde yawe pikuaa’ä piko añetete wae Tumpa rewa jare jukuärái pikose pɨ̈tumimbi pe rami. Erëi añawe jae uyekuaaka ma pewe, jare jukuärái pereni ma ikotɨ jokua pɨ̈tumimbi wi piko waerä tembipe ikawiete wae pe.

1 Juan 2:28

Jayawe cheraɨ mii reta puau wae, jekuaeño piñemɨïru kawi Jesucristo ndiwe. Echa’ä jukuärái yayapo yawe, ndarau yayepokouka jokua ara Cristo ou ye yawe. Ñaïta jae jowai yayerowia rewe jare ñanemara mbae rewe.

Apocalipsis 20:4

Jare aecha wi jeta mburuwicha reta iwapɨa jare joko pe uwapɨ ñonoï wae reta. Tumpa umee chupe reta mbaepuere mburuwicha wasurä yureko waerä. Jare aecha wi jeta umanokue wae reta joko pe ñonoï. Jae reta umɨmbeu kawise Tumpa iñee jare Cristo rewa. Jare umbutuicha’ä reta jokua bestia jee re jare umbɨadora’ä reta jae jaanga re. Jare mbaetɨ onoi reta wi bestia imarka jesɨwa re jare ipo re. Jáeramo bestia uyayuasɨaka reta kɨsepuku pe. Erëi Tumpa umbɨjekowe ye ueru reta umanokue wae reta ipɨte wi. Jare jae reta onoita mbaepuere Cristo ndiwe miri año pewa. Jae reta rani ko jae Tumpa umbɨjekowe ye wae. Erëitu ïru umanokue wae reta ikowe yeta’ä jokua miri año uasa rewa.