Levítico 1:3 - Biblia

³ ‘Jare ueru yawe iwaka reta ipɨte wi uapɨka umee waerä Tumpa pe, Tumpa uyerowiata umae jese jae uyapo yawe kuärái: Tueru toro ipere mbaei wae tupao jöke jowai.

Levítico 1:3 Iomraidhean Croise

Génesis 22:13

Jayawe Abraham uyerowa umae jaɨkue kotɨ jare uecha pëti owecha kuimbae upäa iko jäti rupi ñana tëɨ wae ipɨte pe. Jayawe Abraham oyora taɨ. Jare oo uipɨsɨ ueru jokua owecha kuimbae jare oñono mbaerenda iáramo. Joko wi uyuka uapɨ umee waerä Tumpa pe taɨ Isaac ipepɨka pe.

Génesis 22:2

Jare Tumpa jei chupe: “Eraa Isaac, nderaɨ jae waeño ndeauete wae, jare ekua jae ndiwe ɨwɨ Moriah jee wae kotɨ,” jei. “Jare ndeo newäe yawe pëti ɨwɨtu wasu aikuaakata aï ndewe wae pe, joko pe iyuka nderaɨ. Jare eapɨ jetekue pëti mbaerenda ita pewa re nemee waerä chewe nderaɨ,” jei Tumpa Abraham pe.

Génesis 22:8

Jayawe Abraham jei chupe: “Tumpa etei ko umeeta yandewe owecha, cheraɨ mii,” jei chupe. Jare mokui rewe jekuaeño yuraa reta.

Génesis 8:20

Jayawe Noé uyapo pëti mbaerenda ita pewa oñono waerä iáramo mbaemɨmba uyukakue umee waerä Tumpa pe. Jare amokue mbaemɨmba reta jare wɨra reta Tumpa jei ikɨa mbae wae reta ipɨte wi, Noé uyuka jare uapɨ jokua mbaerenda iáramo umee waerä Tumpa pe.

Éxodo 12:5

“Pemɨmbeu wi chupe reta kuärái: ‘Kua mbaemɨmba imeta ko owecha ani kapura kuimbae ikawi wae pëti año onoi wae, jare imbaerasɨ mbae wae, jare ipere mbaei wae.

Éxodo 32:6

Jayawe pɨarewe pe ndei köe mbowe upüa Israel iñemoñaa reta, jare ueru mbaemɨmba reta uyuka uapɨ umee waerä Tumpa pe umbutuicha reta waerä tëi Tumpa jee. Ueru reta wi ïruwe mbaemɨmba reta uyuka umee waerä chupe uñemɨïru reta waerä tëi jae ndiwe. Jayawe uwapɨ reta tumparaanga jowai ukaru jare ukau reta waerä. Joko wi upüa jare uyapo reta mbae kachi wae imara mbae rewe.

San Lucas 1:35

Jayawe araɨwa jei chupe: “Espíritu Santo outa nderé, jare Tumpa imbaepuere tuichaete wae rupi ndepuruata neï kuri. Jáeramo nemembɨ oa yawe, jeita chupe reta Tumpa Taɨ jupiete ye wae,” jei chupe.

San Juan 1:36

Jayawe Jesús uasa jokoropi ou. Jare Juan umae ngatu jese jare jei ye: “Mase, pea kuimbae Tumpa ombou umano waerä yanderé pëti owecha yayuka ñamee Tumpa pe wae rami,” jei chupe reta.

San Juan 10:7

Jayawe Jesús jei wi chupe reta: “Che tae pewe añetete wae, che ko jae jokua owecharokai jöke rami. Echa’ä che rupiño ko ipuere uike kía Tumpa jëta pe,” jei.

San Juan 10:9

“Che ko jae owecharokai jöke rami,” jei. “Ime yawe kía uñepɨ̈ro cheré wae, che aepɨta ko. Jae ikota pëti owecha ipɨawiwe wae rami. Jae ipuereta oë oo ukaru uyemɨngapɨɨ kapii re rami. Jare mbae uyamondo yawe, ipuereta osi oo jokai pe uike uñepɨ̈ro waerä. Jukuärái ko, echa’ä iyandarekoa umae kawi oï jese ramo,” jei chupe reta.

2 Corintios 8:12

Jare kua jekuaeño toï päka pe: Yandepuere wae rupi yayerowia rewe ñamee yawe, jokua umbɨyerowia Tumpa. Tumpa jei’ä yandewe ñamee waerä jokua mbaetɨ ñanoi wae.

2 Corintios 9:7

Jayawe pëti pëti tumee ipɨa jei wae rupi. Awɨye kía tumee jakatëɨ rewe jare kía jei chupe ramoño. Echa’ä kía uyerowia rewe umee wae, jokua Tumpa umbɨyerowia.

Efesios 2:18

Jukuärái Cristo uyapo yandewe ramo, päwe rewe yandepuere yaya yandeRu Tumpa re Espíritu Santo rupi.

Efesios 5:27

Jare pëti ara jae yanembɨyemboɨta oï jae jowai päwe rewe jupi jare teko mbae rewe. Jare joko wi yayerowia rewe ñaïta ñaï jae ndiwe jaeño mái pewa. Jukuärái Cristo uñemee yanderé yaiko kawi waerä yanderauete ramo. Jae ramiño wi kuimbae reta uauta ko jembireko jae iko kawi waerä.

Hebreos 7:26

Kua nunga sacerdote tenondewaete ikawi ko yandewe. Echa’ä jae ko jupi wae, jare jeko mbae wae, jare ikɨa mbae Tumpa kotɨ wae. Añetete Jesús mbaetɨ etei ko Tumpa kotɨ uyawɨ wae reta rami. Jáeramo Tumpa oñono Jesús iwapɨka ɨwate opaete ara pe oï wae reta wi.

Hebreos 9:14

Erëi Cristo juwɨ ikawiete ye ko mbaemɨmba reta juwɨ wi. Echa’ä mbaemɨmba juwɨ jare ipotawe ïru mbae uyapo reta tëi wae ipuere’ä yandepɨayoe añetete rewe. Erëi Jesucristo juwɨ opa oyoe yandepɨa yanembɨjekose wae wi, jukuärái yandepuere waerä yayeyokui Tumpa ikoño mái wae pe. Echa’ä Cristo jeko mbaei ko jare uñemee umano waerä yanderé Espíritu Santo ikoño mái wae imbaepuere rupi.