San Juan 9:24 - Biblia

²⁴ Jayawe judío itenondewa reta uenika ye kuimbae tenonde yawe jesa mbae iko wae, jare jei reta chupe: “Iyemɨngeta orewe Tumpa jowake. Echa’ä ore nduikuaa jokua Jesús uyawɨ oï Tumpa jei wae,” jei reta chupe.

Guaraní Pe (Western): Simba

²⁴ Jayave judío reta ueni ye cuimbae tenonde yave jesa mbae ico vae. —Emɨmbeu cavi oreve Tumpa jovaque —jei reta chupe—. Echa'ã nduicuaa cua cuimbae iyoa vae co.

San Juan 9:24 Iomraidhean Croise

Marcos 15:27

Jare uikutu reta wi mokui kuimbae imonda wae reta Jesús iyɨkeyɨke pe, pëti pëti ikurusu rei.

San Lucas 15:2

Jayawe fariseo reta jare Moisés uikuatía wae re oporomboe wae reta jei ikawi mbae wae Jesús kotɨ kuärái: “Kua kuimbae pochɨ uñemɨïru jeko kachi wae reta ndiwe, jare ukaru wi jae reta ndiwe,” jei reta.

San Lucas 19:7

Jare opaete wae reta kua uecha yawe, jaekawi’ä chupe reta jare jei iyupe reta: “¿Kërái jokua añawe Jesús oo upɨta oï kuimbae jeko kachi wae jëta pe?” jei reta.

San Lucas 7:39

Jare fariseo Jesús pe uparea wae kua uecha yawe, uyemɨngeta ipɨa pe: “Añetete Tumpa ombou yawe kua kuimbae iñee umɨmbeu waerä, jayawe jae uikuaata tëi ko mbae nunga kuña ko uipichɨ oï ipɨ re wae. Uikuaata tëi ko jae ko jeko kachi wae.” Jukuärái jokua fariseo uyemɨngeta ipɨa pe.

San Juan 14:30

“Ndarau ma jekuaeño ɨma ayemɨngeta aï pe reta ndiwe. Echa’ä uwäe ma ara che aiporara waerä kua ɨwɨ imburuwicha ipo pe – jae ko Añawasu. Erëi jae ndarau etei ipuere cheré,” jei chupe reta.

San Juan 16:2

Echa’ä cheré wɨrowia mbae wae reta pemombota perenoi petupao reta wi. Jare wi uwäeta ara pemano waerä jae reta ipo pe. Jare jae reta wɨrowiata tëi Tumpa pe ko uyeyokui ñonoï peyuka yawe,” jei chupe reta.

San Juan 18:30

Jayawe jei reta chupe: “Kua kuimbae uyapo’ä yawe mbae ikawi mbae wae, ndarau tëi ndueru numee ndewe,” jei reta chupe.

San Juan 19:6

Jayawe judío itenondewa reta jare isɨndaro reta ndiwe uecha yawe Jesús, jei reta usapɨkai rewe: “¡Ikutuka kurusu re! ¡Ikutuka kurusu re!” Jayawe Pilato jei chupe reta: “Jayawe pe reta etei peraa pikutuka. Echa’ä che awäe’ä etei teko jese,” jei.

San Juan 5:23

“Echa’ä cheRu uipota opaete wae reta uipɨu waerä chewi, che jae Taɨrä aiko wae wi, kërái chuwi uipɨu reta rami. Añetete ime yawe kía uipɨu’ä chewi wae, cheRu wi ko uipɨu’ä oï, echa’ä cheRu etei ko chembou,” jei chupe reta.

San Juan 8:46

Pe reta imeta tëi ko chererowia, echa’ä che ayawɨ'ä etei Tumpa kotɨ. Ani ¿ime ra pëti wae pe reta pepuere pechaka chewe kërái ra ayawɨ Tumpa kotɨ wae? Pëti awe ndarau ipuere. Jáeramo pepuere pikuaa che chapu’ä etei ko. Jayawe, ¿maera pa pe reta chererowia’ä?

San Juan 8:49

“Jukuärai’ä ko,” jei Jesús. “Mbaetɨ ko aña uyembɨiya cheré, echa’ä che ambutuicha cheRu jee. Erëi pe reta piyapo’ä jokua, echa’ä yepe tëi cheRu chembou, erëi pe reta chererɨ̈ro peï,” jei.

San Juan 9:16

Jayawe amokue fariseo reta jei: “Tumpa wi’ä ko ou jokua kuimbae Jesús. Echa’ä jae uyapo oï awɨyeta tëi uyapo mbutuu ara pe wae,” jei reta. Erëi ïru fariseo reta jei: “Erëi, mase, jae uyapo mbaembae kiawe ipuere’ä uyapo wae. ¿Ipuereta ra kía Tumpa kotɨ uyawɨ wae uyapo kua nunga mbaembae?” jei reta. Jayawe jae reta ipuere’ä oyowake uyemɨngeta pëti ramiño.

San Juan 9:25

Jayawe kuimbae jei chupe reta: “Che aikuaa’ä uyawɨ ra oï Tumpa jei wae. Erëi pëti mbae aikuaa: jae ko tenonde yawe cheresa mbae aikose wae, erëi añawe chepuere amae,” jei chupe reta.

Romanos 8:3

Opaete Tumpa jei Moisés pe uikuatía waerä wae ipuere’ä yanderepɨ Tumpa iarasɨ wi, echa’ä ñanepɨräta’ä ñaï yaiko waerä jupi opaete Tumpa jei wae rupi. Jáeramo Tumpa uyapo mbae ikawi wae yanderepɨ waerä. Jae ombou Taɨ kua ɨwɨ pe umano waerä mbaembae yayawɨ Tumpa kotɨ wae re. Taɨ uyeyapo kuimbaerä jare uyekuaa yandewe ipotawe kuimbae uyawɨ Tumpa kotɨ wae rami, erëi jae uyawɨ'ä etei Tumpa kotɨ. Erëitu Tumpa uiporaraka chupe jete pe yande mbaembae yayawɨ wae re, jare jukuärái ndarau ma ñanoi teko Tumpa jowai.

2 Corintios 5:21

YandeYa Cristo uyapo’ä etei ko mbae kachi wae. Erëi Tumpa uiporaraka chupe opaetei mbaembae kachi yayapo wae re Cristo etei jokua mbaembae uyapo wae rami. Jukuärái Tumpa uyapo yandepuere waerä ñaï kawi jae ndiwe yandereko mbae wae rami Cristo uyapo yandewe wae rupi.

Apocalipsis 11:13

Jare jupiwoiño ɨwɨ täta ukäta. Jare jokua ɨwɨkäta jeko pewa jeta tëta reta opa uyapara jokua tëta wasu pe. Jare umano wi 7.000 kuimbae jare kuña reta. Jare umano’ä wae reta ukɨyete upɨta reta jare umbutuicha reta Tumpa ara pe oï wae jee.