Jueces 2:18 - Biblia

¹⁸ Jáeramo Tumpa umaeño jowaicho reta re uiporaraka waerä chupe reta. Erëi Israel iñemoñaa reta tuicha uiporara yawe jowaicho reta ipo pe, Tumpa uiparareko umae ye jese reta, jare umupüa pëti mburuwicha jae reta ipɨte wi uepɨ reta waerä. Jare jukuärái Tumpa uyapo yawe, jae iko mburuwicha ndiwe omborɨ waerä jokua mburuwicha imeño jekowe iko rambuewe.

Jueces 2:18 Iomraidhean Croise

Génesis 6:6

Jáeramo Tumpa ipɨatɨtɨ kuimbae uyapo ramo, jare ipɨa osoro wae echa mbɨatɨtɨ rupi umae jae reta uyapo wae re.

Éxodo 2:24

Tumpa uyandu wi uyao reta wae, jare imandúa jokua yemɨngeta ikawi wae re arakae uyapo Abraham, jare Isaac, jare Jacob ndiwe wae.

Éxodo 3:12

Jayawe Tumpa jei chupe: “Añetete che aïta nde ndiwe,” jei. “Nenoeta reta ɨwɨ Egipto wi. Jare pe reta peyu yeta kua pe cheree pembutuicha waerä kua ɨwɨtu wasu re. Jare jokua uikuaakata che ko jae nomondo wae,” jei Tumpa chupe.

Éxodo 32:14

Jayawe Tumpa uiparareko reta jare uyapo’ä ma jae jei uyapota tëi iko wae.

Jonás 3:10

Jayawe Tumpa uecha Nínive pewa reta uyapo wae jare kërái ueya reta ma mbae ikawi mbae uyapose wae. Jáeramo Tumpa uiparareko umae jese reta, jare umbɨambɨe ipɨayemɨngeta, jare umbai’ä tëta wasu.

Josué 1:5

“Añawe wiwe nemano rewa, mbaetɨta kía ipuere nemɨamɨri wae,” jei. “Che aïta nde ndiwe Moisés ndiwe aiko wae rami. Nomborɨta aï jare ndarau ndueya,” jei chupe.

Jueces 2:19

Erëi mburuwicha umano ma yawe, Israel iñemoñaa reta jekuaeño uyapo yewɨ kachi wae jare ueka reta itumparaanga retarä umbɨadora reta waerä jese. Uipɨu rewe uñeñono reta ɨwɨ re itumparaanga reta jowai. Jae reta jeko pochɨete ye uyeyapo tamɨkue reta wi. Uyembɨpɨatäta reta, jare uipota’ä ueya reta jeko kachi wae.