San Lucas 1:1 - Biblia

¹ Chemburuwicha Teófilo, ikawiete ko kua ara reta rupi mbaembae uasa wae. Jare jeta wae reta uikuatía wae rupi umɨmbeu ma yandewe kua mbaembae rewa.

Guaraní Pe (Western): Simba

¹ Jeta vae umɨmbeu ma uicuatía reve opaete yandepɨte pe uyeyapo vae regua.

San Lucas 1:1 Iomraidhean Croise

Marcos 16:20

Jayawe jemimboe reta opa yuraa umɨmbeu Tumpa iñee opaete kerupi rupi. Jare yandeYa umee chupe reta mbaepuere uyapo waerä mbaembae ipuere’ä ambɨe kuimbae reta uyapo wae. Jare jukuärái jae uikuaaka opaete wae pe añetete wae ko jemimboe reta jei wae. Jaeño ma.

San Juan 20:31

Erëi kua uyekuatía oï wae uyekuatía ko pe reta perowia waerä Jesús jae ko Cristo jei chupe reta wae jare Tumpa Taɨ etei ko. Jare jukuärái perowia jese yawe, penoita tekowe opa mbae wae jae imbaepuere rupi.

Romanos 14:5

Ïru yembɨjaanga. Amokue wae Cristo re wɨrowia wae reta oñono tee iyupe pëti ara ikawiete ye ïru ara reta wi Tumpa pewarä. Jare ïru wae reta jei opaetei ara reta oyowakeño ko Tumpa pewarä. Erëi pëti pëti wae tuikuaa kawi iyupe maera ra jukuärái wɨrowia ñonoï.

Romanos 4:21

Abraham wɨrowiaete Tumpa imbaepuerete ko uyapo waerä opaete mbaembae jae jei uyapota iko wae.

Colosenses 2:2

Echa’ä aipotaete pe reta pekɨrëɨ waerä jare piko waerä pëti ramiño piyerau päwe rewe. Jare aipota wi pe reta pikuaa kawi waerä jokua ñee Tumpa tenonde yawe uikuaaka’ä Cristo rewa wae, jare jukuärái pepɨakatu waerä añetete pewa.

Colosenses 4:12

Jare jae nunga wi perëtáɨwa Epafras omondo oï pewe saludo. Jae uyeyokui kawi oï Jesucristo pe. Jare jae jekuaeño täta rupi uyerure oï Tumpa pe peré pepɨräta waerä Tumpa kotɨ jare pikuaa kawi waerä opaete Tumpa uipota wae.

1 Tesalonicenses 1:5

Echa’ä numɨmbeu pewe yawe ñee ikawi wae Cristo rewa, ore nduyendu kërái Espíritu Santo oremɨmbaepuere iko wae. Ore nduyemɨngetaiño’ä ko. Jare pe reta pikuaa jokua numɨmbeu pewe wae añetete ko. Jare pemae oreré yawe, pe reta pikuaa piko orereko ikawi ko jare jaeño ore nduipota ikawi wae pemaerä.

1 Timoteo 3:16

Jare ikawiete ye ko kua yemboe, echa’ä uikuaaka yandewe kuärái: Jae ikoño mái wae uyeyapo kuimbaerä. Espíritu Santo uikuaaka kawi yandewe jae ko Tumpa Taɨ wae. Araɨwa reta uecha uyerowia rewe. Uyemɨmbeu jesewa opaete kerupi. Jare jeta wae reta wɨrowia jese. Jare Tu wɨraa ye ara pe oï waerä jae ndiwe. Jukuärái jokua yemboe añetete wae uikuaaka yandewe.

2 Timoteo 4:17

Erëi yandeYa chemborɨ jare chemɨmɨräta kawi amɨmbeu waerä jupi rupi ñee ikawi wae opaete wae pe. Jukuärái jeta judío mbae wae reta uyandu ma jokua ñee ikawi wae yandeYa rewa. Jare kërái kía uepɨ pëti sambiaɨ yawa ipo wi wae rami, yandeYa cherepɨ mano wi.

Hebreos 10:22

Cristo opa ma yandepɨa oyoe awɨye waerä yandepɨa jekuaeño yanembɨjeko mbaembae kachi yayapo wae re. Jare kërái sacerdote reta jete oyoe ipuere waerä uyeyokui Tumpa pe rami, jukuärái wi Cristo opa yandepɨayoe Tumpa kotɨ ɨ jesäka kawi wae pe rami ko. Jáeramo Cristo opa ma uyapo yandewe kua mbaembae reta ramo, yaya mii Tumpa re yandepɨa añetete rewe jare yarowia katu rewe.

Hebreos 6:11

Jare che aipota pe reta jekuaeño peratangätu kua mbaembae piyapo waerä perekowe opa rewa, jare penoi rewa opaete mbaembae ikawi wae añawe peäro peï wae.