Jueces 2:17 - Biblia

¹⁷ Jesewe uyapɨsaka’ä reta imburuwicha reta iñee re. Kërái amokue kuña umenda wae ueya ime iko waerä ambɨe kuimbae ndiwe wae reta rami, jukuärái Israel iñemoñaa reta jekuaeño ueya Tumpa ueka waerä itumparaanga retarä jare umbɨadora reta jese. Kua Israel iñemoñaa reta mbaetɨ omomoe jeta tamɨkue jeko, echa’ä tamɨkue reta uyapoñoi ñee reta Tumpa umee Moisés pe wae rupi. Jayawe ɨmambaeño rupi Israel iñemoñaa reta uyerowa yewɨ Tumpa wi.

Jueces 2:17 Iomraidhean Croise

Éxodo 32:8

“Ɨmambaete rupi iñakañɨ reta chiñee wi. Uyapoka ma iyupe reta itumparaangarä, waka raɨraanga ko. Jare umbɨadora ñonoï jese jare uyuka mbaemɨmba reta umee reta waerä chupe. Jare jei wi ñonoï reta: ‘Jokua ko jae yandetumpa ñanerenoe ɨwɨ Egipto wi wae,’ jei ñonoï reta,” jei chupe.

Gálatas 1:6

Tumpa pereni jare Cristo rupi uechaka pewe ipɨakawi. Jare che chepɨakañɨete aï kërái pe reta ɨmambae rupiño piyerowa ma Cristo wi perowia waerä ambɨe ñee ikawi echa wae re.

Jueces 2:7

Joko wiwe uyeyokui kawi reta Tumpa pe Josué imeño iko rambuewe. Jare Josué umano ma yawe, jekuaeño uyeyokui kawi reta Tumpa pe imeño yureko rambuewe itenondewa Josué iyaweiwa reta. Jae reta uecha mbaembae ikawiete Tumpa uyapo wae ndei uwäe reta mbowe jokua ɨwɨ ikawiete wae pe.