San Juan 9:22 - Biblia

²² Jukuärái jei kuimbae tu jare ichɨ, echa’ä ukɨye parawete reta judío itenondewa reta wi ramo. Echa’ä jokua mburuwicha reta jei ma, “Ipotawe kía nunga jei ‘Jesús ko jae Cristo yae chupe wae,’ imeta ko uyemomboka yandetupao wi,” jei reta.

Guaraní Pe (Western): Simba

²² Jucuarãi jei cuimbae tu jare ichɨ, uquɨye judío reta güi ramo. Echa'ã judío reta jei ma uyupe: “Jocua Jesús co jae Cristo jei vae tuyemombo yandetupao güi.”

San Juan 9:22 Iomraidhean Croise

San Lucas 6:22

Jare che kuimbaerä ayeyapo wae, pe reta perowia cheré ramo, ïru wae reta peamɨtäata ñonoï jare pemombota reta iyuwi. Jare jeita reta mbaembae kachi wae pekotɨ, jare jeita pewe reta: ‘Añawasu ko.’ Erëi jukuärái uyapo reta pewe yawe, piyekoueteta peï kuri.

San Juan 1:19

Jayawe Juan jeräkua ma judío itenondewa reta pe tëta wasu Jerusalén pe. Jayawe jae reta uipota uikuaa kawi jesewa. Jáeramo omondo reta amokue sacerdote reta jare imborɨa reta ndiwe kiape Juan oï wae pe. Jare jae reta yuweru ma uwäe yawe, upɨrandu reta chupe: “¿Kía ko nde?”

San Juan 16:2

Echa’ä cheré wɨrowia mbae wae reta pemombota perenoi petupao reta wi. Jare wi uwäeta ara pemano waerä jae reta ipo pe. Jare jae reta wɨrowiata tëi Tumpa pe ko uyeyokui ñonoï peyuka yawe,” jei chupe reta.

San Juan 19:38

Kua jaɨkue rupi pëti kuimbae José jee wae oo Pilato jowai jare jei chupe: “Emaeño mii cheré araa añono waerä Jesús jetekue teöwerenda pe,” jei chupe. Kua José tëta wasu Arimatea pewa ko jare jae ko Jesús jemimboe wi. Erëitu uyekuaaka’ä, echa’ä ukɨye judío itenondewa reta wi ramo. Jayawe Pilato jei chupe: “Jaekawi. Ndepuere nderaa jetekue,” jei chupe. Jayawe José oo umbɨweyɨ kurusu wi Jesús jetekue jare wɨraa.

San Juan 20:19

Jayawe jokua pɨ̈tu – domingo ara pe – Jesús jemimboe reta uyembatɨ jare uyukenda kawi öke reta. Echa’ä ukɨye yureko judío itenondewa reta wi. Erëi aramoiño Jesús ou uyemboɨ jae reta ipɨte pe jare jei chupe reta: “Pepɨakatu,” jei.

San Juan 7:13

Erëi kía nungawe jae reta wae wi oë'ä Jesús ipepɨka pe, echa’ä ukɨye reta itenondewa reta wi ramo.

San Juan 9:18

Erëi judío itenondewa reta wɨrowia’ä jokua kuimbae jesa mbae ikose wae. Jare wɨrowia’ä reta wi ukuera wae. Jáeramo uenika reta kuimbae tu jare ichɨ.

San Juan 9:21

Erëi nduikuaa’ä kërái ra añawe ipuere uecha. Jare nduikuaa’ä wi kía ra umɨnguera. Pepɨrandu chupe, echa’ä jae ukuakuaa ma ko. Jae etei ipuere imiäri iyé,” jei reta.

San Juan 9:34

Jayawe judío itenondewa reta jei chupe: “¡Ndereko woi ma ndesɨ wi ndea wiwe! ¿Kía pa ko nde oremboe waerä?” jei reta chupe. Jayawe jokua mburuwicha reta omombo kuimbae parawete joko wi.

San Juan 9:35

Jayawe jeräkua Jesús pe judío itenondewa reta omombo ma jokua kuimbae. Jáeramo Jesús oo ueka jokua kuimbae. Jare owäiti ma yawe, upɨrandu chupe: “¿Nde nderowia pa kuimbaerä ayeyapo wae re?” jei chupe.

Hechos 4:18

Jayawe ueruruka ye reta Pedro jare Juan, jare umumburu rewe jei chupe reta: “Awɨye ye ma piyemɨngeta jare peporomboe Jesús jee re,” jei chupe reta.

Hechos 5:13

Erëi opaete ïru wae reta ukɨye uyembatɨ waerä jae reta ndiwe joko pe. Jesewe uipɨu chuwi reta.

Hechos 5:40

Jayawe jokua jae jei wae ikawi chupe reta. Jáeramo uenika ye Jesús jemimboe tenondewaete reta. Jare mburuwicha reta umbɨpiuka reta. Jare jei chupe reta: “¡Awɨye ye ma pemboe ïru wae reta Jesús jee re!” jei chupe reta. Joko wi umaeño jese reta oo ye waerä.

Apocalipsis 21:8

“Erëi jokua urukɨye jekowe umee wae reta, jare uipota’ä wɨrowia cheré wae reta, jare mbae kachi wae uyapo wae reta, jare upuruyuka wae reta, jare iawasapota wae reta, jare ipaye wae reta, jare tumparaanga re umbɨadora wae reta, jare opaete iyapu wae reta wi – opaete jokua nunga reta iyapɨ ko jae tata wasu azufre jendɨ oï wae pe. Kua ko jae mano mokuía jei chupe reta wae,” jei Tumpa.