San Juan 9:17 - Biblia

¹⁷ Jáeramo jei reta ye kuimbae jesa mbae ikose wae pe: “Nde, ¿mbae pa ndere jokua kuimbae chemɨmae ndere chupe wae jesewa?” jei reta chupe. Jayawe kuimbae jei chupe reta: “Jae ko pëti kuimbae Tumpa etei ombou wae iñee umɨmbeu waerä,” jei chupe reta.

Guaraní Pe (Western): Simba

¹⁷ Jayave jei reta ye cuimbae tenonde yave jesa mbae ico vae pe: —¿Mbae pa ndere nde jocua nemɨmae vae re? —Jae co penti Tumpa iñee umɨmbeu vae —jei chupe reta.

San Juan 9:17 Iomraidhean Croise

San Mateo 21:11

Jare jokua jeta wae reta yuweru Jesús ndiwe wae reta jei chupe reta: “Kua ko jae Jesús tëta wasu Nazaret pewa, ɨwɨ Galilea pe oï wae. Tumpa ombou umɨmbeu waerä ñee chuwi etei ou wae,” jei reta.

San Lucas 24:19

“¿Mbae pa uasa?” jei Jesús chupe reta. “Jokua Jesús Nazaret pewa pe mbae uyeyapo wae re,” jei reta. “Echa’ä Tumpa ombou jae iñee umɨmbeu waerä. Jare jae uyapo imbaepuere rewe jeta mbaembae ikawi wae, jare ikawi oporomboe wi. Tumpa umae kawi jese, jare jae nunga wi opaete wae reta umae kawi jese,” jei reta.

San Juan 4:19

Jare kuña jei chupe: “Añawe ramo che aikuaa nde yepe jae Tumpa nembou wae nemɨmbeu waerä jae iñee. Jayawe tapɨrandu ndewe mbae re,” jei.

San Juan 6:14

Jukuärái Jesús uyapo mbae kiawe ipuere’ä uyapo wae uechaka waerä chupe reta Tumpa wi ou wae ko jae. Jare joko pe ñonoï wae reta kua uecha yawe, jei reta iyupe: “Kua kuimbae yepe jae Tumpa iñee umɨmbeu wae Moisés arakae jei Tumpa ombouta iko wae,” jei reta.

San Juan 9:15

Jayawe fariseo reta upɨrandu jokua kuimbae pe: “¿Kërái pa ndepuere nemae?” jei reta chupe. Jayawe jae jei chupe reta: “Jesús oñono cheresa re tuñuu mii. Joko wi che a ayoe cheresa jare aecha woi,” jei chupe reta.

Hechos 2:22

Jare jei chupe reta wi: “Cherëtara Israel pewa reta, piyapɨsaka kawi chiñee re: Pe reta pikuaa kawi peï Jesús tëta wasu raɨ Nazaret pewa uyapo pepɨte rupi jeta mbaembae kiawe ipuere’ä uyapo wae. Tumpa etei ko uyapo jokua mbaembae reta Jesús rupi jare jukuärái uikuaaka tëi pewe Jesús ko jae Tumpa wi etei ou wae,” jei.