Levítico 1:2 - Biblia

² “Ere Israel iñemoñaa reta pe kuärái: ‘Ime yawe kía pepɨte wi uipota ueru mbae umee waerä Tumpa pe wae, tueru jɨmba reta ipɨte wi – ipuere pëti waka, owecha, ani kapura.

Levítico 1:2 Iomraidhean Croise

Génesis 4:3

Amokue año uasa ma yawe, pëti ara Caín ueru umee waerä Tumpa pe amokue imbaewɨye iko pewa.

Génesis 4:5

Erëi uyerowia’ä umae Caín re jare jokua jae ueru wae re. Jáeramo Caín pochɨete jare umbɨchaitɨ upɨta.

Marcos 7:11

Erëi pe reta peporomboe tëi kía ipuere jei tu jare ichɨ ikuasɨ wae pe: ‘Che ime anoi tëi korepoti, erëi chepuereta’ä pomborɨ pɨpe, echa’ä añono tee ma amee waerä Tumpa pe.’

Romanos 12:1

Jayawe hermano mii reta, añawe yaikuaa ko Tumpa yandepararekoete wae. Jáeramo, ¿kërái ra ikawita yayeyokui waerä chupe añawe? Arakae rupi Israel iñemoñaa reta wɨraa mbaemɨmba uyuka umee waerä Tumpa pe. Jare jokua mbaemɨmba Tumpa pewaräño ko. Jare jukuärái ramiete wi che pumɨñera piñemee waerä Tumpa pe opaete perekowe rewe jae imaeräño piko waerä. Piñeñono tee Tumpa pewarä pembɨyerowia waerä. Echa’ä jukuärái ko jupi pembutuicha waerä Tumpa jee.

Romanos 12:6

Jare Tumpa ipɨakawi rupi umee ma yandewe pëti pëti wae pe yaikatu yayapo waerä mbae jukuärái yayeyokui kawi chupe waerä. Jare oyowake’ä ko mbaembae yaikatu yayapo wae. Jayawe kía pe Tumpa etei umee ñee ïru wae pe umɨmbeu waerä wae, tumɨmbeu kawi chupe.

Efesios 5:2

Jukuäraita ko piko piyerau päwe rewe. Cristo ko uikuaaka yandewe kërái yayerau päwe waerä. Echa’ä Cristo yanderauete ramo, uñemee umbái waerä yandewi teko Tumpa kotɨ ñanoi wae. Jae umee jekowe yanderé kërái pëti mbaemɨmba kía uyuka umee Tumpa pe wae rami. Jare yandeRu Tumpa uyerowiaete umae Cristo uyapo wae re. Jukuärái Cristo uikuaaka yandewe kërái yayerau päwe waerä.