Jueces 2:15 - Biblia

¹⁵ Jare opa wese Israel iñemoñaa reta yuraa uñeräro waerä yawe jowaicho reta ndiwe, jekuaeño jamɨri reta, echa’ä Tumpa uñeräro ikotɨ reta ramo. Tenonde yawe, Tumpa etei umɨmbeu chupe reta jae reta uyerowa chuwi yawe, uyeyapota iko chupe reta jokua mbaembae ikawi mbae wae. Añawe uyeyapo ma chupe reta opaete Tumpa jei wae rupi. Jayawe Israel iñemoñaa reta uiporaraete reta.

Jueces 2:15 Iomraidhean Croise

2 Corintios 4:8

Jayawe yepe tëi opaño mbaembae nduiporara noï, erëi jesewe mbaetɨ nuñemɨamɨrika noï. Jeta wese ime yembɨawái orewe, jare ore nduikuaa’ä mbae nduyapo waerä. Erëi jesewe orepɨakatu noï.

1 Samuel 13:6

Joko wi filisteo isɨndaro reta ou uñeräro reta waerä sɨndaro Israel pewa reta ndiwe. Jare Israel pewa reta uikuaa woi yembɨawái tuichaete chupe reta jare ukɨyete reta. Jáeramo amokue reta opa uñemi ñana tëɨ wae rupi. Jare ïru wae reta opa uñemi ɨwɨkua rupi, itape ipäu rupi, jare ɨkua utini wae reta pe wi.