Levítico 16:2 - Biblia

² “Ere nderɨkeɨ Aarón pe jaeño jokua ara che jae wae peño ipuere uike tupao joo jupiete ye wae japɨpe che jae wae yemɨmandúa jɨru oï wae pe,” jei. “Erëi ipotawe ara rupi jae uike yawe, umano woita, echa’ä che aïta amapɨ̈tu re jokua jɨru iyapeteka iáramo. Jare ndarau kiawe ipuere oya chembaepuere jupiete ye wae re, echa’ä umano woita,” jei.

Levítico 16:2 Iomraidhean Croise

2 Crónicas 5:14

Jare jokua amapɨ̈tu jeko pewa sacerdote reta ipuere yewɨ'ä uike reta tupao wasu japɨpe, echa’ä opa tɨnee Tumpa imbaepuere jupiete wae pe.

San Mateo 27:51

Jare aramoiño puyu tupao wasu joo umbɨyao pɨpe wae osoro mbɨte rupi ɨwate wi ɨwɨ kotɨ. Jare ɨwɨ ukäta, jare amokue itape reta owo.

Hebreos 6:19

Jokua mbae ikawi wae Tumpa jei uyapota yandewe wae, jae ko pëti chalana iyepɨtasoka rami yanemaerä. Echa’ä yanemborɨ awɨye waerä yapia Tumpa wi. Jare yande yayeko ñaï wi Jesucristo re. Jae rani ma oo tenonde yandewe Tumpa oï wae pe uyerure waerä yanderé. Echa’ä jae ko yandesacerdote tenondewaete Melquisedec rami jaeño mái pewa.

Hebreos 9:25

Jare Cristo mbaetɨ uyapo kërái sacerdote tenondewaete kua ɨwɨ pewa uyapo wae rami. Echa’ä sacerdote tenondewaete kua ɨwɨ pewa opa año rupi uruike mbaemɨmba juwɨ tupao joo jupiete ye wae pe. Erëi Cristo mbaetɨ uñemee jeta wese umano waerä.

Hebreos 9:3

Jare pëti puyu o umbɨyao pɨpe wae japɨpe kotɨ ime iko ïru o raɨ – jae ko o jupiete ye jee wae.

Hebreos 9:5

Jare jokua jɨru iyapeteka iáramo yureko mokui araɨwa reta echa rami ikawiete wae kerubín jee wae reta. Jae reta umbɨyasoi jɨru iyapeteka iáramo ipepo pe, kiape Tumpa uechaka Israel iñemoñaa reta pe uiparareko reta wae. Imeño oï tëi kua reta re jekuaeño yayemɨngeta waerä tëi jese. Erëi jae’ä ko kua aipota yayemboe jese waerä añawe.

Apocalipsis 15:8

Jare tupao wasu opa tɨnee Tumpa imbaepuere jembipete ye tatäti echa wae pɨpe. Jáeramo kiawe ipuere’ä uike tupao wasu pe ndei jokua chiu araɨwa reta opa uitɨ mbowe mbaesusere reta ɨwɨ pe.