Levítico 20:6 - Biblia

⁶ Tumpa jei Moisés pe kuärái: “Ipotawe kía ueka yawe upurumbusuerte wae reta jare kía jei ipuere uyemɨngeta umano wae reta iäkue ndiwe wae, chembae’ä ma ko. Jayawe che etei ayowaichota ikotɨ reta, echa’ä jae reta chereya ma kërái amokue kuña umenda wae ueya ime iko waerä ambɨe kuimbae ndiwe,” jei Tumpa Moisés pe.

Levítico 20:6 Iomraidhean Croise

Isaías 8:19

Aramoi kía jeita pewe: “Jokua kía jei ipuere uyemɨngeta umanokue wae reta iä ndiwe wae, pekua pepɨrandu chupe pembɨarakuaa waerä,” jeita pewe. Jare aramoi kía jeita pewe: “Pekua pepɨrandu upurumbusuerte wae reta pe pembɨarakuaa waerä.” Jukuäraita jei pewe aramoi. Erëi awɨye piyapɨsaka jese reta. Echa’ä umanokue wae reta ipuere’ä uikuaaka yandewe mbae yanderekowe ñanoi wae reta pe. Jekuaeño ikawi ko yaeka waerä Tumpa pe.

Levítico 19:31

Awɨye peka upurumbusuerte wae reta mbaembae uikuaaka pewe waerä. Jare awɨye peka wi kía jei ipuere uyemɨngeta umano wae reta iäkue ndiwe wae. Che ko jae peTumpa aikoño mái wae, jare piyapo jukuärái yawe, amaeta peré pepɨa ikɨa ma oï cherowai.’ Jukuärái ere chupe reta,” jei Tumpa Moisés pe.

Hechos 16:16

Pëti ara ore ndoo nduiko yawe jokua yerurerenda kotɨ, aramoiño nuñeñowäiti pëti kuñatái ndiwe. Jae ko pëti täta uyeyokui wae. Kua kuñatái umɨngana jeta korepoti iya reta pewarä, echa’ä pëti aña uyembɨiya ma jese jare umee chupe mbaepuere umɨmbeu waerä mbaembae uyeyapota oï wae rewa.