San Lucas 1:13 - Biblia

¹³ Jayawe araɨwa jei chupe: “Awɨye ekɨye, Zacarías,” jei. “Tumpa uyandu ma ndewe ndiyerure chupe wae, jare nembireko Elisabet imembɨta ndewe pëti kuimbae mii. Jare nde nembɨjeeta Juan,” jei.

Guaraní Pe (Western): Simba

¹³ Ẽrei ángel jei chupe: —Agüɨye equɨye, Zacarías. Tumpa uyandu ma ndiyerure, jare nembireco Elisabet imembɨta ndeve cuimbae. Jare nembɨjeeta Juan —jei—.

San Lucas 1:13 Iomraidhean Croise

Génesis 17:19

Jayawe Tumpa jei chupe: “Kua yemɨngeta ayapo nde ndiwe wae, jae’ä ko Ismael pewarä. Echa’ä Sara etei imembɨta nemaerä jare nembɨjeeta Isaac. Jae jare iñemoñaa reta pewarä ko kua yemɨngeta jaeño mái pewa ayapo nde ndiwe wae,” jei chupe.

Génesis 18:14

“Che ko jae Tumpa aikoño mái wae. Mbaetɨ ko mbae yawái chemaerä. Kërái che jae ndewe rami, ayu yeta apou aï ndepɨ kua wi ïruwe año pe. Jare Sara imeta ma imembɨ kuimbae,” jei Tumpa Abraham pe.

Génesis 25:21

Erëi Rebeca mbaetɨ imembɨ, echa’ä ipuere’ä imembɨ ramo. Jáeramo Isaac uyerure täta rupi Tumpa pe jembireko re. Jayawe Tumpa umee chupe jae uyerure wae rupi jare Rebeca ipurúa chowakiri reta.

San Mateo 1:21

“María imembɨta oï pëti kuimbae jare nde nembɨjeeta jokua sambiaɨ Jesús. Echa’ä yepe tëi opaete wae uyawɨ Tumpa kotɨ jare ime onoi reta teko Tumpa jowai, erëi Jesús uepɨta oï kía kía jae imaerä iko wae reta,” jei araɨwa José pe.

San Mateo 14:27

Erëi jupiwoiño Jesús omondo chupe reta iñee: “Piyembɨpɨakatu. Awɨye pekɨye. Che ko,” jei chupe reta.

San Mateo 28:5

Jayawe araɨwa jei kuña reta pe: “Awɨye pekɨye,” jei. “Aikuaa pe reta peka peï Jesús umano kurusu re wae.

Marcos 16:6

Jayawe kunumi jei chupe reta: “Awɨye pekɨye,” jei. “Aikuaa pe reta peka peï Jesús Nazaret pewa umano kurusu re wae. Jae ikowe ye ma ou umanokue wae reta ipɨte wi. Mbaetɨ ma kua pe oï. Mase, pemae jendakue re,” jei chupe reta.

San Lucas 1:14

“Jare nde tuicha ndiyerowiata neï kuri. Jare jeta wi uyerowiata nde ndiwe jae oa wae rewa,

San Lucas 1:30

Jayawe araɨwa jei chupe: “Awɨye ekɨye, María. Echa’ä Tumpa uyerowia umae nderé,” jei chupe.

San Lucas 2:21

Jayawe sambiaɨ mii juri ara ma onoi yawe, ichɨ jare tu umbɨcircuncidaka. Jare umbɨjee reta Jesús, echa’ä jukuärái araɨwa umɨmbeu María pe umbɨjee waerä ndei María ipurúa mbowe.

Hechos 10:31

“Jare jae chereni jare jei: ‘Cornelio, Tumpa uyapɨsaka ndiyerure chupe wae re, jare uecha wi nemee mbaembae ikuasɨ wae reta pe.