San Juan 9:18 - Biblia

¹⁸ Erëi judío itenondewa reta wɨrowia’ä jokua kuimbae jesa mbae ikose wae. Jare wɨrowia’ä reta wi ukuera wae. Jáeramo uenika reta kuimbae tu jare ichɨ.

Guaraní Pe (Western): Simba

¹⁸ Judío reta güɨrovia'ã cua cuimbae tenonde yave jesa mbae ico vae co. Güɨrovia'ã vi jaeramo co umae. Jáeramo uenica cuimbae umae ma vae tu jare ichɨ.

San Juan 9:18 Iomraidhean Croise

Génesis 19:14

Jáeramo Lot oë oo umɨmbeu waerä jowayarä wae reta pe, tayɨ reta ndiwe umendata tëi iko wae, jare jei chupe reta: “¡Peë wɨrae kua wi! ¡Echa’ä Tumpa opata umbái oï kua tëta wasu!” jei chupe reta. Erëi jowayarä wae reta uyapɨsaka’ä jae jei chupe reta wae re, echa’ä wɨrowia tëi reta Lot imachiño oï wae.

Isaías 53:1

¿Ime ra kía yepe wɨrowia oriñee re wae? ¿Uecha’ä yerá reta Tumpa imbaepuere?

San Lucas 16:31

“Erëi Abraham jei chupe: ‘Ipuere ko kía ikowe ye oo tëi nderɨwɨ reta pe umanokue wae reta ipɨte wi. Erëi jokuawe ndarau wɨrowiaka chupe reta Tumpa re, jae reta uipota’ä uyapɨsaka yawe Tumpa iñeerɨru re,’ jei chupe.” Jukuärái jei Jesús jemimboe reta pe.

San Juan 1:19

Jayawe Juan jeräkua ma judío itenondewa reta pe tëta wasu Jerusalén pe. Jayawe jae reta uipota uikuaa kawi jesewa. Jáeramo omondo reta amokue sacerdote reta jare imborɨa reta ndiwe kiape Juan oï wae pe. Jare jae reta yuweru ma uwäe yawe, upɨrandu reta chupe: “¿Kía ko nde?”

San Juan 5:44

“Pe reta pipotaete pe yepái piyembutuichaka waerä. Erëi peka’ä peï Tumpa pembutuichaka waerä. Jare jukuärái yawe, ¿këraita pa pepuere perowia cheré? Ndarau piyapo,” jei chupe reta.

San Juan 9:19

Jare upɨrandu chupe reta: “¿Jae pa ko kua pesambiaɨ jesa mbae oa pere chupe wae? ¿Kërái ramo pa añawe ipuere uecha oï?” jei reta.

San Juan 9:22

Jukuärái jei kuimbae tu jare ichɨ, echa’ä ukɨye parawete reta judío itenondewa reta wi ramo. Echa’ä jokua mburuwicha reta jei ma, “Ipotawe kía nunga jei ‘Jesús ko jae Cristo yae chupe wae,’ imeta ko uyemomboka yandetupao wi,” jei reta.

Hebreos 4:11

Jáeramo ñañemɨatangätuta ko yaputuu waerä añetete pewa, awɨye waerä ñañererükumewa yanderamɨkue reta rami. Jae reta uñererükumewa, echa’ä uyapo’ä reta Tumpa jei wae ramo.