San Juan 9:35 - Biblia

³⁵ Jayawe jeräkua Jesús pe judío itenondewa reta omombo ma jokua kuimbae. Jáeramo Jesús oo ueka jokua kuimbae. Jare owäiti ma yawe, upɨrandu chupe: “¿Nde nderowia pa kuimbaerä ayeyapo wae re?” jei chupe.

Guaraní Pe (Western): Simba

³⁵ Jare Jesús uicuaa yave judío reta omombo ma cuimbae, oo ueca. Jare oovãiti yave, jei chupe: —¿Nderovia pa cuimbaerã uyeyapo vae re?

San Juan 9:35 Iomraidhean Croise

San Mateo 14:33

Jare Jesús jemimboe chalana pe ñonoï wae reta umbutuicha Jesús. “Añetete yepe nde ko jae Tumpa Taɨ,” jei reta chupe.

San Mateo 16:16

Jayawe Simón Pedro jei chupe: “Nde ko jae Cristo ndoe chupe wae. Nde ko jae Tumpa ikoño mái wae Taɨ,” jei chupe.

San Mateo 4:3

Jayawe Añawasu ou jei chupe: “Nde ko jae Tumpa Taɨ yawe, yaecha ere kua ita reta pe tuyeyapo ndewe mbɨyaperä,” jei chupe.

Marcos 1:1

Kua wiwe uyembɨpɨ ñee ikawi wae Tumpa Taɨ Jesucristo rewa.

San Juan 1:18

Mbaetɨi kiawe uecha ma yandeRu Tumpa wae. Erëi Tumpa Taɨ jae waeño wae uikuaaka ma yandewe kërái ko jae wae. Taɨ ko Tumpa etei jare jekuaeño uñemɨïru oï Tu ndiwe.

San Juan 10:36

“Erëitu añawe pe reta chembɨjeko peï, echa’ä che jae pewe che ko jae Tumpa Taɨ ramo. ‘Nde ndere mbae kachi wae Tumpa kotɨ,’ pere chewe. Erëi awɨyeta tëi ko pere jukuärái, echa’ä che pëti kuimbaeño’ä ko. Echa’ä cheRu Tumpa etei ko cheñono tee jae imaerä jare chembou kua ɨwɨ pe,” jei Jesús chupe reta.

San Juan 11:27

“Arowia, cheYa,” jei Marta. “Arowia nde ko jae Cristo ndoe chupe wae. Arowia nde ko jae Tumpa Taɨ outa iko kua ɨwɨ pe wae,” jei chupe.

San Juan 20:28

Jayawe Tomás jei chupe: “¡Nde ko jae cheYa jare cheTumpa!” jei chupe.

San Juan 20:31

Erëi kua uyekuatía oï wae uyekuatía ko pe reta perowia waerä Jesús jae ko Cristo jei chupe reta wae jare Tumpa Taɨ etei ko. Jare jukuärái perowia jese yawe, penoita tekowe opa mbae wae jae imbaepuere rupi.

San Juan 3:36

Jare ipotawe kía Tumpa Taɨ re wɨrowia wae ime onoi tekowe opa mbae wae. Erëi Tumpa Taɨ re wɨrowia mbae wae ndarau onoi jokua tekowe, jare Tumpa iarasɨ jekuaeño oï jese.

San Juan 5:14

Jayawe ndei ɨma mbowe, Jesús owäiti ye jokua kuimbae tupao wasu joka pe jare jei chupe: “Mase, ndekuera ma ko. Añawe wiwe awɨye iyawɨ Tumpa kotɨ, awɨye waerä oa ye nderé mbae ikawi mbaete wae,” jei chupe.

San Juan 6:69

Jare wi ore ndorowia ko nderé jare nduikuaa ndeeño ko jae Tumpa Taɨ jupiete wae,” jei Pedro Jesús pe.

San Juan 9:22

Jukuärái jei kuimbae tu jare ichɨ, echa’ä ukɨye parawete reta judío itenondewa reta wi ramo. Echa’ä jokua mburuwicha reta jei ma, “Ipotawe kía nunga jei ‘Jesús ko jae Cristo yae chupe wae,’ imeta ko uyemomboka yandetupao wi,” jei reta.

San Juan 9:34

Jayawe judío itenondewa reta jei chupe: “¡Ndereko woi ma ndesɨ wi ndea wiwe! ¿Kía pa ko nde oremboe waerä?” jei reta chupe. Jayawe jokua mburuwicha reta omombo kuimbae parawete joko wi.

Hechos 8:36

Jare tape rupi yuraa rambuewe, oo uwäe reta ɨpa michi wae pe. Jare eunuco jei: “Ko oï ɨpa raɨ. ¿Mbae yembɨawái ra anoi ayembɨsakambuka waerä?” jei chupe.

Hechos 8:37

Jayawe Felipe jei chupe: “Ndepɨa rewe nderowia yawe, ndepuere,” jei chupe. Jare eunuco jei Felipe pe: “Che arowia Jesucristo ko jae Tumpa Taɨ wae,” jei chupe.

Hechos 9:20

Jare jupiwoiño umbɨpɨ umɨmbeu judío reta pe tupao reta rupi Jesús rewa. Jare jei chupe reta: “Jesús ko jae Tumpa Taɨ,” jei.

Romanos 1:4

Jare Tumpa uikuaaka yandewe kua uyeyapo kuimbaerä wae, jae ko Taɨ wae. Echa’ä Espíritu Santo rupi Tumpa umbɨjekowe ye ueru umanokue wae reta ipɨte wi imbaepuere tuichaete wae rupi. Kua Tumpa Taɨ, jae ko yandeYa Jesucristo etei.

Romanos 10:20

Jare joko wi Isaías umɨmbeu sɨmi judío mbae wae reta rewa kuärái: “Tumpa jei: ‘Yepe tëi chereka’ä yureko reta, erëi añawe jae reta chekuaa ñonoï. Jare jokua upɨrandu’ä cheré wae reta pe, chupe reta ko ayekuaaka ma,’ jei Tumpa.” Jukuärái uikuatía Isaías.

1 Juan 4:15

Jare ime yawe kía jei, “Jesús ko jae Tumpa Taɨ” wae, jae uñemɨïru oï Tumpa ndiwe jare Tumpa uñemɨïru oï jae ndiwe wi.

1 Juan 5:10

Kía Tumpa Taɨ re wɨrowia wae uikuaa ipɨa pe añetete ko kua mbaembae Tumpa uikuaaka yandewe wae. Erëi jokua wɨrowia’ä wae jei oï tëi Tumpa pe iyapu wae ko, echa’ä wɨrowia’ä Tumpa jei Taɨ rewa wae ramo.

1 Juan 5:13

Jayawe pe Tumpa Taɨ re perowia peï wae reta, che aikuatía aï pewe kua mbaembae pe reta pikuaa waerä penoi ma ko tekowe opa mbae wae.

1 Juan 5:20

Jare yaikuaa wi Tumpa Taɨ ou ma ko kua ɨwɨ pe jare umee ma yandewe arakuaa yaikuaa waerä Tumpa añetete wae. Jare añawe yande ñaï ma ko pëti ramiño Tumpa añetete wae re, echa’ä ñaï ma pëti ramiño Taɨ Jesucristo re ramo. Jae ko Tumpa añetete wae jare tekowe opa mbae wae iYa.

1 Juan 5:5

Echa’ä jaeño kía wɨrowia Jesús ko jae Tumpa Taɨ wae umɨamɨrita kua ɨwɨ jeko.

3 Juan 1:10

Jáeramo che a awäe pepɨ yawe, che amɨmbeuta opaete wae jowake mbaembae jae uyapo oï wae. Echa’ä jae iyapu rewe uyemɨngeta kachi oreré. Jare jokuaño’ä uyapo oï. Jae uipota’ä etei wi umbɨasa ïru hermano reta ikotɨ̈a wi yuraa pepɨ wae. Jare ime yawe kía uipota tëi omborɨ kua uwata wae reta, Diótrefes oyopia chuwi jare umaeño’ä jese uyembatɨ waerä ïru hermano reta ndiwe. Jukuärái uyapo oï jae.