San Juan 8:46 - Biblia

⁴⁶ Pe reta imeta tëi ko chererowia, echa’ä che ayawɨ'ä etei Tumpa kotɨ. Ani ¿ime ra pëti wae pe reta pepuere pechaka chewe kërái ra ayawɨ Tumpa kotɨ wae? Pëti awe ndarau ipuere. Jáeramo pepuere pikuaa che chapu’ä etei ko. Jayawe, ¿maera pa pe reta chererowia’ä?

Guaraní Pe (Western): Simba

⁴⁶ Mbaetɨ penti yepe pepuere pere cheve: ‘Ndeyoa co.’ Echa'ã che amɨmbeu peve añete vae. ¿Maera pa chererovia'ã? —jei—.

San Juan 8:46 Iomraidhean Croise

San Mateo 21:25

“Pemɨmbeu chewe, ¿kía pa ombou Juan upurumbɨsakambu waerä? ¿Tumpa ra ombou, ani kuimbae retaño ra ombou?” jei chupe reta. Jayawe jae reta yuraa ikotɨ̈a mii jare jei iyupe: “Yae yawe, ‘Tumpa ko ombou Juan,’ jayawe Jesús jeita yandewe, ‘Jukuärái yawe, ¿maera pa perowia’ä jae jei wae?’ jeita yandewe.

Marcos 11:31

Jayawe jae reta yuraa ikotɨ̈a mii jare jei iyupe reta: “Yae yawe, ‘Tumpa ko ombou Juan,’ jayawe Jesús jeita yandewe, ‘Jukuärái yawe, ¿maera pa perowia’ä jae jei wae?’ jeita yandewe.

San Juan 14:30

“Ndarau ma jekuaeño ɨma ayemɨngeta aï pe reta ndiwe. Echa’ä uwäe ma ara che aiporara waerä kua ɨwɨ imburuwicha ipo pe – jae ko Añawasu. Erëi jae ndarau etei ipuere cheré,” jei chupe reta.

San Juan 15:10

¿Kërái ra pikota jukuärái? Pe reta piko yawe che jae wae rupi, jayawe jekuaeño piyekouta peï kuri che puau wae re. Jukuärái wi che jekuaeño ayekou aï cheRu cherau wae re, echa’ä che aiko jae jei wae rupi,” jei chupe reta.

San Juan 16:8

“Kua ɨwɨ pewa reta uikuaa kawi’ä mbae ra ko jae ikawi wae jare mbae ra ko jae kachi wae Tumpa jowai. Jare uikuaa’ä reta kërái pëti ara jae reta uyemboɨta ñonoï Tumpa jowai jae jei waerä jae reta jeko re. Erëi Oporomborɨ wae ou yawe, jae uikuaaka kawita chupe reta kërái uyawɨ ñonoï jokua mbaembae rewa,” jei chupe reta.

San Juan 18:37

Jayawe Pilato jei chupe: “Jayawe nde yepe jae pëti mburuwicha,” jei chupe. Jayawe Jesús jei chupe: “Nde ndere wae rami jae ko che. Jokuaerä ko aa chesɨ wi. Jare ayu ko kua ɨwɨ pe amɨmbeu waerä añetete wae. Jare opaete uipota yureko añetete wae rupi wae reta, jae reta ko uyapɨsaka chiñee re,” jei chupe.

San Juan 8:47

Echa’ä pe reta Tumpa taɨ'ä ko. Jokua jeko pewa pipota’ä piyapɨsaka. Jaeño Tumpa taɨ reta uyapɨsaka Tumpa iñee re,” jei Jesús chupe reta.

San Juan 8:7

Erëi jae reta jekuaeño upɨrandu chupe. Jayawe Jesús uyemboɨ jare jei chupe reta: “Kía pepɨte pe mbaetɨ etei teko onoi wae, jokua rani tuyapi ita pe,” jei.

2 Corintios 5:21

YandeYa Cristo uyapo’ä etei ko mbae kachi wae. Erëi Tumpa uiporaraka chupe opaetei mbaembae kachi yayapo wae re Cristo etei jokua mbaembae uyapo wae rami. Jukuärái Tumpa uyapo yandepuere waerä ñaï kawi jae ndiwe yandereko mbae wae rami Cristo uyapo yandewe wae rupi.

Hebreos 4:15

Kua yandesacerdote tenondewaete umae yanderé yandeparareko rewe ñanepɨräta’ä ñaï yawe, echa’ä jae uikuaa kërái ko jokua ñanepɨräta’ä wae. Echa’ä kua ɨwɨ pe iko rambuewe, ou Jesús pe opa kërái rupi uyawɨka waerä tëi chupe Tumpa kotɨ wae yande rami. Erëi jae pëti wese awe uyawɨ'ä Tumpa kotɨ.

Hebreos 7:26

Kua nunga sacerdote tenondewaete ikawi ko yandewe. Echa’ä jae ko jupi wae, jare jeko mbae wae, jare ikɨa mbae Tumpa kotɨ wae. Añetete Jesús mbaetɨ etei ko Tumpa kotɨ uyawɨ wae reta rami. Jáeramo Tumpa oñono Jesús iwapɨka ɨwate opaete ara pe oï wae reta wi.

1 Pedro 2:22

Cristo uyapo’ä etei ko mbae kachi wae, jare upurumbɨtawɨ'ä etei ko wi.