San Juan 9:7 - Biblia

⁷ “Ekua ɨ jɨru tuicha wae Siloé jee wae pe iyoe nderesa,” jei chupe. Kua tee Siloé uipota jei judío reta iñee pe ‘uyemondo wae.’ Jayawe kuimbae oo ɨ jɨru pe oyoe jesa, jare oo ye jëta kotɨ uecha kawi rewe.

Guaraní Pe (Western): Simba

⁷ Jayave jei chupe: —Ecua iyoe nderesa ɨ Siloé pe. (Cua Siloé uipota jei: “Uyemondo”.) Jayave cuimbae oo oyoe jesa jare ou ye yave, umae ma.

San Juan 9:7 Iomraidhean Croise

Éxodo 4:11

Jayawe Tumpa jei Moisés pe: “¿Kía pa uyapo ɨwɨ pewa reta iyururä? ¿Kía pa uyapo iyapɨsa mbae wae jare iñee mbae wae? ¿Kía pa umee ɨwɨ pewa reta pe jesarä jare uyapo jesa mbae wae? Jaeño che, ndeTumpa, chepuere ayapo,” jei chupe.

San Mateo 11:5

Pere chupe kuärái: ‘Jesa mbae wae reta umae ma. Ipuere mbae uwata wae reta uwata ma. Ipire okui wae reta ukuera ma. Iyapɨsa mbae wae reta uyandu ma. Umanokue wae reta ikowe ye ma. Jare ikuasɨ wae reta uyandu ñonoï ñee ikawi wae.’ Jukuärái pere chupe,” jei chupe reta.

San Lucas 13:4

“Jare pemandúa peï wi jokua tëta ɨwate wae Siloé pe iko wae re, kërái opa uyapara jare opa uyuka jokua dieciocho wae reta. Aramoi pe reta perowia tëi opaete Jerusalén pewa reta ipɨte wi, jokua dieciocho umano wae reta jeko kachiete wae ko Tumpa jowai,” jei.

San Lucas 2:32

Jae ikota pëti tembipe rami judío mbae wae reta pe, echa’ä jae ndekuaakata oï chupe reta. Jare jae orembutuichata oï, ore Israel pewa nduiko wae reta, echa’ä ore ko jae nde oreparawo wae reta.” Jukuärái jei Simeón.

San Juan 10:36

“Erëitu añawe pe reta chembɨjeko peï, echa’ä che jae pewe che ko jae Tumpa Taɨ ramo. ‘Nde ndere mbae kachi wae Tumpa kotɨ,’ pere chewe. Erëi awɨyeta tëi ko pere jukuärái, echa’ä che pëti kuimbaeño’ä ko. Echa’ä cheRu Tumpa etei ko cheñono tee jae imaerä jare chembou kua ɨwɨ pe,” jei Jesús chupe reta.

San Juan 11:37

Erëi amokue wae jei: “Kua kuimbae umɨmae jesa mbae wae. Jáeramo, ¿ipuere’ä ra jae uyapo mbae awe awɨye waerä tëi umano Lázaro?” jei reta.

San Juan 9:11

Jayawe kuimbae jei chupe reta: “Jokua kuimbae Jesús jee wae uyapo tuñuu mii jendɨayɨ pɨpe, jare oñono cheresa re, jare jei chewe, ‘Ekua iyoe nderesa Siloé pe,’ jei chewe. Jayawe che a, jare opa ayoe cheresa yawe, aecha woi,” jei chupe reta.

San Juan 9:39

Jare Jesús jei: “Che ayu ko ambɨyekuaa waerä ɨwɨ pewa reta mbae oï ipɨa pe wae. Jokua uikuaa iyupe jesa mbae ñonoï Tumpa kotɨ wae reta, che jesa aipeata chuwi reta. Jare jokua uyererowia tëi ipuere uecha kawi wae reta, ambɨyekuaata kërái añetete jesa mbae ñonoï Tumpa kotɨ wae,” jei.

Hechos 26:18

nemɨmaeka reta waerä, jare jukuärái uyerowa reta waerä pɨ̈tumimbi wi tembipe kotɨ, jare wi uyerowa reta waerä Satanás imbaepuere wi Tumpa kotɨ. Kua uyapo reta yawe, Tumpa opata umbái chuwi reta mbaembae ikotɨ uyawɨ reta wae. Jayawe tuicha rupi uyekouta ñonoï, echa’ä Tumpa oñono teeta reta jae imaerä kërái jae uyapo opaete ïru cheré wɨrowia wae reta pe rami.’ Jukuärái jei chewe yandeYa,” jei.

Romanos 8:3

Opaete Tumpa jei Moisés pe uikuatía waerä wae ipuere’ä yanderepɨ Tumpa iarasɨ wi, echa’ä ñanepɨräta’ä ñaï yaiko waerä jupi opaete Tumpa jei wae rupi. Jáeramo Tumpa uyapo mbae ikawi wae yanderepɨ waerä. Jae ombou Taɨ kua ɨwɨ pe umano waerä mbaembae yayawɨ Tumpa kotɨ wae re. Taɨ uyeyapo kuimbaerä jare uyekuaa yandewe ipotawe kuimbae uyawɨ Tumpa kotɨ wae rami, erëi jae uyawɨ'ä etei Tumpa kotɨ. Erëitu Tumpa uiporaraka chupe jete pe yande mbaembae yayawɨ wae re, jare jukuärái ndarau ma ñanoi teko Tumpa jowai.

Gálatas 4:4

Erëi ara uwäe ma yawe Tumpa jei wae, jae ombou Taɨ kua ɨwɨ pe. Jae oa pëti kuña wi yande rami. Jare jae ko judío ramo, jae iko wi Moisés arakae uikuatía wae rupi. Jukuärái Tumpa ombou Taɨ