San Juan 8:56 - Biblia

⁵⁶ “Jare perukue Abraham arakaete uikuaa kawi iko che ayuta aiko wae jare jae uyerowiaete iko jokua re. Tumpa uechaka chupe chewäe ara jare jae ipɨakatu iko jokua re,” jei Jesús chupe reta.

Guaraní Pe (Western): Simba

⁵⁶ Petenondegua Abraham uyerovia cherechata ramo. Cherecha co jare uyerovia —jei.

San Juan 8:56 Iomraidhean Croise

Génesis 22:18

“Niñemoñaa rupi opaete ɨwɨ pewa reta uyekouta, echa’ä nde ndiyapo che jae wae rupi ramo,” jei Tumpa Abraham pe.

San Mateo 13:17

“Che tae pewe añetete wae, ime iko jeta Tumpa iñee arakae umɨmbeu wae reta jare kuimbae jupi wae reta uipotaete tëi uecha mbaembae pe reta pecha peï wae, jare uipotaete tëi uyandu reta mbaembae pe reta piyandu peï wae. Erëitu ipuere’ä uecha reta jare uyandu’ä reta wi,” jei Jesús jemimboe reta pe.

San Lucas 10:24

“Che tae pewe añetete wae, ime iko jeta Tumpa iñee arakae umɨmbeu wae reta jare mburuwicha wasu reta uipotaete tëi uecha mbaembae pe reta pecha peï wae, jare uipotaete tëi uyandu reta mbaembae pe reta piyandu peï wae. Erëitu ipuere’ä uecha reta, jare uyandu’ä reta wi,” jei Jesús jemimboe reta pe.

San Juan 10:25

Jayawe Jesús jei chupe reta: “Che aikuaaka kawi ma ko pewe tëi, erëi pe reta chererowia’ä,” jei chupe reta. “CheRu jee re mbaembae ayapo wae ko uikuaaka ma pewe tëi kía ko che wae.

San Juan 8:37

“Che aikuaa Abraham iñemoñaa reta ko pe reta tëi. Erëi pemomoe’ä ko peï jae jeko, echa’ä pipota cheyuka peï. Jukuärái pe reta pipota piyapo peï, echa’ä perowia’ä chiñee re,” jei.

San Juan 8:39

“Abraham ko jae orerukue,” jei reta chupe. Jayawe Jesús jei chupe reta: “Pe reta añetete Abraham taɨ yawe, jayawe pemomoeta tëi ko Abraham jeko.

Hebreos 11:13

Abraham, Isaac, jare Jacob jekuaeño wɨrowia Tumpa jei chupe reta wae re, jare opa umano reta wɨrowia rewe. Jare yepe tëi uecha’ä reta opaete mbaembae Tumpa jei umeeta iko chupe reta wae, erëi jae reta wɨrowia Tumpa uyapota iko jae jei wae. Añetete jae reta imaerä Tumpa uyapo wae echa ma chupe reta. Jare jokua jaekawi chupe reta. Jae reta imara mbae rewe jei: “Ore kua ɨwɨ pewa’ä ko. Ore ko jae kua ɨwɨ rupi nduwata nduiko waeño,” jei reta.

Hebreos 11:39

Opaete kua reta umbɨyerowia Tumpa wɨrowia reta jese ramo. Erëi jae reta opa umano onoi mbae rewe Tumpa jei umeeta iko chupe reta wae.