San Juan 9:29 - Biblia

²⁹ Ore nduikuaa Tumpa ko ombou Moisés, echa’ä uyemɨngeta jae ndiwe. Erëi jokua Jesús, ore nduikuaa’ä etei kía ra ombou wae,” jei reta kuimbae pe.

Guaraní Pe (Western): Simba

²⁹ Ore nduicuaa Tumpa umɨngueta co Moisés. Ẽrei nduicuaa'ã quía pegua ra cua cuimbae —jei reta.

San Juan 9:29 Iomraidhean Croise

Salmo 22:6

Umae ñonoï reta cheré cherekowe jepɨ'ä ko taso rami, mbaetɨ ko kuimbae rami. Opaete wae cheamɨtäa reta jare chererɨ̈ro reta.

San Mateo 12:24

Jare fariseo reta kua uyandu yawe, jei reta iyupe: “Añawasu imbaepuere rupi ko kua kuimbae omoë oï aña reta kuimbae reta wi,” jei tëi reta.

San Mateo 26:61

“Kua pochɨ jei, ‘Chepuere opa arukachi tupao wasu jare amupüa ye mbapɨ ara rupi,’ jei,” jei reta.

San Lucas 23:2

Jare umbɨpɨ reta umbɨjeko Jesús. Jae reta jei: “Kua kuimbae nduecha urukachi onoi kua yandeɨwɨ pewa reta jeko. Echa’ä jae jei oï chupe reta awɨye waerä umbɨepɨ reta mburuwicha wasu César okowara orewe wae,” jei reta. “Jare jae nunga wi jei tëi oï iyupe jae ko Cristo, jare jokua oremaerä uipota jei jae ndaye uyeyapota mburuwicha wasurä,” jei reta chupe.

San Juan 1:17

Tenonde yawe Tumpa uikuaaka yandewe Moisés rupi kërái yaiko waerä. Erëi añawe Jesucristo rupi yaikuaa añetete wae jare kërái Tumpa ipɨakawiete yandewe wae.

San Juan 7:27

Erëi ¿këraita ra jae Cristo? Yande yaikuaa kía pewa ko kua kuimbae wae. Erëi Cristo ou yawe, jukuäraita’ä oï. Ndarau kiawe uikuaa kía pewa ko jae wae,” jei tëi iyupe reta.

San Juan 7:28

Jesús imeño oporomboe iko tupao wasu joka pe. Jayawe jei usapɨkai rewe: “Añetete pe reta chekuaa ko, jare pikuaa tëi wi kía pewa ko che wae. Jare perowia tëi wi che ayu ko aipota ramoño. Erëi jukuärai’ä ko. Tumpa añetete wae, jae ko chembou. Erëi pe reta pikuaa’ä jae.

San Juan 8:14

Jayawe Jesús jei chupe reta: “Jukuärái tëi ko. Erëitu kua che jae chiyé wae añetete ko, echa’ä che aikuaa ko ketɨ wi ayu wae jare ketɨ a wae. Erëi pe reta pikuaa’ä jokua rewa. Jáeramo pepuere’ä pere chewe: ‘Nde ndere neï wae mbae’ä ko.’

San Juan 9:16

Jayawe amokue fariseo reta jei: “Tumpa wi’ä ko ou jokua kuimbae Jesús. Echa’ä jae uyapo oï awɨyeta tëi uyapo mbutuu ara pe wae,” jei reta. Erëi ïru fariseo reta jei: “Erëi, mase, jae uyapo mbaembae kiawe ipuere’ä uyapo wae. ¿Ipuereta ra kía Tumpa kotɨ uyawɨ wae uyapo kua nunga mbaembae?” jei reta. Jayawe jae reta ipuere’ä oyowake uyemɨngeta pëti ramiño.

San Juan 9:24

Jayawe judío itenondewa reta uenika ye kuimbae tenonde yawe jesa mbae iko wae, jare jei reta chupe: “Iyemɨngeta orewe Tumpa jowake. Echa’ä ore nduikuaa jokua Jesús uyawɨ oï Tumpa jei wae,” jei reta chupe.

San Juan 9:30

“¿Këraita ra pikuaa’ä kía ra ombou wae?” jei kuimbae. “Jae ko chemɨmae wae. Kua ambɨe yeete oï chemaerä.

Hechos 22:22

Erëi Pablo kua jei yawe, tëta wasu pewa reta uipota’ä ma uyapɨsaka jese. Iñeeäta rewe jei pɨi reta: “¡Tumano kua kuimbae! ¡Echa’ä jupi’ä ko iko waerä!” jei reta.

Hechos 26:22

Erëi Tumpa cherepɨ chuwi reta ramo, imeño aiko kua ara rewa. Jare jekuaeño amɨmbeu aï kua mbaembae opaete wae reta pe, iparawete wae reta wiwe jare mburuwicha reta pe awe,” jei. “Jokua mbaembae Moisés jare ïru kuimbae Tumpa iñee arakae umɨmbeu wae reta jei uyeyapota iko wae re, jokua reño ko che amɨmbeu wi.

Hechos 7:35

“Kua Moisés ko jae tenonde yawe yanderamɨkue reta wɨrɨ̈ro wae. Echa’ä jae reta jei chupe: “¿Kía pa neñono oremburuwicharä nde ndere waerä orereko rewa?’ jei reta. Erëi yepe tëi jae reta wɨrɨ̈ro Moisés, jesewe Tumpa omondo iko waerä jae reta imburuwicharä jare uepɨ reta waerä. Jukuärái Tumpa uyapo jokua araɨwa yái jendɨ wae pe uyekuaa chupe wae rupi,” jei chupe reta.

Deuteronomio 34:10

Jayawe mbaetɨ ye iko ïru kuimbae Tumpa iñee umɨmbeu wae Moisés rami Israel iñemoñaa reta ipɨte wi, echa’ä Tumpa uyemɨngeta Moisés ndiwe oyowai etei.

Hebreos 1:1

Yande judío retarä yaiko wae, arakaete rupi yandeRu Tumpa uyemɨngetase jae iñee umɨmbeu wae reta rupi yanderamɨkue reta pe. Jeta wese jare opa kërái rái rupi uyemɨngetase chupe reta.

Hebreos 1:2

Erëi añawe kua ara reta pe Tumpa uyemɨngeta ma yandewe Taɨ rupi – jae ko umbɨjee opaete mbaembae iYarä wae. Jare kua Taɨ rupi Tumpa umbɨyekuaa opaete mbaembae ime ñonoï wae.