San Juan 9:34 - Biblia

³⁴ Jayawe judío itenondewa reta jei chupe: “¡Ndereko woi ma ndesɨ wi ndea wiwe! ¿Kía pa ko nde oremboe waerä?” jei reta chupe. Jayawe jokua mburuwicha reta omombo kuimbae parawete joko wi.

Guaraní Pe (Western): Simba

³⁴ Jayave judío reta jei chupe: —Nde ndea ndesɨ güi ndeyoa reve. Mbaetɨ mbae re ndepuere oremboe —jei reta. Jayave omombo reta cuimbae.

San Juan 9:34 Iomraidhean Croise

Génesis 19:9

Jayawe kuimbae tëta wasu pewa reta iñeeäta rewe jei Lot pe: “¡Esɨrɨ kua wi!” Jare jei wi iyupe reta: “Ñamaeño yaiko kua kuimbae re iko waerä yandepɨte pe, erëi añawe jae uipota tëi iko yanemburuwicharä. ¡Ndarau etei!” jei iyupe reta. Jáeramo jei reta Lot pe: “¡Añawe nduyapota ndekotɨ ikawi mbaete ye wae jokua ïru kuimbae reta wi!” jei reta chupe. Jayawe jae reta uepeña Lot, jare oya reta öke re uitɨ reta waerä tëi.

Éxodo 2:14

Jayawe jokua kuimbae hebreo jei Moisés pe: “¿Kía pa neñono ma oremburuwicharä nde ndere waerä orereko rewa?” jei. “¿Ndipota pa cheyuka wi, jokua kuimbae Egipto pewa káarumo ndiyuka wae rami?” jei chupe. Jokua uyandu yawe, Moisés ukɨye jare jei iyupe: “Jokua ayapo wae uñemi’ä etei ko jayawe,” jei iyupe.

San Lucas 11:45

Jayawe pëti kuimbae Moisés uikuatía wae re oporomboe wae joko pe oï wae jei Jesús pe: “Oporomboe wae, kua ndiyemɨngeta wae rupi nde ndere neï wi mbae ikawi mbae wae orekotɨ,” jei chupe.

San Lucas 14:11

“Echa’ä opaete uyembutuicha wae reta, Tumpa umɨmichita yepe kuri. Jare opaete uñemɨmichi wae reta, Tumpa umbutuichata yepe kuri,” jei chupe reta.

San Lucas 18:17

“Che tae pewe añetete wae, pipota peï Tumpa ndiwe yawe, jayawe imeta ko perowia jese pëti sambiaɨ wɨrowia tu re wae rami,” jei chupe reta.

San Lucas 6:22

Jare che kuimbaerä ayeyapo wae, pe reta perowia cheré ramo, ïru wae reta peamɨtäata ñonoï jare pemombota reta iyuwi. Jare jeita reta mbaembae kachi wae pekotɨ, jare jeita pewe reta: ‘Añawasu ko.’ Erëi jukuärái uyapo reta pewe yawe, piyekoueteta peï kuri.

San Juan 6:37

Erëitu opaete kía kía cheRu umee chewe wae reta yuweruta chekotɨ. Jare ipotawe kía chekotɨ ou wae ndaraúi amombo.

San Juan 8:41

Jáeramo Abraham jae’ä ko perukue. Pe reta ime penoi ambɨe peru. Jare jokua peru jekoño pemomoe peï,” jei Jesús chupe reta. Jayawe jae reta jei: “¡Awasa rupi uyekuaa wae’ä ko ore reta! ¡Tumpaño ko jae oreru!” jei reta.

San Juan 9:2

Jayawe Jesús jemimboe reta upɨrandu chupe: “Oporomboe wae, ¿kía jeko pewa pa kua kuimbae oa ichɨ wi jesa mbae? ¿Tu jare ichɨ uyawɨ Tumpa kotɨ jeko pewa ra, ani jae etei uyawɨ jeko pewa?” jei reta chupe.

San Juan 9:22

Jukuärái jei kuimbae tu jare ichɨ, echa’ä ukɨye parawete reta judío itenondewa reta wi ramo. Echa’ä jokua mburuwicha reta jei ma, “Ipotawe kía nunga jei ‘Jesús ko jae Cristo yae chupe wae,’ imeta ko uyemomboka yandetupao wi,” jei reta.

San Juan 9:35

Jayawe jeräkua Jesús pe judío itenondewa reta omombo ma jokua kuimbae. Jáeramo Jesús oo ueka jokua kuimbae. Jare owäiti ma yawe, upɨrandu chupe: “¿Nde nderowia pa kuimbaerä ayeyapo wae re?” jei chupe.

San Juan 9:40

Jayawe amokue fariseo reta joko pe ñonoï wae kua uyandu yawe, upɨrandu reta Jesús pe: “¿Nde ndere pa neï ore jae nunga wi oreresa’ä noï Tumpa kotɨ?” jei reta chupe.

Gálatas 2:15

Che jare Pedro judío ko oresɨ wi ndoa wiwe. Ore jae’ä ko judío mbae wae reta, jokua jeko kachi wae reta ndoese chupe wae.

Efesios 2:3

Jare pe judío mbae piko wae retaño’ä ko jukuärái pikose, echa’ä ore judiorä nduiko wae jukuärái wi nduikose. Añetete opaetei yande jukuärái yaikose ndei yarowia Jesucristo re mbowe. Yande yaikose yae wae rupiño, jare jekuaeño yayapo mbaembae kachi wae yandepɨayemɨngeta jei wae rupiño. Jáeramo kua yandereko indechikue jeko pewa, jupi ko Tumpa uiporaraka yandewe waerä tëi opaete ïru wae reta pe uiporarakata oï wae rami.

1 Pedro 5:5

Taurusu wae reta tuyapo itenondewa reta jei wae rupi. Jare opaete pe reta, piyeyokuita ko peyupe piñemɨmichi rewe. Echa’ä Tumpa ipɨakawi uñemɨmichi wae reta pe, erëi jae oyowaicho uyembutuicha wae reta ndiwe.

3 Juan 1:10

Jáeramo che a awäe pepɨ yawe, che amɨmbeuta opaete wae jowake mbaembae jae uyapo oï wae. Echa’ä jae iyapu rewe uyemɨngeta kachi oreré. Jare jokuaño’ä uyapo oï. Jae uipota’ä etei wi umbɨasa ïru hermano reta ikotɨ̈a wi yuraa pepɨ wae. Jare ime yawe kía uipota tëi omborɨ kua uwata wae reta, Diótrefes oyopia chuwi jare umaeño’ä jese uyembatɨ waerä ïru hermano reta ndiwe. Jukuärái uyapo oï jae.

3 Juan 1:9

Kua re che aikuatía ma pewe tëi, pe Cristo re perowia wae reta joko pe peï wae pe. Erëitu Diótrefes uipota’ä uyapɨsaka, echa’ä jaeño uipota iko hermano reta itenondewarä.

Apocalipsis 13:17

Jare ime yawe kía nunga mbaetɨ onoi jokua marka wae, ndarau ipuere owa mbae awe jare ndarau ipuere mbae owaka wi. Jokua marka ko jae jokua bestia jee, ani yandepuere yae chupe jae ko número umbɨjaanga bestia jee re wae.