San Juan 8:51 - Biblia

⁵¹ “Che tae pewe añetete wae, kía chiñee uyapo wae ndarau umano,” jei chupe reta.

Guaraní Pe (Western): Simba

⁵¹ Añete che jae peve, uyapo che jae chupe uyapo vaerã vae ndarau umano —jei.

San Juan 8:51 Iomraidhean Croise

San Mateo 16:28

“Che tae pewe añetete wae, amokue pe reta kua pe peï wae ndei pemano mbowe cherechata che kuimbaerä ayeyapo wae ayu ye yawe aiko waerä opaete wae imburuwicha wasurä jaeño mái pewa.” Jukuärái Jesús jei jemimboe reta pe.

San Lucas 2:26

Jare Espíritu Santo uikuaaka ma chupe jae umanota’ä iko ndei uecha mbowe Cristo Tumpa ombouta iko wae.

San Juan 14:23

Jare Jesús jei chupe: “Cherau wae uyapota chiñee rupi. Jare cheRu uauta jae. Jare che jare cheRu mokui rewe ndoyuta nduiko waerä jae ndiwe. Jayawe che ayekuaakata chupe,” jei.

San Juan 15:20

“Añetete jae reta peamɨtäata ñonoï. Pemandúa kawi, che jae ma pewe pëti pione ndarau uasa ipatrón iáramo rupi. Jayawe kërái uyapo chewe reta rami, jukuäraiete wi uyapota pewe reta. Jae reta uyapo yawe mbae kachi wae chewe, jukuäraiete ko uyapota pewe reta wi. Jare jae reta chiñee uipɨsɨ yawe, jukuäraiete ko uipɨsɨta reta piñee wi,” jei chupe reta.

San Juan 17:6

“Kua cheremimboe mii reta, nde nemee ma chewe ɨwɨ pewa reta ipɨte wi. Jae reta nembae ko, jare nde nemee chewe reta wi,” jei. “Añawe che amɨmbeu kawi ma chupe reta nde rewa, jare jae reta uyapo ma nde ndere wae.

San Juan 5:24

“Che tae pewe añetete wae, ipotawe kía chiñee re uyapɨsaka wae jare chembou wae re wɨrowia wae, jae onoi tekowe opa mbae wae. Tenonde yawe oo iko Tatawasurenda kotɨ, erëi añawe ime ma onoi tekowe opa mbae wae. Tumpa ndarau ma umbɨjeko,” jei chupe reta.

San Juan 6:50

Erëi kua mbɨyape ara wi ou wae ikawiete ye ko. Echa’ä kía jou kua mbɨyape wae, ikota jaeño mái pewa,” jei.

San Juan 8:12

Jayawe Jesús umbɨpɨ ye omboe joko pe ñonoï wae reta: “Che ko jae tembipe rami ɨwɨ pewa reta pe, echa’ä aikuaaka chupe reta añetete wae Tumpa rewa. Jare ipotawe kía che ndiwe oï wae ndarau ye ma iko pɨ̈tumimbi pe rami. Echa’ä che amee chupe tekowe ipɨau wae jare opa mbae wae, jare jokua ko tembipe rami chupe,” jei chupe reta.

San Juan 8:52

Jayawe judío itenondewa reta jei Jesús pe: “¡Añawe ore nduikuaa kawi ma noï aña uyembɨiya ma nderé! Echa’ä Abraham jare ïru kuimbae reta Tumpa iñee arakae umɨmbeu wae, yepe tëi jae reta uyapo kawi Tumpa jei wae, jesewe opa umano reta. Jáeramo añawe, ¿këraita pa nde ndere neï orewe, ‘Kía uyapo chiñee wae ndarau umano’?” jei reta chupe.

San Juan 8:55

Erëitu pe reta pikuaa’ä Tumpa. Che aikuaa ko. Che jae yawe, ‘Aikuaa’ä,’ chaputa tëi ko pe reta papu rami. Erëi che aikuaa ko, jare ayapo aï jae jei wae rupi,” jei chupe reta.

Hebreos 11:5

Jae nunga wi yanemandúa Enoc re. Enoc wɨrowia Tumpa jei wae re, jare jukuärái umbɨyerowia Tumpa. Añetete Tumpa umae kawi jese. Jáeramo Enoc umano’ä. Echa’ä Tumpa sɨmi wɨraa Enoc ara pe jekowe rewe, jare kiawe kua ɨwɨ pewa ipuere’ä uwäe chupe.

Hebreos 2:9

Erëi yaecha ko Jesús opaete mbaembae re oï. Yepe tëi tenonde Tumpa umɨmichi Jesús araɨwa reta wi Jesús uyeyapo yawe kuimbaerä, erëi jokua michi pewaño. Añawe Jesús umano yanderé ramo, Tumpa oñono ma opaete wae imburuwicha wasurä iko waerä jare umee chupe uyepɨuka waerä opaete wae pe. Añetete Tumpa ipɨakawiete ramo, ombou Jesús umano opaete pewarä.