Jueces 2:10 - Biblia

¹⁰ Joko wiwe ndewe ndewe rupi umano opaete Josué iyaweiwa reta. Erëi jae reta isambiaɨ reta ukuakuaa ma yawe, uikuaa’ä reta Tumpa jare opa iñakañɨ reta jokua mbaembae tuicha Tumpa uyapo tamɨkue reta pe wae wi.

Jueces 2:10 Iomraidhean Croise

Génesis 15:15

“Jare irundɨ chiëto año uasa yawe, niñemoñaa reta yuweru yeta kua ɨwɨ pe,” jei. “Jokua ara rupi kua ɨwɨ pewa reta – jae ko jokua amorreo jee wae reta – jeko kachi ukuakuaaeteta oï. Jare che aiporarakata aï chupe reta jare amoëta amombo reta kua ɨwɨ wi,” jei. “Jayawe aru yeta niñemoñaa reta kua ɨwɨ pe,” jei. “Erëi awɨye ndepɨatɨtɨ, echa’ä nemanota neï jare niñeñotɨkata neï ndepɨakatu rewe nendechi ma yawe, nderekowe puku wae uasa ma yawe,” jei Tumpa Abram pe.

2 Samuel 7:12

Jare nde, David, nemano ma yawe jare niñeñotɨka ma yawe nderamɨkue reta uñeñotɨ ñonoï wae pe, ambɨjeeta pëti nderaɨ Israel pewa reta imburuwicha wasurä. Jare ameeta chupe mbaepuere tuicha wae.

Éxodo 1:6

Joko wi José, jare tɨwɨ, jare tɨkeɨ reta, jare opaete iyaweiwa reta wi indechi jare opa umano reta.

Éxodo 1:8

Jeta año ma uasa yawe, ɨwɨ Egipto pe uyeyapo ambɨe mburuwicha wasurä uikuaa’ä etei José rewa wae.

Éxodo 5:2

Erëi mburuwicha wasu jei chupe reta: “¿Kía pa ko jokua peTumpa ayapɨsaka waerä jese jare amaeño waerä oë yuraa Israel iñemoñaa reta? Aikuaa’ä jokua peTumpa, jare ndarau amaeño Israel iñemoñaa reta re oë yuraa reta waerä,” jei chupe reta.

Jeremías 31:34

Jare ndarau ye ma ime kía omboe japicha wae jare jëtara wae chekuaa waerä. Ndarau ye ma ime kía jei ïru pe uyemboe waerä cheré. Echa’ä opaete wae – iparawete wae reta wiwe jare mburuwicha retawe – chekuaata ñonoï. Echa’ä che amaeta jese reta aiparareko rewe. Ambaita chuwi reta mbaembae uyawɨ reta chekotɨ wae jare ndarau ye ma chemandúa jese.” Jukuärái jei Tumpa ikoño mái wae.

San Lucas 20:32

Jare jaɨkue rupi kuña parawete umano wi,” jei reta.

Hechos 13:36

“Erëi kua salmo pe uyemɨngeta’ä oï David rewa. Echa’ä David umano opa ma uyapo yawe opaete mbarawɨkɨ Tumpa umee chupe wae. Jare jetekue uñeñotɨka tamɨkue reta jetekue ñonoï wae pe jare opa ikumewa.

2 Tesalonicenses 1:8

uiporaraka waerä opaete uikuaa’ä Tumpa wae reta pe. Echa’ä jae reta wɨrowia’ä ñee ikawi wae yandeYa Jesucristo rewa.

Tito 1:16

Jae reta jekuaeño jei tëi: “Aikuaa Tumpa,” jei. Erëi mbaembae jae reta uyapo wae rupi uikuaaka reta uikuaa’ä etei ko Tumpa wae. Echa’ä jae reta uyapo mbaembae kachiete wae. Uyapo’ä reta Tumpa jei wae rupi, jare uyapo’ä etei reta mbaembae ikawi wae.