San Juan 8:6 - Biblia

⁶ Kua jei reta Jesús pe, echa’ä ueka yureko tëi kërái uitɨ waerä Jesús iñee pei umbɨjeko reta waerä. Erëi Jesús jei’ä chupe reta mbae awe. Jaeño uwapɨchuku jare ipoäka pe umbɨpɨ uikuatía ɨwɨ re.

Guaraní Pe (Western): Simba

⁶ Cua jei reta uicuaa vaerã mbae ra jeita Jesús. Echa'ã uipota umbɨjeco. Jayave Jesús ipe jare uicuatía mbae ɨvɨ re ipoãca pe.

San Juan 8:6 Iomraidhean Croise

Números 14:22

Jáeramo che etei tae ndewe, jokua chererɨ̈ro wae reta ndarau yuraa uwäe reta jokua ɨwɨ ikawiete wae pe. Añetete uechata’äwe reta jokua ɨwɨ che jae tamɨkue reta pe ameeta tëi aiko chupe reta wae. Kua reta uecha tëi ma chembaepuere jupiete wae uyekuaa chupe reta tembipe uwerasɨ wae rami. Uecha reta tëi wi mbaembae chembaepuere tuicha wae rupi ayapo wae jae reta imaerä ɨwɨ Egipto pe jare kua ɨwɨtini wasu rupi wi. Jesewe payandepo wese ma omboporowa ñeño reta chepɨawasu, jare jekuaeño uyapo’ä reta che jae wae rupi,” jei chupe.

San Mateo 10:16

“Mase, che pomondo aï ikawi mbae wae uyapo wae reta ipɨte rupi,” jei chupe reta. “Jukuärái pe reta pikota peï owecha yawapɨ̈ta reta ipɨte rupi iko wae rami. Jáeramo piyandareko kawi piyé pearakuaa katu rewe jare pekoi rewe,” jei.

San Mateo 15:23

Erëi Jesús jei’ä mbae awe chupe. Jayawe jemimboe reta yuweru jei chupe: “Emondo ye jokua kuña, echa’ä usapɨkai pɨi rewe ou oï yanderaɨkue. Yanembɨkuerita oï,” jei reta chupe.

San Mateo 16:1

Jayawe yuweru amokue fariseo reta jare saduceo reta Jesús oï wae pe, jare jei reta chupe: “Añetete Tumpa nembou yawe, jayawe yaecha iyapo orewe mbae tuicha wae Tumpa imbaepuere pe,” jei reta.

San Mateo 19:3

Jayawe yuweru wi amokue fariseo reta Jesús oï wae pe uyawɨka waerä tëi chupe iñee rupi umbɨjeko reta waerä. Jayawe upɨrandu reta chupe kuärái: “Tumpa jei wae rupi, ¿ipuereta ra kuimbae omombo jembireko ipotawe mbae re?” jei reta chupe.

San Mateo 22:18

Erëi Jesús uikuaa jae reta jaeño uipota tëi uyapo ikawi mbae wae chupe. Jayawe jei chupe reta: “Pe reta ko jae mokui jowa wae reta. ¿Maera pa pipota piyawɨka peï chewe?” jei.

San Mateo 22:35

Jayawe pëti wae – jae ko Moisés uikuatía wae re oporomboe wae – upɨrandu Jesús pe mbae re uyawɨka waerä tëi chupe iñee rupi.

San Mateo 26:63

Erëi Jesús kïiño. Jayawe sacerdote tenondewaete jei chupe: “Emɨmbeu orewe Tumpa ikoño mái wae jowake, ¿nde pa ko jae Cristo yae chupe wae? ¿Nde pa ko jae Tumpa Taɨ?” jei chupe.

Marcos 10:2

Jare amokue fariseo reta wi yuraa joko pe, jare upɨrandu reta Jesús pe kuärái: “Tumpa jei wae rupi, ¿ipuereta ra kuimbae omombo jembireko?” jei reta chupe. Upɨrandu reta Jesús pe jukuärái, echa’ä jae reta uipota tëi uyawɨka chupe iñee rupi umbɨjeko reta waerä.

Marcos 12:15

Erëi Jesús uikuaa chuwi reta uipota umbɨtawɨ wɨreko reta wae. Jayawe jei chupe reta: “¿Maera pa pipota piyawɨka peï chewe? Peru chewe pëti korepoti; ñamae jese,” jei chupe reta.

Marcos 3:2

Jare fariseo reta umae ngatu Jesús re upurumɨnguerata ra mbutuu ara pe wae re. Echa’ä Jesús umɨnguera yawe kuimbae, jeita reta Jesús uparawɨkɨ ma mbutuu ara pe jare umbɨjekota tëi reta jokua re.

Marcos 8:11

Jayawe yuweru amokue fariseo reta Jesús oï wae pe, jare umbɨpɨ uyeaka reta jae ndiwe. Jae reta jei chupe: “Añetete Tumpa nembou yawe, jayawe yaecha iyapo orewe mbae tuicha wae Tumpa imbaepuere pe,” jei reta.

San Lucas 10:25

Jare joko pe ime iko pëti kuimbae Moisés uikuatía wae re oporomboe wae. Kua kuimbae uipota omboporowa Jesús iyarakuaa. Jayawe uyemboɨ jare upɨrandu Jesús pe: “Oporomboe wae, ¿mbae pa ayapota anoi waerä tekowe opa mbae wae?” jei chupe.

San Lucas 11:16

Jare ïru wae reta uipota tëi uyawɨka Jesús pe. Jáeramo jei reta chupe: “Añetete Tumpa nembou yawe, jayawe yaecha iyapo orewe mbae tuicha wae Tumpa imbaepuere pe,” jei reta.

San Juan 8:2

Jare pɨarewe pe ndimboweasɨ jae oo ye tupao wasu joka pe. Jayawe jeta wae reta yuweru ikotɨ, jare jae uwapɨ jare umbɨpɨ omboe reta.

1 Corintios 10:9

Jae nunga wi awɨye yamboporowaiño yandeYa ipɨawasu kërái amokue jae reta uyapo rami. Echa’ä jukuärái uyapo reta ramo, Tumpa ombou chupe reta mboi imbayachiete wae reta uyuka reta waerä.