San Juan 8:48 - Biblia

⁴⁸ Jayawe judío itenondewa reta jei chupe: “¡Añetete yepe! ¡Samaria pewa pochɨ ko nde, jare aña uyembɨiya ma nderé!” jei reta chupe.

Guaraní Pe (Western): Simba

⁴⁸ Jayave judío reta jei: —Ndoe ma nde co jae penti Samaria pegua, jare aña oya ma nderé. Añete co cua ndoe vae —jei reta.

San Juan 8:48 Iomraidhean Croise

Isaías 53:3

Jeta wae reta uñamɨtäa jare wɨrɨ̈ro kua kuimbae uiporaraete wae jare tuicha rupi ususere wae. Jae uasa yandeyɨpɨ rupi yawe, yayerowa chuwi jare yande wi yaipota’ä ñamae jese. Jeta wae reta uñamɨtäa kua kuimbae, jare jokua mbae’ä yandewe.

San Mateo 10:25

“Erëi uyemboe wae iko yawe imboea rami, jokua ikawi ko. Jare pione iko yawe ipatrón rami, jae nunga wi ikawi ko. Jayawe piyandareko kawi piyé, echa’ä jei reta ma chewe, ‘Añawasu.’ Jare jukuärái uyapo reta ma chewe yawe che peYarä aï wae, ¡oeteta uyapo reta pewe cheremimboerä piko wae reta!” jei Jesús chupe reta.

San Mateo 10:5

Jesús omondo jokua doce kuimbae reta umɨmbeu waerä ñee ikawi wae opaete kerupi. Jare ndei yuraa reta mbowe, Jesús jei chupe reta kuärái: “Awɨye pekua kuri judío mbae wae reta ñonoï wae pe jare samaritano reta jëta wasu reta rupi,” jei chupe reta.

San Mateo 11:18

“Echa’ä Juan ou yawe, jae jou’ä vino jare oñono teeñoi wi amokue ara reta ukaru mbae waerä. Jáeramo jei reta tëi jesewa: ‘Aña uyembɨiya ma jese,’ jei reta tëi.

San Mateo 12:24

Jare fariseo reta kua uyandu yawe, jei reta iyupe: “Añawasu imbaepuere rupi ko kua kuimbae omoë oï aña reta kuimbae reta wi,” jei tëi reta.

San Mateo 12:31

“Jáeramo che tae pewe, piyandareko kawi piyé kërái piyemɨngetata wae re. Echa’ä kua ɨwɨ pe ime opa kërái rái rupi Tumpa kotɨ uyawɨ reta wae, jare jeta wae reta uyemɨngeta kachi Tumpa kotɨ,” jei. “Tumpa ipuereta jokua umbái chuwi reta. Erëi ime yawe kía uyemɨngeta kachi Espíritu Santo kotɨ wae, Tumpa ndarau umbái chuwi jokua,” jei.

San Mateo 15:7

“Pe reta añetete wae nunga piyeyokui Tumpa pe. Isaías uikuatía arakaete peré wae jupi ko. Echa’ä jei kuärái:

San Juan 1:19

Jayawe Juan jeräkua ma judío itenondewa reta pe tëta wasu Jerusalén pe. Jayawe jae reta uipota uikuaa kawi jesewa. Jáeramo omondo reta amokue sacerdote reta jare imborɨa reta ndiwe kiape Juan oï wae pe. Jare jae reta yuweru ma uwäe yawe, upɨrandu reta chupe: “¿Kía ko nde?”

San Juan 10:20

Jeta jae reta jei iyupe: “Aña uyembɨiya ma jese. Imbɨkere ma kua oï. ¿Maera ra yayapɨsaka yeta jese?” jei reta.

San Juan 13:13

Pe reta pere chewe ‘CheYa,’ jare pere wi ‘Oporomboe wae.’ Jare añetete jupi ko pere chewe waerä jukuärái, echa’ä che ko jae peYa jare pemboea,” jei chupe reta.

San Juan 4:9

Jayawe kuña ipɨakañɨ jare jei chupe: “Nde ko jae judío, jare che ko jae kuña Samaria pewa. ¿Maera pa nde ndiyemɨngeta neï che ndiwe jare ndeka neï chewe ɨ?” jei chupe. Jukuärái jei kuña, echa’ä judío reta mbaetɨ etei ko uñemɨïru Samaria pewa reta ndiwe.

San Juan 7:20

Jayawe jeta joko pe uyembatɨ ñonoï wae reta jei: “¡Aña nemɨmbɨkere oï! ¿Kía pa uipota ndeyuka oï?” jei reta.

San Juan 8:22

Jayawe judío itenondewa reta jei iyupe: “¿Uyeyukata ra oï? Aramoi jokua jeko pewa jei yandewe, ‘Ndarau pepuere peo che ata aï wae pe,’ jei.” Jukuärái jei tëi iyupe reta.

San Juan 8:52

Jayawe judío itenondewa reta jei Jesús pe: “¡Añawe ore nduikuaa kawi ma noï aña uyembɨiya ma nderé! Echa’ä Abraham jare ïru kuimbae reta Tumpa iñee arakae umɨmbeu wae, yepe tëi jae reta uyapo kawi Tumpa jei wae, jesewe opa umano reta. Jáeramo añawe, ¿këraita pa nde ndere neï orewe, ‘Kía uyapo chiñee wae ndarau umano’?” jei reta chupe.

Romanos 15:3

Ñamae mii yandeYa Cristo re. Echa’ä yepe tëi jae ko opaete wae iYa, erëi jae awe uyapo’ä mbae uyembɨyerowia waerä. Jae uyapo yandeRu Tumpa jei wae, yepe tëi täta uiporara jokua jeko pewa. Jukuärái uikuaaka yandewe Tumpa iñeerɨru pe. Echa’ä joko pe yaikuaa Cristo jei Tu pe kuärái: “Jokua ñee ikawi mbae oï ndekotɨ wae, jae nunga wi oa oï cheré.” Jukuärái uyekuatía oï.

Hebreos 13:13

Jáeramo yepe tëi jeta ñanerëtara judío reta opa wɨrɨ̈ro Jesucristo, erëitu yande reta yaya mii jese. Jare Jesucristo re yaya ramo, ñanerɨ̈rota reta wi. Aramoi yanemombota iyuwi reta. Erëitu ñamaeño jese reta.

Santiago 2:19

Erëi aramoi jeita wi chewe kuärái: “Che arowia ime pëtiño Tumpa,” jeita chewe. Jokua jaekawi tëi. Erëi uepitɨ'ä, echa’ä aña reta wi ko wɨrowia jukuärái. Jare jae reta urɨrɨ ñonoï Tumpa wi ukɨye ramo.