San Juan 9:16 - Biblia

¹⁶ Jayawe amokue fariseo reta jei: “Tumpa wi’ä ko ou jokua kuimbae Jesús. Echa’ä jae uyapo oï awɨyeta tëi uyapo mbutuu ara pe wae,” jei reta. Erëi ïru fariseo reta jei: “Erëi, mase, jae uyapo mbaembae kiawe ipuere’ä uyapo wae. ¿Ipuereta ra kía Tumpa kotɨ uyawɨ wae uyapo kua nunga mbaembae?” jei reta. Jayawe jae reta ipuere’ä oyowake uyemɨngeta pëti ramiño.

Guaraní Pe (Western): Simba

¹⁶ Amocue fariseo reta jei: —Tumpa pegua'ã co cua cuimbae. Echa'ã uyapo mbutuu ara pe mboroyocui pe jei agüɨye yayapo vaerã vae. Ẽrei ĩru fariseo reta jei: —¿Quirãi ra ipuere cuimbae iyoa vae uyapo cua nunga mɨacañɨ? Jare uyeaca reta uyupii.

San Juan 9:16 Iomraidhean Croise

San Mateo 12:10

Jare joko pe oï wi pëti kuimbae ipo jowaicho utini wae. Jayawe amokue fariseo reta upɨrandu Jesús pe: “Tumpa jei wae rupi, ¿yandepuere pa yapurumɨnguera mbutuu ara pe?” jei reta chupe. Jukuärái upɨrandu reta ipuere waerä tëi umbɨjeko reta Jesús jae mbae jei wae re.

San Mateo 12:2

Erëi amokue fariseo reta uecha, jare jei Jesús pe: “Mase, nderemimboe reta uyapo ñonoï Moisés arakae jei awɨyeta ko yayapo tëi mbutuu ara pe wae,” jei reta.

San Lucas 13:14

Jayawe tupao iyandarekoa pochɨ jokua re. Echa’ä Jesús umɨnguera jokua kuña mbutuu ara pe. Jáeramo jei joko pe ñonoï wae reta pe: “Owa ara ime oï yaparawɨkɨ waerä. Peyu jokua ara reta pe pekuera waerä. Awɨye peyu pekuera waerä mbutuu ara pe,” jei chupe reta.

San Juan 10:19

Jayawe joko pe ñonoï wae reta jekuae ipuere’ä oyowake uyemɨngeta yewɨ pëti ramiño.

San Juan 14:11

“Che jae ma pewe, ‘che aï cheRu ndiwe jare cheRu oï che ndiwe wi.’ Kua aipota perowia. Erëi aramoi pipota’ä perowia yawe kua chiñee re etei, chererowia yepe kua mbaembae che ayapo aï wae re,” jei chupe reta.

San Juan 2:11

Jesús kua uyapo ɨwɨ Galilea pe tëta wasu raɨ Caná pe. Jare jokua ko jae jaeramo etei Jesús mbae uyapo kiawe ipuere’ä uyapo wae. Jukuärái umbɨpɨ uechaka jae imbaepuere tuicha wae. Jare jokua jae uyapo wae jeko pewa jemimboe reta wɨrowia jese.

San Juan 3:2

Pëti wese kua kuimbae ou Jesús oï wae pe pɨ̈tu yawe uyemɨngeta waerä jae ndiwe. Jare jei chupe: “Oporomboe wae, ore nduikuaa ko Tumpa nembou ndeporomboe waerä. Echa’ä nde ndiyapo neï mbaembae kiawe ipuere’ä uyapo wae. Erëi Tumpa nemborɨ'ä yawe, ndarau etei ndepuere ndiyapo jokua nunga mbaembae,” jei chupe.

San Juan 5:10

Jare amokue judío itenondewa reta uecha jokua kuimbae jupa upi wɨraa oï, jare jei reta chupe: “Kua ara mbutuu ara ko. Moisés arakae uikuatía wae rupi yaikuaa jupi’ä ko kía wɨraa waerä jupa ara mbutuu pe,” jei reta chupe.

San Juan 5:36

Erëi añawe ime ye mbae uikuaaka pewe waerä kía ko che wae. Jare jokua ikawiete Juan umɨmbeu pewe wae wi. Jae ko kua mbaembae ayapo aï wae. CheRu etei umee chewe kua mbarawɨkɨ ayapo waerä, jare kua mbaembae reta etei uikuaaka pewe cheRu ko chembou wae,” jei chupe reta.

San Juan 6:52

Jayawe judío reta umbɨpɨ täta rupi uyeaka jae yepái Jesús jei wae re. “¿Këraita pa kua kuimbae umee yandewe jete yau waerä?” jei reta iyupe.

San Juan 7:12

Jare joko pe yuweru wae reta uyeaka wɨari jae yepái Jesús re. Amokue wae reta jei: “Kuimbae jeko kawi wae ko jae.” Jare ïru wae reta jei: “Mbaetɨ ko. Jae ko upurumbɨtawɨ wae,” jei reta.

San Juan 7:23

“Jayawe pe reta pipota’ä piyawɨ Moisés jei wae ramo, amo pe piyapo kua mbarawɨkɨ mii ara mbutuu pe. Jáeramo, ¿marái ramo jayawe pe reta pepochɨ peï chewe kua mbae ikawiete wae ayapo ara mbutuu pe ramo? Che amɨnguera pëti kuimbae opaetei jete, jare jokua mbarawɨkɨ ikawiete ye ko yembɨcircuncidaka wi,” jei.

San Juan 7:43

Jayawe joko pe ñonoï wae reta uyeaka jae yepái Jesús rewa.

San Juan 9:24

Jayawe judío itenondewa reta uenika ye kuimbae tenonde yawe jesa mbae iko wae, jare jei reta chupe: “Iyemɨngeta orewe Tumpa jowake. Echa’ä ore nduikuaa jokua Jesús uyawɨ oï Tumpa jei wae,” jei reta chupe.

Hechos 14:4

Jayawe tëta wasu pewa reta uyembɨyao iyuwi reta. Amokue wae reta uyemboya jokua judío wɨrowia mbae wae reta re. Jare ïru wae reta uyemboya Jesús jemimboe tenondewaete reta re.