Levítico 17:11 - Biblia

¹¹ Tumpa jei Moisés pe: “Opaete tekowe onoi wae, tuwɨ re ko oï tekowe,” jei. “Jaeño tuwɨ uyepɨyere cherowai mbaerenda re wae ipuere umbɨpɨakatu chearasɨ teko kachi kotɨ anoi wae. Yepe tëi jupi ko peruwɨi uyepɨyere waerä pereko kachi re, jesewe amaeño aï peré pepɨyere waerä mbaemɨmba juwɨ pepepɨka pe,” jei chupe.

Levítico 17:11 Iomraidhean Croise

Génesis 9:4

“Erëi awɨye peu soo juwɨ rewe, echa’ä juwɨ re ko oï jekowe,” jei chupe reta.

Levítico 1:5

Jayawe tuyuka jokua toro Tumpa jowai. Jare pëti sacerdote Aarón taɨ reta ipɨte wi ueruta ko toro juwɨ Tumpa jowai. Jare uɨpita ko mbaerenda wasu tupao jöke jowai oï wae iyɨkeyɨke rupi toro juwɨ pɨpe.’ Jukuärái ere Israel iñemoñaa reta pe,” jei Tumpa Moisés pe.

San Mateo 20:28

“Jukuärái wi che kuimbaerä ayeyapo wae ayu’ä ko ïru wae reta uyeyokui waerä chewe. Che ayu ko ayeyokui waerä ïru wae reta pe jare amee waerä cherekowe jeta wae reta aepɨ waerä.” Jukuärái jei Jesús jemimboe reta pe.

San Mateo 26:28

Jare jei wi chupe reta umbɨjaanga rewe: “Kua ko jae cheruwɨ uyepɨyereta oï wae. Jukuärái uyeyapota Tumpa opa umbái waerä jeta wae reta wi mbaembae uyawɨ reta Tumpa kotɨ wae. Kua cheruwɨ pɨpe Tumpa uyapo oï pëti yemɨngeta ipɨau wae jae reta ndiwe,” jei.

Marcos 14:24

Jare Jesús jei wi chupe reta umbɨjaanga rewe: “Kua ko jae cheruwɨ uyepɨyereta oï wae. Kua cheruwɨ pɨpe Tumpa uyapo oï pëti yemɨngeta ipɨau wae jeta wae reta pewarä,” jei chupe reta.

Romanos 3:25

Tumpa ipɨayemɨngeta iko ombou waerä Cristo umano waerä mbaembae yayawɨ Tumpa kotɨ wae re, jare jukuärái umbɨpɨakatu waerä yandewe Tumpa iarasɨ tëi iko yandekotɨ wae. Añawe yarowia yawe Cristo re jare juwɨ uyepɨyere yanderé wae re, Tumpa opata oyoe yandewi teko ñanoi wae. Jare Tumpa añawe uikuaaka ma yandewe kërái ko jae jupi wae Cristo pe uiporaraka wae rupi. Echa’ä arakae rupi, uyawɨ reta Tumpa kotɨ yawe, Tumpa jeta wese ipɨawasu chupe reta jare uiporaraka’ä chupe reta jokua re. Jare aramoi kía ipuere tëi jei Tumpa jupi’ä ko, echa’ä jae mbaetɨ chawaa imandúa oï jae reta jeko kachi re.

Romanos 5:9

Jayawe jukuärái ko Tumpa yanderauete ye. Erëi ime ye mbae ikawi wae yaikuaa waerä. Yaikuaa ñaï yandeYa Jesús upɨyere juwɨ jare umano yanderé Tumpa ipuere waerä umae yanderé yandereko mbae wae rami. Jare jukuärái yawe, ¿këraita pa Tumpa iarasɨ oata oï yanderé kuri ara taɨkuewa pe? Ndarau etei ma.

Colosenses 1:14

Kua re yayekouta ñaï kuri, echa’ä yepe tëi yayawɨ Tumpa kotɨ, erëi Tumpa imandua’ä ma yandewe jokua re. Echa’ä Taɨ upɨyere juwɨ jare umano yanderé opa umbɨepɨ waerä jokua teko yareko Tumpa kotɨ wae.

Colosenses 1:20

Jare ime ye mbae yandeRu Tumpa uipota uyapo iko wae. Jae uipota iko uyapɨkatu jae ndiwe etei opaete mbaembae ɨwɨ pe oï wae jare ara pe oï wae wi. Jare jukuärái jae opa uyapo Taɨ Jesucristo juwɨ uyepɨyere wae rupi jae kurusu re iko rambuewe.

Hebreos 13:12

Jukuärái wi Jesús uiporara rewe umano tëta wasu oka pe. Jare jae juwɨ upɨyere wae rupi opa yandepɨayoe Tumpa kotɨ, jare jukuärái ñaneñono tee Tumpa pewarä.

Hebreos 9:22

Echa’ä Tumpa arakae jei wae rupi opaete seri uyeyoe oï Tumpa kotɨ tuwɨ pe. Jare mbaetɨ tuwɨ uyepɨyere yawe, Tumpa ndarau etei umbái mbaembae yayawɨ ikotɨ wae.

1 Juan 1:7

Erëi Tumpa ko jae arakuaa iYa, jare jokua arakuaa ko jae pëti tembipe rami yandewe. Jare yande yaiko yawe jokua arakuaa Tumpa umee yandewe wae rupi, jayawe yande ñañemɨïru kawita päwe rewe. Jare yandeRu Tumpa Taɨ Jesucristo juwɨ uyepɨyere wae jekuaeño yandeyoe oï Tumpa kotɨ. Echa’ä umbái oï yandewi mbaembae yayawɨ Tumpa kotɨ wae.

1 Juan 2:2

Jare jae etei ko uñemee umano waerä mbaembae yayawɨ Tumpa kotɨ wae re, jare jukuärái umbɨpɨakatu Tumpa iarasɨ tëi iko yandekotɨ wae. Jare yandereño’ä ko Cristo umano. Jae umano tëi ko wi opaete ɨwɨ pewa reta re.